#820    Ég uppgötvaði um daginn að þegar maður biður um sódavatn með pulsunni sinni á Bæjarins beztu er ekki rukkað fyrir drykkinn. Kannski ekki merkilegur sparnaður en þar sem þau kæmust upp með að rukka fyrir sódavatn eins og gos án nokkurra athugasemda finnst mér þetta gott hjá þeim.

#819    Sendi þessa fyrirspurn til Valitor:
Hvernig er það kostar það virkilega 500 kr. að fá pin númer ef að ég hef gleymt því? Ef svo er hver er ástæðan fyrir þessari upphæð? 
Svarið var eftirfarandi:
Góðan daginn og takk fyrir póstinn
Flestir bankar og sparisjóðir bjóða upp á að fá pin númerið í heimabankanum. 500 kr. eru vegna okkar kostnaðar við að halda úti þeirri þjónustu að korthafar geti komið og fengið endurútgefið pin númerið. Aðeins er greitt fyrir endurútgefið pin númer en ekki ný pin númer sem fylgja nýjum kortum.
Samkvæmt þessu svari þá geri ég ráð fyrir því að það sé einn starfsmaður í fullu starfi við það að láta okkur hafa pin númer. Ég hélt nú annars að þetta væri í einhverju forriti og væri lítíð mál að nálgast það. 
Verðið var það sama þó svo að ég færi til þeirra og sótti númerið.

#818    Ég asnaðist til þess að fara í bakarí Jóa Fel. Mun ekki gera það aftur. 
Mig vantaði snittubrauð og bað stúlkuna um eitt slíkt og skera það fyrir mig. Hún spyr hvort ég vilji fá snittubrauð með hvítlauk og olívum og ég þáði það en sá engan verð miða en hugsaði nú að þetta verður dýrara en venjulegt en góð tilbreyting. Þangað til að hún rukkar mig um 695 krónur fyrir snittubrauðið. RÁN!
Ég fór svo í dag í bakaríið Kornið á Lækjargötunni, þar sé ég snittubraut með Olívum gómsætara ef eitthvað er en hjá Jóa Fel á 290 krónur. Þið getið rétt ímyndað  ykkur hvert ég fer næst þegar mig vantar snittubrauð.
Hvað ætlið þið að gera? 

#817    Smurstöðvar landsmanna. Ef farið er með fólksbíl á venjulega smurstöð og ef beðið er um þetta hefðbundna  eins og “ viltu smyrja” eða “viltu skipta um olíu” eða slíkt eins og venja að biðja um, þá er starfsmönnum á flestum smurstöðvum uppálagt að ganga í að skoða og tékka á öllu í bílnum sem viðkemur smurningunni þó svo að “smurningin” sé í flestum tilfellum ekki það sem gert er.  Mjög margir fólksbílar og jepplingar í dag eru nefnilega smurkoppalausir að mestu eða öllu leyti. 
Það sem gert er í “smurningu” er að tékkað er á fjölmörgum hlutum og “gerðar” fjölmargar aðgerðir sem rukkað er fyrir. Mjög margt sem venjulegt fólk getur gert sjálft og sparað sér þannig mjög verulegar upphæðir því öll þessi viðvik sem verið er að gera og selja fólki með þessari “þjónustu” er frekar dýr. 
Sem dæmi, þá getur fólk sjálft athugað vatn, athugað bremsuvökva, athugað sjálfskiptivökva, athugað vatn á rafgeymi, athugað magn rúðuvökva, smurt með WD40 eða smurolíu í hurðaföls ofl. 
Ég læt sjálfur einungis smyrja og skipta um olíusíu og ekkert annað á smurstöðvum og svona einusinni á ári læt ég tékka á olíumagni á drifi og gírkassa og reiknast mér til að sparnaður sé verulegur af þessu, annað geri ég sjálfur. 
Annað sem er þess virði að velta fyrir sér er eftirfarandi dæmi: 
Loftsía í ákveðna bíltegund á smurstöð hjá N1 kostar 2.700 krónur ( óísett  dags: 11. Júní 2008) 
Loftsía í sama bíl hjá N1 verslun ( Bílanaust)  kostar 2,198 krónur  ( dags: 11. Júní 2008) 
Mismunur er 502 krónur og gefur tilefni til að ætla að það sé betra að kanna verð á varahlutum áður en farið er að kaupa þá. 
(ATH: Þessi færsla bendir okkur á að það er ódýrara að versla varahluti á N1 verslun í stað þess að kaupa þá beint af smurstöð. Mig grunar að það sé sama verð vegna þess að í N1 verslun gefa þeir verðin í gegnum síma án vsk.
Ég lenti í því um daginn þegar ég var að leita mér að bremsuklossum. Ég hringdi og ath. verðið sendi svo manninn minn að kaupa þá og þegar ég sá svo reikniginn var búið að bæta vsk á verðin sem ég hafði fengið í gegnum síman.
Ég mæli því eindregið með því þegar neytendur leit eftir ódýrustu verðunum skulu þeir spyrja hvort vörurnar séu með eða án vsk. Þarna finnst mér allaveganna N1 vera gera neytendur að fíflum!)

#816    Fór sem leið liggur í Múrbúðina og keypti nokkra 
múrbolta, verðið var 95 kr. stykkið. En þar sem ég er iðnaðarmaður 
og hef gegnum tíðina verslað að mestu í Húsasmiðjunni (ekkert mál ) þar 
kostaði nákvæmlega sami múrboltinn 272 kr. Afgreiðslumaðurinn varð hálf skömmustulegur þegar ég lét hann vita af þessum verðmismun. Hans orð voru þessi " ég skil ekkert í 
þessu lengur, þeir hækka verðið hérna í búðinn á hverjum degi". Varið ykkur á Húsasmiðjunni, svona eru verðin einnig í Byko,  langdýrustu verslanirnar.

#815    Varð fyrir því að týna festingu áGarmin GPS tæki. Fór því í R. Sigmundsson og hugðist kaupa þessa mjög svo einföldu festingu (festing með sogskál til að festa tækið í framrúðu í bílnum) en hún var ekki til, nema í pakka með hleðslutæki og kostaði 4.800 kr!!!.  NB Nýtt tækið kostar 17.900 kr. hjá R. Sigmundsson þá fylgir auðvitað festingin og hleðslutæki með í pakkanum. Á heimasíðu Garmin er hægt að kaupa þetta án hleðslutækis á 25 USD = 1.940 kr. og með hleðslutæki á 29,99 =2.327 kr. þetta er semsagt rúmlega 100% dýrara hér. Annað sem vekur athygli er að tæki sem kostar 17.900 kr. hjá R. Sigmudsson kostar 16.500 á heimasíðu Garmin.  Afhverju ætli verðmunur á tækinu sé nánast enginn,  en á aukabúnaði 100%? Gæti að samkeppni sé í sölu á tækjunum.  Kannski minna sé um samkeppni í sölu á aukabúnaði (einokun)??? 

#814    Fór um helgina fór ég í Húsasmiðjuna í Grafarholti og ætlaði að kaupa eina fléttu 180 x 167 í garðgrindverk sbr. slóð. Verðið á fléttunni var 19.200 kr. Ég ræddi við starfsmenn í timbursölunni og barmaði mér yfir verðinu. Þeir voru sammála mér um að verðið væri fáranlega hátt enda kostaði hún 13.000 kr. í fyrrasumar. Þetta er því um 47% hækkun á milli ára. 

#813    Ég sendi þetta bréf líka á Vífilfell og ég vona að því verði svarað því mér finnst verið að svindla á manni! Þegar ég fer og fæ mér að borða á veitingastað, t.d pizzu, hamborgara, samloku þá vil ég drekka með matnum, eða bíó og drekka með poppinu. Nú þá vil ég velja drykki frá Vífilfell, sem eru mínir uppáhaldsdrykkir, t.d Coke, Sprite og Fanta. En nema hvað, þessir drykkir eru svo oft seldir í dælum eingöngu á þessum stöðum, sem er ógeðslegt, þetta er það allra versta sem er hægt að gera. Þetta er ekki líkt orginal drykkjunum. Þetta er eins og að selja gamlan skoda, í staðinn fyrir glænýjan fólksbíl. Er þetta eðlilegt eða hvað? Svo líka eitt, þetta er ekki einu sinni sama bragðið á öllum stöðunum, sumir drykkir eru dísætir og stundum er þetta bara vatn 90 prósent. Ég er hundfúll yfir þessu.
(ATH: Það er vissulega rétt að þónokkrir skyndibita- og veitingastaðir og bíó bjóða aðeins eða að mestu upp á gos úr dælum.  Nú er það svo að varan úr dælunum á að vera nákvæmlega eins og drykkirnir úr flöskum eða dósum ef allt er í lagi á þessum stöðum.  Við gerum reglulegar mælingar á slíkum stöðum til að leitast við að ganga úr skugga um það, og niðurstöður eru yfirleitt jákvæðar.  Það gerist því miður þó að stundum bila tæki, blöndunarhlutföll kunna að brenglast eða þá það sem er algengast ef ekki er í lagi með vöruna, að sýrópið sem gosið er blandað úr er orðið gamalt.  Við reynum að vinna það með okkar viðskiptavinum að tryggja það að varan sé sem ferskust.  Með það að markmiði höfum við verið að færa nokkra staði úr Post mix í flöskur undanfarið og munum halda áfram, enda sölumagnið ekki alltaf nægjanlegt til að réttlæta dæluna.  Á sumum þessara staða (t.d. bíóunum) er mögulegt að kaupa vöruna líka í flöskum eða dósum (í sjálfsala t.d) ef þér líkar ekki við vélagosið.  Vonandi hjálpar það e-ð. 
Ég bið þig endilega hins vegar verðir þú var við vöru sem þú telur ekki í lagi að láta okkur vita.  Þannig getum við skoðað viðkomandi stað og athugað hvort ekki sé í lagi með tækin a.m.k. 
Guðjón / Vífilfell)

#812    Keypti Myllu fjölskyldubrauð í síðustu viku í 10-11 í Staðarbergi í Hafnarfirði og blöskraði að sjá það var komið í 325 kr. því ég hafði verið verið að kaupa það á rúmar 160 kr. í Bónus. Sá svo seinna í vikunni að Bónus var að auglýsa þetta brauð á tilboði kr. 129 og keypti þvi nokkur stykki til að frysta. Þetta er okur og ekkert annað ;-(
(ATH: Þekki vel verðin hjá heildsölum eftir að hafa verið í eigin rekstri. Ef Bónus er að selja Myllu fjölskyldubrauð á 129 krónur þá er það verð einmitt það sem er fáránlegt. Það er algjörlega útilokað að Bónus sé að gera nokkuð annað en að niðurgreiða brauðið (og eflaust bleyjur og smokka líka) til að fá fólk inn í búðirnar. Brauðið sem kostar 325 krónur er miklu nærra lagi, það þurfa jú allir að lifa af sinni vinnu og þjónustu. Það gefur auga leið að sá sem selur brauðið á 325 krónur er þó að hafa eitthvað fyrir sinn snúð enda kostar það eitthvað að halda 1 stykki búð gangandi, sama af hvaða stærðargráðu hún kann að vera. Verða ekki allir að hafa eitthvað fyrir sína vinnu? Kíkið frekar á dósirnar í Bónus sem kosta 100 kall en eru keyptar á down prís í gámavís í útlöndum, komnar nærri síðasta söludegi og kostuðu kúk og kanil í innkaupum, kannski í mesta lagi 2-3 krónur.)

#811    Fór í Nóatún um daginn og keypti kjúklingabringur með 40% afslætti, en þegar ég var á leiðinni út úr búðinn leit ég á strimilinn og sjá, fékk bara 20%. Fékk samt leiðréttingu á eftir. 

#810    Ég var að versla í Bónus um daginn og þurfti meðal annars að versla bleyjur á
dóttur mína, en þær vor ekki til þar. Svo ég skrepp inn í Hagkaup til að kaupa pakkann þar, þar kostaði pakkinn af Pampers baby dry bleyjum nr. 2 rúmar 1500 krónur á meðan nákæmlega eins pakki kostar innan við 1000 krónur í Bónus! Þarna munar rúmum 500 krónum á einum bleyjupakka sem inniheldur ekki nema 45 stk. 

#809    Þetta á reyndar ekki við um okur á Íslandi, en töluvert af Íslendingum ferðast þangað þannig ég vil endilega láta vita af þessu. Ég var á flugvellinum í Dalaman í Tyrklandi, sem er flugvöllurinn sem farið er til ef verið er að fara til Marmaris. Þarna eru nokkrir veitingastaðir eins og McDonalds, KFC og Pizza Hut. 
Við ákváðum að fá okkur eitthvað ódýrt að borða þar sem matur á flugvöllum oft er rándýr, og fórum því á McDonalds. Fengum okkur eina hamborgaramáltíð og tvo staka BigMac borgara og miðstærð af gosi. Þetta kostaði hvorki meira né minna en 57 tyrkneskar lirur, sem gerir á gengi dagsins um 3500 íslenskar krónur! Til samanburðar má benda á að á nokkuð fínum veitingastað í Marmaris fengum við nautasteikur, forrétti og bjór fyrir okkur tvö á sama verði. 
Tók líka eftir því að annað var dýrt þarna, t.d. það sem var í boði í fríhöfninni. Þannig ég mæli með að þeir sem eru á leið heim eftir ferðalag í Marmaris taki með sér mat, eða borði áður og versli sígarettur og áfengi annars staðar en á flugvellinum. 

#808    Fór í Húsasmiðjuna með kærustunni og keypti rúgbrauð með síld og eggjum, smurbrauð með hangiketi og káli, 1.kaffibolla og  vatn. þetta kostaði 1220 kr.  Ok.  Svo fórum við að spá, rúgbrauðið kostaði 350kr., kaffið kostaði 120 kr. og hvað er þá eftir??? 750KR fyrir smurbrauði!!!!! Ef þetta er ekki okur þá er ekkert okur.

#807    Ég fór í dag í verslunina Aveda í Kringlunni til að kaupa mér sjampó og hárnæringu. Ok... þetta er sérvöruverslun en mér er alveg sama. 250ml brúsi af sjampó kostar kr. 1.640.- og 200ml brúsi af hárnæringu kostaði 2.415.-  og nota bene þetta voru með ódýrari tegundunum sem fengust þarna. Af fávitaskap ákvað ég að kaupa þetta samt sem áður búandi mig undir að hárið mitt breytist í gull eftir þvottin, en á kassanum sá ég fljótandi augnskugga sem ég keypti þarna fyrir um ári síðan og var mjög hrifin af, áður kostaði hann kr. 990.- 8ml túpa en nú mátti ég gjöra svo vel að greiða kr. 1.700.- fyrir stykkið. ATH að sæmilegar hárvörur sjampó/hárnæringu er hægt að fá á bilinu 250-450 kr. í Bónus.
(ATH: Allar vörur í verslun okkar í Kringlunni eru vel merktar og því ætti verðið ekki að koma á óvart þegar greiða á fyrir þær.  Ég hef ekki séð hvernig okur er skilgreint hjá þér á síðunni en ég get gefið þér verðsamanburð á Aveda vörum í Bretlandi og hér á Íslandi, Brill sjampó (eina sjampóið sem kostar 1.640) kostar 1.640 kr. hjá Aveda á Íslandi.  Í Bretlandi kostar Brill sjampó 10,5 pund.  Á gengi dagsins er pundið 152,87.  Því kostar þetta sjampó í Bretlandi 1.605 kr.  Þar búa rúmar 59 milljónir manna.  Þarna erum við 35 kr. dýrari.  Aveda vörurnar eru líka seldar í Danmörku, það svaraði ekki á sölustaðnum sem ég hringdi í til þess að fá verðupplýsingar hjá, fyrir þá sem vilja kanna málið þá er síminn þar 0045 3314 0024.  Ef einhver hringir þá þætti mér gaman að fá sent verðið í Danmörku, varan heitir fullu nafni Brilliant Shampo og er djúphreinsandi sjampó sem veitir mikinn raka.
Fljótandi augnskuggi kostar 13 pund í Bretlandi, það gerir 1.987 kr.  Hann kostar 1.700 kr. hjá Aveda á Íslandi.  Hann á aldrei að hafa kostað 990 kr. í Kringlunni.  Eina sem mér dettur í hug er að hann hafi verið settur á tilboð, við erum alltaf að reyna ná til nýrra viðskiptavina og tilboð eru góður kostur til þess.  Aveda er það snyrtivörumerki sem neytendur sýna mesta hollustu, það er að segja ef þú prófar Aveda þá viltu ekki annað.
Ef ég man rétt þá er virðisaukaskatturinn 17% (VAT) þar en 24.5% hér.
Hægt er að skoða verð í Bretlandi á www.aveda.co.uk annars er hægt að lesa um allar vörurnar á www.aveda.is .  Aveda á Íslandi er líka með lægri verð í flestum tilfellum en löndin sem nota Evrur sem gjaldmiðil, t.d. Þýskaland sem er stærsta hagkerfi Evrópu með rúmar 82 milljónir íbúa.
Engar hárvörur, hvorki frá Aveda eða þær sem Bónus selur breyta hári fólks í gull.  Þó að Aveda vörurnar séu bestu hárvörur í heimi þá geta þær ekki einu sinni getað látið skallann á Dr. Gunna blómstra.  Hins vegar er til sérstök olía fyrir herra sem genin hafa kosið hárlausa á kollinum.
Það er líka hægt að kaupa hárvörur í Krónunni, Nóatúni, Hagkaupum og á fleiri stöðum á lægra verði en hjá Aveda, hins vegar er það allt önnur vara og ekki hægt að bera saman.  Framleiðendur þeirra reyna ekki að gera það og neytendur ættu ekki að gera það heldur.
Að lokum vil hvetja ritstjórann að láta fólk setja nafnið sitt við færslunar.  Nafnlaus skrif á netinu eru lítils virði fyrir okkur neytendur.
Kveðja,
Heimir Hermannsson
Aveda Ísland.)

#806    Ég keypti 5mm Swarovski kristalla af erlendri heimasíðu. Komnir til mín með öllum tilheyrandi kostnaði kostuðu þeir 23,4 kr/stk. Á heimasíðu Perlukafarans má sjá nákvæmlega eins kristalla á 60 kr/stk. OKUR!!

#805    Í bakaríinu Passion við Álfheima kostar lítil 250 ml.nýmjólkurferna (Muu-mjólk, EKKI G-mjólk) kr. 59, þ.e.a.s. 236 kr. 1 lítri. Í versluninni 10-11 við Álfheima kostar sama magn (250 ml. nýmjólkurferna) 39.oo kr. eða 156 kr. lítirinn, sem er nær lagi þar sem er jú dýrara að kaupa vöruna í smáeiningum. En 236.oo kr. lítirinn, e.t.v. er það löglegt, en mér finnst það okur.

#804    Leynileikhúsið auglýsir sumarnámskeið fyrir börn og unglinga.  Eitt námskeiðið kallast söngleikjanámskeið, fjöldi þátttakenda 12, tveir kennarar, 5 hálfir dagar, verð kr. 34.500.  Það gerir 7000 kr. fyrir hvern hálfan dag.

#803    Fór með fartölvu konunnar í viðgerð hjá EJS (Dell ferðatölva, keypt ný í október). Lítill pinni í powersupply virðist hafa brotnað og til þess að laga það þá þarf að skipta um móðurborð. Reikningurinn hljóðar upp á a.m.k 70þ með vinnu.  Tölvan kostaði ný um 
150þ. Starfsmaðurinn sem talaði við mig hjá EJS sagði að DELL hefðu skotið sig í fótinn með því að taka svona viðgerð í ábyrgð!  Afsakið, en mér líður eins og einhver hafi skotið mig í báðar hnéskeljarnar. Þessi fjölskylda ætlar ekki að eiga frekari viðskipti við EJS hvað þá 
DELL.

#802    Skólagjöld við HR. Ég ætlaði i frumgreinadeild eða svið hjá þeim. Það kostaði 12.500 en er hækkað i 24.000 kr??? vá.......100%? Okur...eða brjáluð hækkun...og i engum takt við það sem er að gerast á atvinnumarkaði. Hver myndi t.d. hækka klippingu á hári úr 4000 kr i
8000kr...bara í dag sísona..og allir kátir?

#801    Þurfti að fara um helgi í Lyf og heilsu að kaupa Zovir frunsukrem (2. gr.) og viti menn túpan kostaði kr. 1.477. – kílóverðið sem sagt kr. 738.500.- Hringdi að gamni í Lyfjaver og þar kostaði sama varan kr. 1.077.- Ég veit það vel að ég á ekki að versla í Lyf og heilsu eða Lyfju en þarna hafði ég ekki tök á öðru. Ég hvet fólk til að sýna samstöðu og hætta að versla í þessum okurbúllum.
Var svo um daginn á leið í bústað og þurfti að koma við í Hyrnunni í Borgarnesi og keypti þar eitthvað í sjoppunni. Var svo beðinn um að kaupa klaka og viti menn, lítill poki af klökum (vatni) kostaði kr. 500.- Klaki er ókeypis annars staðar þar sem ég veit um. Okur og geðveiki.
Keypti svo um daginn í Hagkaup Head & Shoulders sjampó, lítinn brúsa. Var á kr. 594.- í  hillunni en hafði hækkað í kr. 714.- á strimlinum þegar heim var komið. Ekki fyrsta sinn að verðmerking er vitlaus í Hagkaup. Rangar verðmerkingar eru í mínum huga er ekkert annað en þjófnaður. Það er ekki afsakanlegt að hafa fé af fólki með þessum hætti. Þetta er svo algengt að maður er farinn að halda það að þetta sé með vilja gert. Stór brúsi (mun stærri) af Head & Shoulders er svo ódýrari í Bónus en litli brúsinn í Hagkaup.
Það er þó athugunarefni hversu há álagning er í Hagkaup, enda Bónus og Hagkaup í eigu sömu aðila og vörurnar í þessum búðum keyptar inn á sama verði. 

#800     Tók sunnudagsbíltúr með fjölskylduna austur fyrir fjall á sunnudaginn síðasta. Kíktum inní Eden í Hveragerði til að fá okkur ís, en þar sem ég fjölskyldufaðirinn hafði gleymt að borða almennilega áður en farið var í túrinn, ákvað ég að fá mér smá snarl. 
Þar sem ég var ekkert ofsa-svangur (tímdi heldur ekki að fá mér fulla máltíð) þá ætlaði ég að fá mér eitt stykki smurre-brauð sem boðið var uppá í veitingasölunni. Yfirleitt er okrað í kringum 350-450 kr fyrir slíkan rétt í vegabúllum landsins. 
Þar sem hamborgaraverðið í búllunni var á svipuðum slóðum og annarsstaðar átti ég von á svipuðu verði á brauðsneiðinni. Sá draumur hrundi þegar ég sá afgreiðslu stúlkuna stimpla 790 kr fyrir brauðsneið með laxi. Ég náttúrulega nennti ekki frekar en aðrir þarna (fullt af liði að versla brauðsneiðar)  að minnst á þetta okur... en svo rann ruglið upp fyrir mér þegar ég var búin að renna þessu niður. Hvað er eiginlega í gangi þarna. Allur matur sem seldur var þarna, hamborgarar ofl. var greinilega verðmerktur en ekki þetta smurbrauð, skyldi vera ástæða fyrir því... jú það náttúrulega verslar enginn heilvita maður brauðsneið með laxi á 790 kr... Hefði frekar keypt mér hamborgara á 1200 kall og hent helmingnum heldur að láta taka mig svona í bakaríið... Það er náttúrulega allsstaðar verið að okra á manni, en stundum lendir maður hreinlega í ráni! Afi minn sálugi hafði ekki kallað þetta öðrum orðum en rán um hábjartan dag.... Skammist ykkar í Eden, ég og mínir niðjar munu aldrei aftur stíga fæti þarna inn út af þessu úthugsaða og svívirðilega ráni. 
ps. var að lesa okur nr. 794 varðandi handklæðið, lenti í því sama á Akureyri í síðustu viku. Ætlaði fyrst að greiða konunni 400 kr fyrir mig og börnin í sund en mundi svo eftir að ég hefði gleymt handklæðinu, endaði með að greiða konunni heilar 750 kr. Að borga 350-450 kr fyrir að þurrka sér á handklæði sem maður skilur eftir er náttúrulega bara algjört bull. Var að hugsa um að stela handklæðinu eftir notkun en heiðarleikinn kom í veg fyrir það...Hvað er eiginlega að gerast í þessu landi?

#799 Grillhúsið Tryggvagötu hefur verið einn af mínum uppáhalds hamborgarastöðum og ég hef verið dyggur viðskiptavinur frá því hann opnaði sem Grillhús Guðmundar. Þeir hafa alltaf verið í dýrari kantinum og ég hef látið mig hafa það þar sem jú góður borgari kostar sitt. En fjandinn hafi það nú kostar miðlungsdýr borgari 1.490 kr þarna með frönskum sem eru svo naumt skammtaðar að ég upplifi mig á einhverri megrunar-búllu. Ég stíg ekki fæti þarna inn lengur!

#798    Tvö okurdæmi: Fór í Mál og menningu 10. júní og keypti 2 tískublöð, franska og 
ítalska vogue. Það ítalska kostaði 1.275 kr (á blaðinu sjálfu stendur verðið í júrum = 5.00) og það franska 2.175 kr!! eða 4.95 júrur!!. já, einmitt.
Svo var ég að leita eftir flugsætum til Parísar í júlí fyrir fjölskylduna. Verðið hjá icelandair var 262.830 kr fyrir okkur (2 fullorðnir og 2 börn yngri en 11 ára) fyrir flug út og tilbaka viku 
síðar. Hjá terranova kostaði nákvæmlega sama ferðaplan 130.400 kr. Ég mun ekki sakna omelettunnar og soðnu skinkunnar sem er um borð hjá Icelandair.

#797    Fór um daginn í Hagkaup til að kaupa mér krydd. Langaði að dekra við mig og ákvað að fá mér gott "íslenskt krydd" frá Pottagöldrum. Veit að þetta er töluvert dýrara krydd en gengur og gerist en það er mitt val Svo þegar ég tek mér minn kryddstauk í hönd, sé ég og finn að í stað þess að vera úr gleri, þá eru umbúðirnar úr plasti, staukurinn komin úr því að vera 24 grömm í 15 grömm en sama gamla verðið. Það kalla ég okur með karríbragði.

#796    Grái kötturinn. 1 lítil pepsi max í flösku + 1 lítil appelsín í flösku. 600kr!

(Sett inn 10.06.08):

#795    Keypti hálfan líter af coca-cola á Kaffivagninum, sem kostaði 280 kr. Hefði betur keypt 2 lítra af bensíni.

#794    Ég fór í sund með nokkrum félögum mínum í Sundlaug Mosfellsbæjar. Sundlaugin er fín en það getur verið ansi dýrt að gleyma handklæðinu heima. Fyrir leigu á einu skitnu handklæði heimta þeir 450 krónur, þetta er náttúrulega alveg út úr öllu korti!

#793    Það var að koma út Indíana Jones leikur í tilefni myndarinnar og þessi leikur er til fyrir öll helstu stýrikerfi. Í nýjasta blaði max raftækja er leikurinn auglýstur á 4989 kr en nb þegar maður kemur í búðina á það bara við um playstasion 2, playstasion porteble og pc tölvur.  Ef þú átt playstation 3 eða x-box tölvu borgarðu 7498 kr fyrir leikinn.  Hvaða djók er það?
(ATH: Myndi segja að þessi verðmunur sé nokkuð skiljanlegur þar sem hugbúnaður Playstation 3 og Xbox 360 er mun þróaðari og betri en hinna leikjatölvanna og því tekur vinnsla og þróun leikjanna lengri tíma þar sem þeir eru oft t.d. í 1080p og mun meiri gæðum, einnig eru leikir á hinar tölvunar oftar bara færðir yfir á staðal annara leikjatölva en ps3 og xbox360.
Einnig eru allavega Playstation 3 leikir á Bluray diskum meðan t.d. PC eru á DVD og Bluray diskar eru nýrri, stærri (DVD diskur er um 4.7 GB á meðan Bluray diskur er einfaldur 25GB og tvöfaldur 50GB) og þar að leiðandi dýrari.
Myndi líka halda að leikirnir á 4.989 kr. hafi verið á tilboð og einhverstaðar verða fyrirtæki að fá gróða inn því annars færu þau á hausinn.)

#792    Fór í Útilíf í Glæsibæ með hugmyndir um að endurnýja gönguskóna mína sem er afbragðs góðir og heita Lowa gönguskór. Var búin að fara seinnipartinn í vetur og þá kostuðu skórnir 15.900.- en ekkert varð úr kaupunum þá. Nú átti að láta til skara skríða en viti menn, skórnir höfðu hækkað um ca 50% nú kosta þeir kr. 23.990.- rúml. 8000.- kr. hækkun á einu bretti. Ég nota gömlu skóna áfram í sumar. Þetta er ekki hægt !! 

#791    Fyrir ca mánuði kostaði gul papprika 219kr/kg og appelsínugul 229 kr/kg en núna gul á 719 Kr /Kg og appelsínugul á 729 kr /kg bull bull bull! Þetta var í Samkaup Úrval í Borgarnesi.

#790    Langar að láta vita um okur hjá Apótekum landsins. Ég þurfti að kaupa blóðþrýstinglyfið Atacand 16mg 98 töflur. Ég var búin að heyra að Lyfjaver Suðurlandsbraut 22 væri ódýrast, ef maður þyrfti að kaupa lyfseðlaskyldlyf, - sem er rétt !! Lyfið kostar í Lyfju 3335 kr, í  Lyf og heilsu 3400kr. en hjá Lyfjaveri kostar lyfið 3400 kr en svo ofan á það færðu 41,6% afslátt sem gerir lokaverðið 1985 kr. Ekki spurning - ég mun versla hér eftir öll mín lyf hjá Lyfjaveri! TAKK!!! 

(Sett inn 09.06.08):

#789    Fór í Lyf og heilsu og ætlaði að kaupa mér einn kassa af verjum. Ég valdi mér einn góðan pakka af Durex Featherlite og síðan var komið að því að borga, ég bjóst við kannski 1100 kr (sem er reyndar full dýrt) en nei þeir kostuðu aðeins meira en það takk fyrir 1640 kr fyrir pakka með 12 stykkjum í! Ég fölnaði þegar ég rétti fram kortið mitt. Hvernig er það, er verið að stuðla að þungunum hjá unglingum! Eftir að hafa sagt nokkrum frá þessu þá kom í ljós að Bónus selur þetta ódýrast. Apótekin alveg að skíta á sig. 

#788    Fyrir bíóunnendur sem ekki tíma 1000 kalli eða meira í bíó ætla ég að
benda á sumartilboð Regnboganns.
Það kostar aðeins 650 krónur á hvaða mynd sem er, hvenær sem er  í
allt sumar sem sýnd er í Regnboganum.
Frábært innlegg hjá þeim og beini ég bíóferðum mínum þangað í sumar
(svo lengi sem þeir sýna þær myndir sem ég hef áhuga á. Annars bíð ég
eftir Blue Ray útgáfunni og horfi á það heima). 

#787    Var að versla í Bónus um daginn og sá svona ''snuddukeðju'' sem mér finnst nauðsynlegt að eiga þegar maður er með ungabarn.  Verðið var 450 krónur, ég hugsaði með mér hvað þetta væri dýrt en keypti þetta samt.  Var svo í Samkaupum í Hfj í dag og þá kostar alveg eins snuddukeðja 849 krónur!  Hvað er málið?
Í þessari sömu ferð minni í Bónus keypti ég Póló kex frá Frón á 117 krónur og sá svo i dag að sama kex kostar 179 krónur í Samkaup! Mér finnst þessi verðmunur ekki eðlilegur!!!

#786    Var að horfa á Austurríki-Króatía og okkur langaði að panta okkur pizzu. Ég hringdi í Dominos og spurði um verð á EM-tilboðinu þeirra. Jú, ég fékk mjög skýrt svar og lét endurtaka það fyrir mig, til að vera viss. Það er 2.700. Þetta er 15 tommu pizza með 11 áleggstegundum.
Hvað á þetta eiginlega að þýða?? Eru rekstrarsérfræðingar Dominos gjörsamlega búnir að tapa allri skynjum á raunveruleikanum? Hverjum dettur í hug að fara að borga 2.700 fyrir eina pizzu? Það fylgir ekkert með. Þetta er glórulaust OKUR.

#785    Hagkaup selur furuhnetur undir merkjum Himnesk Hollusta. 150gr poki
kostaði þann 7 júní 739kr. Þetta gerir kílóverð rétt undir 5000
krónum. Okur? Seisei já. Skila pokanum á morgun, engar furuhnetur eru svona góðar...

#784    Glas af einföldum Campari í klaka og kranavatni á einum barnum á Nasa  900 krónur!

(Sett inn 07.06.08):

#783 / 783    Tvær pínulitlar, semi-hrukkóttar paprikkur í 10-11 Austurstræti: 410 kr. Okur! 
Einn líter af Flórída appelsínusafa í Bernhöftsbakaríi: 405 kr. Okur! 
Rúnnstykki í Bernhöftsbakaríi: 50 kr. Ekki okur. 
(ATH: Safinn sem um er rætt í dæmi # 783 er ekki Flóridana heldur Sól safi. Þessi safi kostar í 10-11 425 kr í 1l pakkningu. Við erum lítið bakarí með eina búð og fáum ekki sömu verð og þessi stóru fyrirtæki með tugi búða á sínum snærum.  Það við getum verið ódýrari en stórverslun á við 10-11 vekur upp spurningar um álagninguna hjá þeim.  Ég setti mig í samband við Ölgerðina og hafa þeir lækkað til mín innkaupsverðið á safanum, þrátt fyrir að appelsínur hafi hækkað um tæp 400% á einu ári, og hef ég því lækkað hann niður í 395 kr og er því tæpum 8 % ódýrari en 10-11.Til gamans langar mig að segja að innkaupsverð á safanum var 343,85 kr til mín með öllum gjöldum, þanning að þetta telst nú ekki til hárrar álagningar hvað þá okurs. Í nýlegri könnun sem ég gerði í bakaríum í kringum mig þá virðist ég vera 10-15% ódýrari í bakelsi. Þessi bakarí eru sum með upp undir 10 útsölustaði. Gagnrýni og almenn neytenda vakning er af hinu góða og fagna ég henni mjög, en öll umræða verður að byggjast á sanngirni og staðreyndum. Sigurður Guðjónsson og er bakarameistari hjá Bernhöftsbakarí ehf.)

#782    Okkur vinkonunum langaði í Dior meik sem fæst í hagkaupum, en okkur fannst það frekar dýrt, 7400 c.a já já ég veit fáránlega dýrt... en meikið er mjööög gott, svo við ákváðum að býða eftir tax free helgi og kaupa það þá, við komum svo þessa helgi og ætluðum að næla okkur í þetta fáránlega dýra meik, við spyrjum afgreiðslukonuna hvað meikið kostar og hún segir 7200 c.a og við.. já og með afslættinum hvað þá.. þá segir hún þetta er með afslættinum... þá var búið að hækka meikið í 9500 c.a. Við báðum hana vel að lifa. Nei takk...OKUR !

#781    Í Vörðunni kostar eitt hjól undir Silver cross balmoral barnavagn 18.900 kr, en það minna 15.900. Vááááá þvílíkt okur... Ég þarf að setjast. Nagladekk undir 4x4 pickupinn minn kosta 14.700 kr. stykkið. Hvað er að? Fyrirgefið en vá!

#780    Iceland Express frá Billund (4/7) til Keflavíkur og aftur til baka (27/7) 151.510 kr.- fyrir tvo fullorðna með eitt ungabarn. Þetta var alla vegna það verð sem fékkst þann 20/5 sl. Sömu dagar til og frá Køben 78.690 kr.- Billund er ódýrari flugvöllur og það er styttra flug (þó ekki muni það miklu). Ætli það sé ekki frekar það að það er smá samkeppni til Køben en ekki til Billlund. Þetta er alla vega gróft okur að mínu mati. 

#779    Þar sem ég bý út á landi er bara eitt apotek í plássinu og heitir það Lyf og heilsa, mig vantaði ómerkilegt kælikrem og fékk ég túpu sem innihélt 35 gr og hvað haldið þið að það hafði kostað? 740 kr!!! sem gerir 21.000-kílóverð! Finnst ykkur þetta í lagi? Ekki mér!

(Sett inn 05.06.08):

#778    Sá okur #773 um dýra rúðuskiptingu á Golf.
Þurfti að laga pústið í bílnum mínum í vikunni.
Fór á Pústþjónustu JBL í Flatahrauni HFJ.
Þeir löguðu það fyrir 4300 kr. 
Sem er kjarakaup (kannski ekki við hæfi að senda kjarakaup á okursíðu) (nb. Jú jú endilega, þetta er nefnilega líka ekki-okursíða.)
(Vildi bara benda á það að pústþjónustan heitir BJB, ekki JBL. Þetta fyrirtæki er algjörlega til fyrirmyndar, hef látið gera við púst á tveimur bílum í minni eigu þar, og í bæði skiptin hefur það verið ótrúlega billegt. Ekki nóg með það, heldur losnaði einhverntímann festing í pústinu hjá félaga mínum, hann kíkti með bílinn niður í BJB, þeir suðu þetta upp fyrir hann og kvöddu hann svo með þeim orðum að þetta hefði verið svo lítið mál að það tæki því ekki að rukka fyrir viðgerðina. Ég mæli með því að allir í pústvandræðum beini viðskiptum sínum til þeirra!)

#777    Þar sem ég er ófrísk kona og á orðið nú afar erfitt með hreyfingar, datt mér í hug að kaupa mér "snúningslak" til að gera mér næturhreyfingarnar aðeins auðveldari. Ég fór því í Oliver & Olivíu og var komin með lakið í hendurnar, þegar ég lít á verðið...3990 kr. Þá fór ég í Babysam og sá samskonar lak á 2900 kr. samt dýrt, en ég sparaði mér a.m.k. 1000 kallinn!!!

#776    Langaði bara að spyrjast fyrir og velta því fyrir mér og fleirum hvort Icelandexpress, sem á að vera ódýrt flugfélag, sé löngu búið að gefast upp á þeim markmiðum sínum? Ég ferðast svona sæmilega mikið um heiminn en nú vantar mig miða aðra leið frá london til Íslands. Þegar ég tek á sama degi ferð með Icelandair á móti Icelandexpress þá kemur í ljós að Icelandexpress er 21,13% dýrari en Icelandair. Samt er almennileg þjónusta og miklu meiri þægindi í Icelandair. Það er varla boðið uppá kodda í Icelandexpress hvað þá fóður né önnur fríðindi. Afhverju eru þeir þá dýrari? Þar að auki flýgur Icelandair til Heathrow sem er langdýrasti flugvöllur Bretans, á meðan Icelandexpress eru að lenda í sveitinni langt frá London, sem kostar mann auka pening að komast til! Hvað er í gangi hjá flugfélögunum. Lýst hins vegar vel á að Icelandair séu að bjóða mun betri flugvelli, þjónustu og lægra verð. Svona á að stunda buisness. (nb. Eru ekki sömu eigendurnir að þessu dóti? Ég get ekki séð að það sé samkeppni lengur í að komast héðan. Gömlu vistarböndin!)

#775    Langar að láta vita um okur hjá Rizzo pizza á Grensásvegi. Fór þangað í hádeginu um daginn og við pöntuðum okkur hádegistilboðið s.s. 16"pizza og gos á kr.2290.-  Á tilboðsspjaldinu við afgreiðsluborðið stendur 16"pizza og 2L gos á kr.2290.-   Strákurinn afgreiðir og afhendir okkur svo glösin. Byrjar svo að afgreiða næsta. Ég spyr hvort ég eigi ekki að fá 2L gosið sem ég keypti. Þá segir hann "NEI, það á bara við ef þú tekur pizzuna með þér - það er nefnilega bannað að hafa 2L plastflöskur inni í matsalnum"!  "Gosið fyrir ykkur er þarna í vélinni"!!!!!   WHAT! á ég semsagt að borga jafnmikið fyrir  vatnsblandað gos úr vél (sem ég NB! drakk bara 1 gas af - en hefði tekið tekið afganginn með mér í flöskunni) og 2L í flösku????? Þeir voru alveg fastir á þessu og voru orðnir frekar dónalegir  - "SVONA ER ÞETTA BARA!" var sagt við okkur. Þetta finnst mér OKUR - að borga jafnmikið fyrir vélargos og 2L gos í flösku !!!!!!! Á Rizzo í Árbænum er leyfilegt að hafa 2L gos í matsalnum - afhverju er það bannað á Grensás??!!!! 

#774    Mig langar að vara fólk við svokallaðri greiðsluþjónustu bankanna þar sem
fólki býðst að jafna sveiflur á útgjöldum ársins í eina fasta greiðslu á
mánuði. Bankarnir græða á því að fólk hugar ekki að því hvernig þetta er
byggt upp. Fólk stofnar reikning, með föstu mánaðarlegu innleggi, sem
stendur straum af öllum þessum greiðslum og er því ýmist í mínus eða plús
eftir atvikum. Skoðið allar svona áætlanir vandlega því þegar reikningurinn
er í plús reiknast smánarlega lágir vextir en þegar hann fer í mínus þá eru
reiknaðir hæstu yfirdráttarvextir sem eru núna jafnvel 25%. Okur! Svo er
líka reiknað mánaðargjald! OKUR!
 

(Sett inn 04.06.08):

#773    Ég var fyrir því óláni að gler í spegli á VW Golf brotnaði. Ég skaust í Heklu og ætlaði að kaupa nýjan spegil og verðið þar er rúmlega 10.200. Einföld leit á netinu leiddi í ljós að spegill með öllu kostar USD 56,74 og hæstu mögulegir tollar og vörugjöld eru 47% (tollur 7,5% vörugjald 15% vsk. 24,5%). Þessi spegill ætti því að kosta mig um 7.000 (með flutningsgjöldum) ef ég kaupi hann af netinu. Þarna er ég samt ekki að njóta þess að flytja inn varahluti í miklu magni og geta dreift flutningskostnaði. 

#772    Ég skrapp í 10-11 í Engihjalla í gær, vantaði litla dós af majonesi.  Lítil dós af þessum óþverra kostar þar 229 krónur. Verðskynið mitt sem er dálítið laskað þessa dagana eins og hjá fleirum sagði mér að líta ekki við þessu okri svo ég fór niður í Bónus á Smiðjuvegi  og þar kostaði dósin 71 krónu. ÞREFALT VERÐ FYRIR 250 ml. af majonesi ... Nei takk!  Þetta er OKUR.

#771    Lagði leið mína í Hagkaup í Skeifunni fyrir ca mánuði síðan og eitt af því sem rataði ofan í körfuna voru snuð fyrir yngstu dóttur mína. Tegundin var MAM og fást þær tvær saman. Í Hagkaup borgaði ég um 1400 kr fyrir pakkann. Í dag lá svo leiðin í Krónuna upp á Höfða og viti menn, sami pakkinn á um 750 kr! Munurinn 87%!
Hef mikið verið að velta fyrir mér undanfarið hvort þær vörur sem ekki eru teknar með í neytendakönnunum séu ofurverðlagðar í Hagkaup. Ætlaði einmitt að versla eina tippexMús um daginn en þar sem hún kostaði 600 kr í Hagkaup hætti ég snarlega við.

#770    Á dögunum keypti ég frosna ýsubita frá GLK matvæli.  Ég tók síðan úr pakkanum það sem ég taldi að mundi duga fyrir fjóra og sauð.  Rýrnunin var ansi mikil því að þessi skammtur dugði aðeins fyrir  tvo.  Synir mínir tveir komu ekki í mat þetta kvöld svo að rýrnunin kom ekki að sök, þannig séð.  En ég var óánægð með þetta.  Í morgun tók ég svo síðasta frosna bitann úr pakkanum til að sjóða handa kettinum.  Ég vigtaði hann fyrir suðu og reyndist hann vera 66 g.  Ég vigtaði bitann aftur eftir suðu og þá var hann 22 g , einn þriðji af því sem ég borgaði fyrir.  Ég veit að það er langt síðan matvælaframleiðendur föttuðu að drýgja mætti mat með vatni, sbr  vatnsskinku, hangikjöt og nú líka fisk.  Mér finnst þetta ekki í lagi en ég veit ekki hvar ég ætti að kvarta yfir þessu.  Það er verið að hafa neytendur að fíflum með því að selja þeim vatn á kílóverði fisks eða kjöts. 

(Sett inn 03.06.08):

#769    Í Lyf og heilsa, verslunarmiðstöðinni Firði, Hafnarfirði, kosta 250 ml af Colgate munnskoli 600 kr., hinum megin við ganginn í Firði er 10-11, þar kosta 500 ml af sama munnskoli 598 kr. og í Bónus kosta 500 ml 398 kr. Þetta er svakalegt okur hjá Lyf og heilsa! (nb. Frjáls samkeppni, frjáls álagning, frjálst val...)

#768    Ég fór í Hagkaup í Holtagörðum um daginn og sá Toro rauðvínssósu sem kostaði 206.- kr. Fannst það nokkuð dýrt og lagði leið mína í Krónuna á Bíldshöfða. Og viti menn, þar kostaði samskonar sósa 103.- kr. Sem sagt, Hagkaup var 100% dýrari en Krónan. Það má líka geta þess að þessi sósa kostar 102.- kr. í Bónus, Hraunbæ, og það eru sömu eigendur að Hagkaup og Bónus. Það sem sagt ekki skemmtilegt að versla í Hagkaup. (nb. Mér finnst það reyndar mjög skemmtilegt, en það er bara ekki ódýrt.) 

#767    Fór í Fjörðinn á "Maður Lifandi" þann 28.05. og keypti tebolla og kökusneið sem kostaði samtals 910 kr. eða tebollinn:320 kr. og kökusneiðin sem var mjög lítil 590 kr.
Mér skilst að þetta slái okrið á "Te og kaffi" alveg út.

#766    Fór í Ísbúð vesturbæjar á Grensásvegi í gær.  Þar er svo sem almennt okur og ég gerði mér nú grein fyrir því áður en ég labbaði þar inn að ég gæti búið til ódýrari ísveislu.  Það sem mér hins vegar ofbauð var að á meðan verðið á lítra af ís er kr. 660 þá kostar 1/2 lítri hjá þeim kr. 450 (ég var sem sagt að kaupa 1 1/2 lítra + sósur til að taka með).  Ég verð að játa að ég skil ekki hvernig hægt er að réttlæta þessa verðlagningu.  Ég gerði nú athugasemd en með engum árangri.  Kann hins vegar illa við að láta taka mig í bakaríið og hyggst nú sniðganga búlluna þótt þetta sé uppáhaldsísinn minn.  En það er greinilega nóg af kjánum eins og mér og búðin sú arna þarf örugglega ekki að kvarta undan kreppu því þarna er alltaf fullt út úr dyrum og maður býður iðulega 15-20 mínútur áður en maður er ,,rændur."  Bendi hins vegar öllum sem eru fyrir þennan ,,gamla kalda" ís á Bónusísinn, 2 lítrar iðulega í kringum 200 kallinn.   Þarf fleiri orð?

(Sett inn 02.06.08):

#765    Margir kvarta undan því að vídeóleigurnar séu búnir að hækka verðið, t.d. kostar leigan núna 650 kall í Bónusvídeó. Langaði þess vegna að benda á Laugarásvideó, langbestu leiguna í Reykjavík. Þeir eru í fyrsta lagi með laaangstærsta DVD úrval landsins, í öðru lagi með starfsfólk sem veit alveg helling (þetta eru ekki einhverjir bólugrafnir unglingar heldur kallar sem svara manni heiðarlega ef maður spyr hvort tiltekin mynd sé góð eða slæm) og síðast en ekki síst, þeir eru enn með gamla verðið, 500 kall!! 

#764    Nú er komið grilltímabil enn og aftur og við hjónin að fjárfesta í gasgrilli.  Vert er að benda á að við versluðum gasgrillið okkar í Europris á 35.990 krónur, mjög gott grill m/3 brennurum úr steypujárni, hliðarhellu and the works.  Í Ellingsen fæst nákvæmlega sama tegund af grilli á 59.900 krónur.  Mismunurinn er því 23.910kr !!!  Tegundin er Campingaz Adelaide III.

#763    Ég vildi benda á að hægt er að fá “verðleiðréttingu” í Útilíf. Ég keypti tvö pör af Scarpa gönguskóm á 29.990 kr parið eða samtals 59.980 kr. á laugardegi. Fimm dögum síðar birtist auglýsing frá þeim að allir gönguskór væru með 20% afslætti. Ég fór í Útilíf og bað um afsláttinn í formi endurgreiðslu á kreditkortið mitt. Afgreiðslustúlkunni fannst þetta skrítin bón en gerði þetta engu að síður. Ég fékk til baka 11.960 sem er ansi gott tímakaup. Thumbs up.
En ég vil samt benda á að þessir sömu skór kostuðu 24.990 fyrir gengisfallið. Enda hækkuðu vörur í Útilíf allsvakalega eftir gengisfallið. Thumbs down.

#762 / 762    Eins og kemur fram hér aftur og aftur er allt hækkandi. En fátt hefur hækkað jafn hrikalega mikið og uppáhaldskaffihúsið mitt, Te og Kaffi. 560 kr fyrir ómerkilegar kökusneiðar, 850 kall fyrir samlokudruslu og heilar ÞRJÚHUNDRUÐ OG ÞRJÁTÍU krónur fyrir hreint croissant! HREINT! Ekki einu sinni teskeið af skinkumyrjudrullu inni í því! Kaffið fer líka hækkandi þarna, ég borgaði 740 kall fyrir cappucino og tvöfaldan latte um daginn og taldi mig því alls ekki hafa efni á klessu af smjördeigi fyrir 330 kall.. 
Nú er ég ein af þessum heppnu sem skulda næstum ekkert og hef engan yfirdrátt og á meira að segja smá aur á verðtryggðum sparireikningum þannig að efnahagsástandið sem slíkt hefur ekki þannig áhrif á mig. Nema að því leiti að ég hef skorið gífurlega niður ferðir á kaffihús, ekki af því að ég eigi ekki fyrir því heldur af því að mér blöskrar. Ef verðið hefði ekki hækkað svona mikið á Te og Kaffi væri ég að koma þar við 3-4 sinnum í viku að fá mér kaffi og meððí á umþaðbil 5-600 kall eins og ég gerði fyrir ca ári í stað þess að koma þar tvisvar í mánuði og hrökklast út með rándýra bollann minn á 330 kr eins og núna.  hmmm reiknum þetta aðeins lengra. 4x600x4=9600 kr á mánuði þá, 2x330=660 kr núna. Hvort ætli sé betra fyrir bissnissinn hjá þeim?
Held að staðir eins og Santa Maria á Laugavegi og nýopnaði 22 þar við hliðina á séu alveg að hugsa þetta rétt. Vera með matseðilinn ódýran þar sem allir aðrir hafi hækkað svo mikið. Auðvitað fer maður beinustu leið þangað! Því vil ég benda mínum kæru kaffivinum á Te og Kaffi að gera það sama. Þá mun ég snúa aftur.

#761    Fór í Krónuna Bíldshöfða og keypti meðal annars kippu af Pepsi Max sem var verðmertk í hillu á 144 kr.  síðan þegar ég fer að skoða miðann sem var í heild yfir 20 þús. Var gosið á 999,- sem er kr. 166,5 stykkið, ég gerði athugasemd við afgreiðslumanninn sem labbaði með mér að hillunni og sá að þetta var 144,- kr. á hillunni, en þá sagði hann að hann hefði tekið eftir því að það væri dýrara að kaupa kippu en eina og eina flösku, sem er ansi undarlegt, það var komin röð á kassan svo ég nennti ekki að vera röfla útaf þessum 135,- krónum en vildi koma þessu á framfæri.

#760    Hvenær getur talist hagkvæmt að greiða 929 kr. fyrir ostborgara, franskar og "vatns"kók í glasi? Þetta er auglýst sem "Tilboð" hjá AktuTaktu - hvet neytendur til að hugsa áður en verslað er hjá slíkum okurbúllum. Íslenskir neytendur ættu nú að hugsa áður en verslað er og sniðganga

#759 / 759Jói Fel: 0.5 lítrar af Pepsi Max - kr. 250. Jói Fel er greinilega aðeins fyrir auðmenn.
Ekki okur: Pizzan Í Hafnarfirði. 16" Pizza með 2 áleggstegundum og 2 lítrum af Pepsi á 1000 kr. Keypti tvö svoleiðis tilboð og fékk því 2 pizzur og 4 lítra af gosi á 2000 - Eitt af fáum góðum kaupum af öllum þeim skyndibitum sem eru í boði. 

(Sett inn 01.06.08):

#758    Ég  keypti fljótandi-sma 100 ml fyrir sléttri viku á 89 kr í Hagkaup í Kringlunni. Í
dag kostar sama flaska 169 kr. Ég spurði vaktstjóra hverju þetta sætti og
var tjáð (eftir að hún hljóp í síma) að birginn hefði hækkað vörunna
100% og hana nú !!!! Hversu trúlegt er það.

#757    Ég brá mér í Bláa Lónið áðan ásamt félaga mínum. Aðgangseyrir litlar 1800 krónur. Það voru svo rosalega margir að það voru mjög fáir skápar lausir. Ég og félagi minn þurftum að deila með okkur skáp því það voru ekki margir skápar lausir, við þurftum að skiptast á að fara í sturtu þar sem það var stöðugur straumur fólks í sturturnar og fórum 45 mín í laugina sem var svo troðin af túristum þannig að það var ekki verandi þar. Við fórum fljótlega uppúr.
Ætluðum að bregða okkur á BlueCafé á leiðinni út en snérum sko snarlega við þegar litið var á verðið.

Verðdæmi:
0,4 L gos úr vél MEÐ ENGRI ÁFYLLINGU 160 krónur (Kostar í Bónus 89 kr 0,5L)
Ein smurð samloka með skinku, osti og káli 610 krónur (Bónus 199 kr)
Eitt súkkulaðistykki 160 krónur (Bonus 79 kr)
Ein langloka smurð 740 krónur (Bónus 249 kr)

FKN OKUR!

Svo annað, þegar við vorum á leiðinni út tókum við eftir því að á dyrunum sem maður labbar innum er svona rauður hringur með gulu striki (bannað að fara hérna megin) á hurðinni, maður þurfti að labba í gegnum sérstaka "giftshop" til að komast út. Allt á rándýru verði. Sennilega bragð til að geta selt túristunum eins mikið og hægt er á okurprís.
Ok, ég er ekki vanur að kvarta en mér finnst 3600 krónur nú fulldýrt fyrir einn skáp og 45 mín í lauginni. Ég fer nú ekki oft þarna heldur, fór síðast árið 2003. Geri bara eins og þú, fer í Árbæjarlaug og þar sem ég er aumingi ríkisins (25% öryrki eftir slys) fæ ég frítt þangað. (nb. Það er nú líklega ekki sanngjarnt að miða verðin við Bónus. Þess má þó geta að sumarverð tekur gildi í dag: 1. júní - 31. ágúst 2.300 kr. Bláa lónið er fyrir útlendinga. Þetta er mesta túristagildra landsins)

#756    Fór með börnin mín á Mcdonalds áðan.  Keypti þrjú barnabox.  Öll með lítilli eplasafafernu í stað kóks í pappaglasi.  Þegar ég fór að skoða strimilinn rak ég augun í, að stykkið af eplasafanum kostar 150 kr.  Sem sagt 450 kr fyrir þrjá eplasafa!!    Þetta finnst mér vera okur vægt til orða tekið. Ég held að það sé hægt að fá ansi mikinn eplasafa í Bónus eða Krónunni fyrir þennan pening.   Mér finnst þetta sérstaklega sæta furðu þar sem Mcdonalds vilja gefa sig út fyrir að ýta undir yfirlýst lýðheilsumarkmið og einnig gefa sig út fyrir sanngjarna álagningu.    Ég hringdi í símanúmerið á strimlinum og þar var ég spurður hvað eplasafinn kostaði á KFC!   Ég sagði að mér væri slétt sama.  Ég væri að hringja til Mcdonalds og gera athugasemd.   Viðkomandi starfsmaður sagði að sama verð væri fyrir kók í pappaglasi og fyrir eplasafann.     Hann sagði einnig að hann skyldi taka málið upp á vikulegum fundi hjá verkstjórum Mcdonalds. Vonandi verður þessu breytt. 

#755    Fór í sjoppu sem heitir Bettís í gær og er hjá gömlu sundlauginni í Kópavogi (sbr. Okur #683). Við vorum tvö á ferð og keyptum okkur sinn hvorn ísinn, stórann og lítinn án dýfu eða skrauts. Þar kostar lítill ís 250 kr. og stór ís 330 kr. sem er nú ekki ódýrasti ísinn í bænum… Ætlaði samt að láta mig hafa það að borga það en drengstaulinn sem var að afgreiða ætlaði að rukka okkur um 600 kr. fyrir herlegheitin og snuða okkur um 20 kr. (maður verður nú að spá í hverri einustu krónu á þessum krepputímum). Eftir að ég leiðrétti drenginn og hann ætlaði að rukka okkur um rétta upphæð fékk ég skyndilögun í Buffaló súkkulaðistykki og bað hann um að bæta því við og hann rennir kortinu í gegn. Þegar ég síðan kvitta undir strimilinn sé ég að 810 kr. voru dregnar af kortinu, sem sagt Buffaló stykkið kostaði 230 kr.!!!! Þetta er okur af verstu gerð! Ég spurði hvort þetta væri rétt verð og fékk nett garg til baka um að þetta væri rétt, stykkið kostaði 230 kr. Drengurinn greinilega pirraður á þessari “kellingu” sem fyrst krafðist þess að fá að borga rétt verð fyrir ísinn og spyr síðan út í okurverð á súkkulaði… Ég nennti ekki að skila stykkinu og þegar ég kom út í bíl leið mér eins og ég hefði verið illa tekin í ósmurt. Þess má geta að ég keypti sömu tegund af súkkulaði í Hagkaup í síðasta mánuði á 99 kr. stykkið. Það er allavegana ljóst að ég á ekki aftur viðskipti við þessa okur-sjoppu, sem og okur-bakaríið sem er í sama húsi.

#754    HP Color LaserJet 2500 prenthylki fást í íslenskum verslunum og kosta kr. 12.900,- hylkið, eða kr. 51.600,- (4 hylki 4 litir). Sömu hylki fæ ég fyrir kr. 4.086,- hylkið eða kr. 16.344,- (4 hylki 4 litir) hjá erlendri vefverslun, (verð með sköttum og flutningskostnaði). - Þarna munar 35.256,- krónum.

#753    Var sannkallaður zombie með visakort í vikunni. Fór í Bakarameistarann í Suðurveri og keypti eitt baguette brauð, þið vitið þessi löngu hvítu sem eru gerð úr hveiti, vatni og geri. Eitt slíkt kostaði tæpar 500 krónur og ég svitnaði þegar ég kom út í bíl og skoðaði kvittunina. Hefur hveiti virkilega hækkað svooooona mikið?????

#752    Fékk mér "venjulegt" kaffi  í Te og Kaffi Holtagörðum, borgaði 320 kr fyrir bollann.
Gáfulegra að kaupa kaffipakka fara með hann heim og hella uppá.

#751    Ég keypti pakka með 4 Venus rakvélarblöðum í Krónunni Fiskislóð þann 30. maí á litlar 1375 kr. NB þetta var ekki Venus Vibrance, þau eru ennþá dýrari. 

(Sett inn 31.05.08):

#750    Ég var að kaupa mér nikotíntyggó og að því ég er búsettur í Keflavík þá lá leið mín í Lif og heilsu í Keflavík þar sem ég verslaði einn stóran pakka af Nicorette fruitmint 2 mg nicotin 210 stk. og borgaði fyrir það 4.629 kr. Ég var alveg stein hissa en ég keypti pakkann í þetta skipti og hugsaði bara með mér að hætta að nota nikótín-tyggjó því það er orðið svona dýrt. Fyrir rétt um mánuði var ég staddur í sömu verslun og verslaði sömu vöru að þá kostaði pakkinn 3.067, svo hann hefur hækkað um 1.562 kr á einum mánuði sem er algjört OKUR OKUR OKUR! Ég hringdi í Lyfjaver á Suðurlandsbraut og spurði um sömu vöru og þar kostaði pakkinn 3.430. Þó að bensínið sé dýrt þá myndi borga sig að keyra til Reykjavíkur.

#749    Ég kaupi stöku sinnum franskar Í Aktu taktu í Breiðholti (áður Staldrið) til að hafa með matnum. Miðstærð kostar kr. 429 og hingað til höfum við verið ánægð með skammtinn. Í gærkvöldi þótti mér pokinn hins vegar heldur rýr þegar heim var komið. Viktun sýndi 213 grömm sem gerir 2.104 KR/kg, TVÖ ÞÚSUND KR FYRIR KG AF FRÖNSKUM!!. Þetta er ekkert annað en OKUR. Ég fór aftur í verslunina og taldi að um mistök hefði verið að ræða. Starfsfólkinu var sléttsama, sagði að þetta væri eðlilegur skammtur og ranghvolfdi bara í sér augunum af hneykslun yfir því að mér þætti þetta lítið fyrir peninginn. Bar fyrir sig að eigandinn segði að þetta ætti að vera skammturinn. Eigandinn staðfesti  í símtali í dag að þetta væri sá skammtur sem fólk fengi fyrir 429 kr, og 2.000 kr/kg væri ekki mikið að sínu mati vegna þess að allt hefði hækkað svo mikið. Var ekki hnikað með það að ég fengi meira magn en bauð endurgreiðslu sem ég afþakkaði. Í annari sjoppu fékk ég um það bil helmingi stærri skammt fyrir sama pening í dag, nánar tiltekið við Ármúlann nálægt Grensásvegi. AktuTAKTU liðið getur haldið áfram að TAKA 2.000 kr/kg fyrir franskar í poka af en þau eru alveg laus við mig hér eftir.

#748    Tók eftir mögnuðum auglýsingum frá BT í fyrradag þar sem þeir auglýsa vaxtalaus kjör. Ef þú margfaldar hins vegar mánaðarlegu greiðsluna með mánaðarfjöldanum færðu út uþb. 11%-12% hærra verð. Þetta er kannski ekki okur en þetta er í það minnsta ekki alveg satt… (ATH: Í sambandi við færslu #748 þá vil ég bara benda á að í bæklingi BT er hægt að sjá af hverju þessi munur er. Þar stendur nákvæmlega "Inn í útreiknuðum mánaðargreiðslum er 5,8% skuldaálag og 3% lántökugjöldum auk 250 kr. færslukostnaðar". Þetta er eitthvað sem lagt er á öll lán. Vill einnig benda á það að ég er starfsmaður BT.) (nb. Þannig að þetta eru "vaxtalaus kjör" en bara með "5.8% skuldaálagi" í staðinn? Sniðugt.) (ATH: Þessi 5,8% eru útaf því að þú ert ekki að staðgreiða lengur. Er á öllum lánum vaxtalaustum sem og með vöxtum. Öll verð í BT eru staðgreiðsluverð og þar sem þú ert ekki að staðgreiða lengur þá bætasta þessi 5.8 % við.)

#747     Það er ekki gefið að láta smyrja bílinn:

Aðgerðin – frá því ég keyrði inn og þar til ég ók burt – tók í allt 25 mínútur. Okur?

(Sett inn 30.05.08):

#746    Ég hef mjög gaman að því að fara á kaffihús og fá mér gott kaffi. 
Þegar ég fór núna í kvöld eftir viku hlé brá mér í brún þar sem 
tvöfaldur cafe latte kostaði 400 krónur á Te og kaffi, sem mér finnst 
orðið svívirðilega hátt verð. Ég mun því hugsa mig tvisvar um áður en
ég fer þangað aftur.
Það er mín skoðun að ef það fer að harðna á dalnum þá þurfi 
þjónustuaðilar að minnka sína álagningu og taka á því með neytendum 
að koma okkur í gegnum komandi kreppu.

#745    Hef í nokkurn tíma notað vöru í hárið frá Redken sem heitir Maneuver. Sú vara (lítil 100ml dós) kostaði síðast þegar ég athugaði um 3200-3400 krónur á hárgreiðslustofum borgarinnar. Ekki dettur mér til hugar að borga slíkt OKURVERÐ fyrir vöru sem endist jafn stutt og þessi, en ég hef hingað til getað keypt þetta efni víðs vegar um austurströnd Bandaríkjanna í verslunum sem nefnast Trade Secret og kostar þar $13,95 auk söluskatts (sem er um 5-8,5%, mismunandi eftir fylkjum). Sama verð er á vörunni á heimaslóðum Redken á 5th ave í NYC sem og á flestum öðrum útsölustöðum í BNA sem ég hef fundið þetta efni á. Þetta gera um 1100 íslenskar krónur sem er GRÍÐARLEGUR munur. Ég taldi skýringuna hljóta að vera mismunandi verðlag milli heimsálfa, en nú í síðustu viku var ég á ferð í Bretlandi og fann þar Trade Secret verslun og kepti umrædda dós þar á GBP 10,50 sem gera tæpar 1500 íslenskar krónur. HALLÓ! Þetta þýðir að varan er um 220% dýrari hér en í Bretlandi, sem við öll vitum að er eitt dýrasta land í evrópu, og heilum 300% dýrari hér en í BNA.  Svipaða sögu er að segja af muni á öðrum “fagmanna” hárvörum s.s. sjampói.
Ég tel innflytjanda vörunnar og/eða hárgreiðslustofur landsins skulda okkur skýringar á þessum verðlagningarharmleik. Ég veit í það minnsta að ég panta þetta frekar á Amazon.com og borga af því fluttningsgjald og toll frekar en að greiða umrætt übermegaofurgræðgisokurverð hér heima.

#744    Var í Skagfirðingabúð á Sauðárkróki sem er stórt kaupfélag í anda Hagkaups. Ég rak augun í nýlega geisladiska og var mjög hissa á verðinu. Ég veit að ég er í búð úti á landi en þetta er óeðlilegt. Mjög margir nýlegir erlendir tónlislardiskar voru á 2980 kr.

Dæmi um verð um nýjan vinsælan disk:
Duffy - Rockferry:
Amazon.co.uk - 8.98 pund
Skífan.is - 2.299
Skagfirðingabúð - 2.980 kr (?!?)

Þegar búðir eru farnar að setja 30% hærra verð á diska en Skífan, sem er einnig alræmd okurbúð, þá er ekki bara um okur að ræða, heldur ofurokur!

#743    Þegar ToysRus opnaði í Reykjavík var Babyborn dúkka á opnunartilboði á 1990 krónur. Nokkuð var um að fólk reyndi að fá sent til sín ýmislegt á opnunartilboði í póstkröfu en búðin sinnir ekki slíkri þjónustu. Hinsvegar sagði starfsfólk búðarinnar að samskonar tilboð yrðu í gangi þegar ToysRus myndi opna á Akureyri. Á morgun opna svo herlegheitin hér á Akureyri og viti menn: Opnunartilboð á Babyborn dúkkunni hljóðar upp á 4599 krónur! ÞETTA ER OKUR!!! (Ath: Það er sama verð á öllum vörum í verslunum Toys"R"Us á íslandi. Þegar verslunin í Kópavogi opnaði þá var opnunartilboðið á BabyBorn dúkkum á 1990 kr en síðan þá hafa verð í versluninni hækkað, vegna t.d gengi krónunar, hækkun á tollagjöldum o.s.frv. Þessi hækkun er því ekki einsdæmi fyrir Akureyringa heldur líka þá sem búa á höfuðborarsvæðinum. Það mun ávalt vera sama verð í öllum verslunum Toys"R"Us á íslandi.)

#742    Var í fríhöfninni í síðustu viku og keypti mér síma hjá Elko. Sony Ericsson K530i  – ég bjóst við að verðin í fríhöfninni væru ódýrari en í búðum Elko í bænum þar sem enginn virðisaukaskattur er á vörunni, en svo fór ég að skoða þetta aftir að ég kom heim. Þá er síminn 2000 krónum dýrari í fríhöfninni en í bænum.  Keypti símann því miður á Kr. 21.999 en hefði getað fengið hann hérna í bænum á 19.895 ath.. með VSK. Ég hugsa mig núna vel um áður en ég kaupi nokkur í þessari svokölluðu FRÍHÖFN hérna á Íslandi! (nb. Ef þú hefðir lesið okursíðuna þá hefðirðu vitað þetta. Fríhöfnin er eiginlega bara ódýrarari svo einhverju nemur þegar kemur að verði á tóbaki og búsi. Það borgar sig engan veginn að fara þarna inn og halda að maður sé að fara að gera góð kaup.)

#741    Ég lagði leið mína í gær í verslunina Einu sinni var í Faxafeni. Ég sá þar barnaborð og stóla sem mér leist vel á, og ákvað að kaupa, enda á mjög góðu verði, kassinn var merktur með verðmiða 2.000,- Þegar á kassann var komið var mér tjáð að þetta væri bara borðið, ef ég ætlaði að fá borð og stóla kostaði það 4.990,-. Ég mótmæli þessu, sagði að á kassanum kæmi skýrt fram hvert innihaldið væri (þar stóð skýrt að í kassanum væri borð, sólhlíf og 2 stólar) og því bæri versluninni að afhenda mér þær vörur fyrir það verð sem kassinn væri merktur. Eigandi verslunarinnar bar við mistökum og að það ætti að vera alveg morgunljóst að þetta væru mistök og að hún gæti ekki selt mér vöruna á því verði sem stóð á kassanum. Hún þyrfti að vera með amk 10 manns í vinnu ef hún ætti að geta fylgst með búðinni og að allir verðmiðar væru á réttum stað og ég yrði bara að kyngja því. Ég hvet fólk því til að athuga vel verslunarhætti í svona dýrum búðum eins og Einu sinni var.

(Sett inn 29.05.08):

#740    Samstarfsmaður minn tekur í nefið. Tóbakið er af misjöfnum gæðum. Gæðaminna tóbakið lyktar heldur illa og konunni hans líkar það fremur illa. Minn kann sig og fer í Hagkaup hérna á Akureyri til að kaupa sér kölnarvatn. Hann kaupir 50ml af Fahreinheit (ekki einusinni selsíus) á heilar 5.789. Hann borgar náttúrulega, en bara vegna þess að hann var í losti. Þessi ágæti maður er á lágum launum og því setti þetta ansi góða holu í veskið hans. Ég held hann sé að spá í að hætta að taka í nefið.

#739    Kauptu sumardekkin í Danmörku og fáðu helgarferð fyrir 2 í kaupbæti! Eftir að N1 keypti upp öll dekkjarverkstæðin á höfuðborgarsvæðinu er sama ríkisverðið á öllum dekkjunum sem þeir selja. Til að mynda var ég að skoða dekk undir bílinn minn. Dekkin sem ég hafði augastað á voru í frekar háum gæðaklassa og vildi  N1 fá 33.000 kall á stykkið. (132.000 fyrir settið). Hinsvegar komst ég að því að hægt er að kaupa sömu dekk, og í raun hvaða dekk sem er á rúmlega 50% afslætti hjá daekonline.dk í danmörku. (sömu dekk kostuðu þar 14.000 stk. Þrátt fyrir hátt gengi, eða 56.000 kall gangurinn) Ákvað ég að skella mér á dekkin í Danmörku, fór út ásamt konunni og fluttum við þau heim 2 dekk á mann og innrituðum þau eins og hvern annan farangur hjá Iceland Express. Niðurstaðan var því sú að ég ég fékk helgarferð fyrir 2 til kaupmannahafnar í kaupbæti, miðað við íslenska okrið. 

#738    Verð að benda á síðuna http://www.legalsounds.com/ þegar ég sé að allir eru að benda á hvað tónlist er dýr á Íslandi. Þarna kostar lagið 9 cent (USA) og þar af leiðandi, venjuleg 10 laga plata 99 cent eða um 73 krónur!!! Svo er þessu bara downloadað á mp3 formi, inn á ipodinn og maður er tilbúinn. Þarna inni eru til langflestar af þeim plötum sem gefnar eru út í dag, reyndar lítið af íslensku efni…en allt sem á vinsældarlistum í USA og UK. (ATH: Það þarf ekki mikla greind eða tíma til að sjá að þessa síða er kolólögleg og rússnesk. Þar sem hún er ekki að greiða útgefendum eða listamönnum fyrir sölur. Frekar að stela þessu þar sem engin græðir á þessu eða kaupa þetta af síðum sem eru löglegar. Þetta er eins og segja að það sé ekki okur ef þú ferð í Nóatún og kaupir í matinn en sleppir því að borga. Kveðja, útgefandi / Langar að benda á að þótt LegalSounds.com heiti þessu skemmtilega nafni, þá er þjónustan ekki "lögleg".  (Er t.d. að bjóða upp á 
Bítlana sem hafa hingað til ekki fengist á stafrænu v. samninga). 
Eitt er að senda vini þínum tónlist, annað er að gera þjófa ríka með 
því að kaupa af þeim tónlist - listamaðurinn er hlunnfarinn.  Löglegt 
í Rússlandi, ólöglegt annarstaðar og algjörlega siðlaust.  Getum við 
talað um ekki-okur þegar við erum að kaupa "þýfi"?) (nb. Nei!)

#737    Get varla orða bundist yfir því hve framleiðendur og búðareigendur eru útsmognir í sölumennskunni. Okur er ekki alltaf sýnilegt sem  hækkuð krónutala, heldur líka breytt vigt eða fjöldi í pakkningu, þannig fá þeir meira fyrir minna. Tek sem dæmi kjúklingabringupakkningu í Bónus. Þar hafa alltaf verið 4 bringur í pakkningunni og kílóverðið um 2100. Þannig að í kassanum hefur verðið verið á bilinu 1700 - 2000 krónur, eftir þyngd pakningarinnar. Nú ber svo við að það eru aðeins 3 bringur í hverri pakkningu. Kassinn segir ennþá að heildarverðið sé á bilinu 1700 - 2000 krónur eftir þyngd, nema það sem er öðruvísi núna er að kílóverðið er komið upp í 2799.- krónur!!! Ef fólk áttar sig ekki á því að það er búið að taka eina brigu úr pakningunni er ekki víst að það átti sig á verðhækkuninni því það lesa ekki allir kílóverðið heldur aðeins krónutöluna sem það þarf að borga, og hún hefur jú ekki hækkað!!!
Þetta er ekki bara okur heldur tilraun til að fela verðhækkun fyrir neytendum. Skammistykkar!!!
Svipað gerðist síðan í Taco Bell, fór þangað fyrir nokkrum vikum keypti þar einhverja fjölskyldupakkningu sem átti að vera með 10 hveitiskeljum í. Þegar heim var komið, 40 km síðar, kom í ljós að aðeins 9 hveitiskeljar voru í pokanum. Hringdi og kvartaði og var sagt að þetta væru einhver mistök, var þó ekki boðið að koma og grípa með mér þessa einu hveitiskel sem þau skulda mér næst þegar ég ætti leið hjá. Í gær fór ég svo aftur og keypti nákvæmlega eins pakningu og keyrði með heim, og viti menn, bara níu skeljar í pokanum. Nú versla ég ALDREI þarna framar vegna þess að það er alltaf stolið af mér 10% af því sem ég er látin borga fyrir. Hvurslags eiginlega viðskiptahættir eru það að stela markvisst að viðskiptavinum sínum?

(Sett inn 28.05.08):

#736  Ég lagði leið mína í Hagkaup í Kringluna í apríl  og keypti mér nærbuxur frá Trimump super soft á 1999 kr. Síðan einum og hálfum mánuði athuga ég verðið í síðustu viku þá brá mér heldur betur. viti menn nærbuxurnar komnar á 4199 kr. Vildi bara láta vita af þessu.

#735    Í fyrradag fór ég á Dylan tónleikana. Þar kostaði lítill Carslberg í dós 650 krónur. Þetta er svívirðilegt. (Ath: Ég var einnig á Bob Dylan tónleikunum og sá að það verið að rukka 650 íslenskar krónur á gengi dagsins fyrir 33cl dós. Ekki datt mér í hug að versla eina. Ég var einnig í höllinni ekki fyrir löngu síðan og þá á Jet Black Joe tónleikum. Þar var aðeins Tuborg í boði og 33cl dósin þá á 500 íslenskar krónur. Hvort tveggja er okur!)

#734    Nú vantaði mig að tengja græju sem er með dvi tengi í hdmi tengi í sjónvarpið (dvi nýja tölvuskjátengið og hdmi er high-def sjónvarpstengi). En svoleiðis snúrur eru rááándýrar hér á landi
Dæmi:
- 3990 kr hjá Tölvulistanum
- 3450 kr hjá Att

Fór um daginn í Task og sá að hún var á um 5900kr þar og, að mér skilst, á svipuðu verði í Apple
En með því að panta héðan fæst snúran á 13.13$ sem gera 962kr. Á þessari síðu er algjörlega frí heimsendingu (á öllum vörum hjá þeim). Og þar sem þetta flokkast undir tölvuvöru þá eru engin tollgjöld á snúrunni. Og nú sit ég hér heima. Mjög ánægður með 962 kr snúruna mína og a.m.k. 2500 kr ríkari.

#733    Mig vantaði blautþurkur og sú tegund sem ég kaupi vanalega var ekki til í Bónus svo ég fór í Hagkaup. Þar kostaði pakki að Pampers sensitive blautþurkum 618 krónur síðast þegar hann var til í Bónus kostaði hann 268. Þetta er nú algjörlega fáránlegt verð ég fann ódýrari tegund sem kostaði samt næstum 500 kall. Ég keypti ekkert annað í Hagkaup í þessari ferð þar sem mér var bara hálf óglatt.

#732    Eignaðist barn fyrir skemmstu og hef verið að kaupa grisjur 10x10 cm í Lyfju og kostaði pakkinn af þeim um miðjan mars um 270 krónur. Fór síðan um daginn og ætlaði að kaupa sömu vöru en þá var hún komin í tæpar 430 krónur, ég hætti náttúrulega við og gekk út. Við erum að tala um nokkrar einnota grisjuklúta sem hækka um 160 krónur á tveimur mánuðum. Skýringin: HÆKKUN FRÁ BIRGJUM (Logalandi í þessu tilfelli).

#731    Óformleg verðkönnun á 2 kg. af Neutral-þvottaefni mánudaginn 26. maí.
Krónan - 390 kr.
Nóatún - 550 kr.
10/11 Lágmúla - 780 kr.  (helmingi meira en Krónan)

Ég veit að klukkubúðirnar og Nóatún eru þekktar fyrir hærra verð en þetta er OKUR! 

#730    Í Vestmannaeyjum er selt kex sem heitir Goteborger Rem kex litlar kexkökur með súkklaði að utan og myndubragði inní.
í Kjarval (10-11) kosta þær 329
í Vöruval kosta þær 199
í Krónunni kosta þær 119
Ef þetta er ekki okur þá veit ég ekki hvað er okur. (nb. Frjáls samkeppni?)

#729    Ég varð vitni að okri í Krónunni í dag.  Þar var til sölu kókómjólk í 320ml flöskum á 89 kr stykkið, þar við hliðina á var svo boðið upp á pakka með 4 sams konar flöskum (320ml), en merkt sumarleiki Klóa.  Þessar fjórar flöskur kostuðu 489 kr, eða ríflega 122 kr stykkið. Þetta gerir 37% verðmun á nákvæmlega sömu vöru, nema að dýrari umbúðirnar eru sérstaklega markaðsett fyrir börn.  Valið var mjög einfalt fyrir mig, ég valdi stöku flöskurnar á 89 kr, en vonandi er fólk vakandi fyrir svona okri.

(18 dæmi sett inn 27.05.08):

#728    Ég er að renna yfir kvartanir um okur á síðunni þinni ... það sem stingur mig er að fólk virðist vera að kvarta undan okri á hlutum sem það er BÚIÐ AÐ KAUPA ... ég held að mesti sparnaðurinn sé fólginn í að skoða verðið og ákveða út frá því HVORT þú ætlar að kaupa vöruna ... annars fór ég í Hagkaup um daginn og ætlaði að splæsa á mig ananas og kirsuberjatómötum ... munur á hilluverði og verði á kassa á tómötum var 200 kr (164 vs 368 kr) og eitt stykki ananas kostaði 705 kr sléttar ... ég bað kassastarfsmanninn vel að lifa (að sjálfsögðu með kurteisi og elskulegheitum) og fór í bónus þar sem tómatboxið kostaði 146 kr og eitt stk ananas 168 kr (óháð stærð) ég tek fram að um sama framleiðanda var að ræða í báðum búðum, bæði af tómötum og ananas. (Ath: Nú vinn ég í Hagkaup og starfa sem yfirmaður grænmetis í Kringlu og það stingur í augun að horfa á þessa vitleysu með verðið á kirsuberjatómutunum. Ég skoðaði þetta sérstaklega daginn eftir að ég hafði lesið þetta og get hér með bent á að ERLENDIR kirsuberjatómatar eru á 164 kr/pk en Íslenskir á 368 kr/pk. Svo er einnig hægt að fara í lífrænt ræktaða frá bæði Akri og Engi en þá ertu líka kominn í mun dýrari pakka.) (ath: þetta voru erlendir tómatar, ég er enginn kjáni og var með erlenda tómata, málið er að það eru alveg sumir sem lesa sér til um verðin og ég er ein af þeim, þetta voru erlendir tómatar, tvær týpur voru í boði.)

#727 Bakarí Konditorí v. Suðurlandsbraut 4A eru þekktir fyrir að vera okurbúlla -
NEMA fyrir hádegi, þegar morgunmatur/brönsj er framreiddur. Fyrir 850 kall á
mann fær maður dýrindis beikon, rúnnstykki, spænska hráskinku, hrærð egg,
appelsínusafa, steikta tómata, o.fl., o.fl., eins og maður getur í sig
látið. Topp-kvalítets morgunmatur og EKKI-OKUR!

#726    Það er mikið rugl sem á sér stað á lyfjamarkaðnum á Íslandi. Ég fór í
laser augnaðgerð um daginn. Eftir aðgerðina er maður háður táradropum.
Í Lyf og heilsu kosta 10ml af Oxyal glasi rúmar 1.700 kr. sem sagt
líterinn af tárum gæti verið metin á 170 þúsund. Lyfja selur sömu vöru á
1.230kr í Borgarnesi allavega. Grátlegt!!! (Ath: 
10ml af Oxyal:
Skipholtsapótek = 1701kr !
Lyfja = 1280kr (Rvk)
Apótekið í Skeifunni = 1262kr
Lyfjaver = 1139kr)

#725    Keypti nýju plötuna með Portishead - Third í 12 tónum þann 23. maí
síðastliðinn á heilar 2700 krónur!! OKUR! (Verð á amazon.co.uk þann 26. maí: 1283 krónur og amazon.com: 721 krónur)

#724    Ég fór í skóverslun Steinars Waage í Smáralindinni einu sinni sem oftar á þriðjudaginn 20. maí og keypti barnaskó. Svona skó hef ég keypt frá árinu 2000 og að minnsta kosti 20 pör síðan þá. Keypti par í desember 2007 sem kostaði 4.990.- krónur, man það svo vel því ég fékk 10 krónur til baka af fimmþúsundkrónu seðlinum sem ég greiddi með þá, annað par keypti ég svo í mars 2008 sem kostaði 5.990.- og svo parið sem ég keypi núna 20. maí á kr. 7. 995.-
Ég spurði um ástæðu fyrir þessari miklu hækkun og voru skýringarnar að um sérpöntun frá því í febrúar væri að ræða en eins og áður er nefnt þá kostuðu þessir umræddu skór 5.990. – eftir 20. mars 2008. Ef þetta er ekki okur hvað þá?

#723    Enn eitt Byko-okrið: Vantaði glæra gúmmíslöngu í fiskabúrið mitt, fékk 2 metra af slöngu, keypti síðan nokkra aðra hluti og borgaði. Fannst ég borga full mikið
fyrir þetta, og fór að skoða kvittunina þegar ég kom heim. Fyrir 2 metra
af ómerkilegri glærri gúmíslöngu borgaði ég 1100 kr! Algjört okur!

#722    Ég og dóttir mín fórum um daginn í Bernhöftsbakarí á Bergstaðarstræti
til að fá okkur gúmmúlaði. Því næst var planið að fara niðrá tjörn og 
gefa öndunum. Þegar ég var búinn að versla gúmmulaðið bað ég 
afgreiðslukonuna um afgangsbrauð handa öndunum. Svaraði hún mér því að 
hún gæfi ekki brauð úr bakaríinu og ég yrði að greiða fyrir nýtt brauð 
fullu verði! Eftir að konan var búinn að segja mér þetta þrisvar 
sinnum og kyngja hneykslan minni og annarra viðskiptavina keypti ég 
loks hálfan brauðhleif sem ég man ekkert lengur hvað kostaði enda 
skiptir það ekki máli, heldur sú ömurð að ekki sé hægt að fá gefins 
óseljanlegt brauð til að gefa sársoltnum andagreyjunum og rækta í 
leiðinni samband barns og dýrs við Reykjavíkurtjörn. Það er ekkert 
lengur frítt í þessum heimi! Það eru allir að reyna að græða á mér!
(Ath: Þar sem ég veit að vefurinn er víðlesinn langaði mig að nota tækifærið og benda á að ég man eftir því að í mörgum bakaríum hafi í fyrrasumar hangið uppi plakat frá Reykjavíkurborg þar sem mælst var til þess að ekki væri verið að gefa öndunum á tjörninni þar sem það drægi líka að mávana sem gera öndunum lífið leitt á tjörninni.  Bara svona til að hafa í huga að við erum ekki endilega að gera öndunum neinn greiða með því að dæla í þær brauði ef það verður til þess að þær fá ekki frið með ungana sína.)
(Varðandi dæmi # 722 þá er þetta algjörlega fáránlegt umkvörtunarefni. Við getum ekki gefið einum viðskiptavini vöru en rukkað annan, það er einfaldlega ekki sanngjarnt. Öll vara sem er ekki í söluhæfu ástandi er fargað samdægurs og hún ekki geymd innan um vöru sem á að selja.  Við erum 174 ára gamalt fyrirtæki og við værum ekki þetta gömul nema við værum í sanngjörnum og heiðarlegum rekstri. Sigurður Guðjónsson og er bakarameistari hjá Bernhöftsbakarí ehf)

#721    Fer stundum í Tvistinn í Vestmannaeyjun og kaupi kaffi í plastmáli til að taka með í vinnuna og borga 100 kr. fyriri það, í síðustu viku var komin ný kaffi vél og ég ætla að rétta afgreiðslustúlkunni 100 kr peninginn , nei, þá kostar kaffibollinn 250 kr, vegna þess að það er ný kaffivél! Algjörðlega ólíðandi, kaupi mér aldrei aftur kaffi þarna á 250 kr. bollann í plastglasi.

#720    Ég fór í SPAR í Bæjarlind að versla kattarsand. Sá í hillunni kattasandinn, glæran sand með bláum kúlum frá framleiðandanum Vitakraft. 2.2 kg poki kostaði 855 krónur sem mér fannst heldur mikið en lét samt slag standa þar sem ég var í tímaþröng.
Er ég kem á kassann stimlpast hann inn sem 1.295,- kr og ég geri athugasemd við þetta
við kassakonuna , sagði að það hefði staðið á miðanum fyrir framan sandinn í hillunni
Vitakraft kattasandur : 855,- kr.  Hún stóð á verðinu sem stimplaðist í kassann , sagði mig hafa
litið rangt á hilluna svo ég ákvað að hlaupa til baka og staðfesti að þetta væri eins og ég sagði.
Hún fer og skoðar þetta, kemur til baka með annan miða með 1.295,- kr merkingu
og segir að þetta hafi færst til.  1.1295 sé rétt verð.
Ég sagðist vera til í greiða 855,- kr fyrir pokann sem mér fannst þó ansi dýrt en samkv. lögum þá bæri henni skylda til þess að láta mig hafa vöruna á verðmerktu verði. En hún tók pokann og neitaði að selja mér hann á þessu verði.  Klárlega lögbrot af hennar hálfu. Ég mun sneiða fram hjá SPAR í Bæjarlind framvegis. Samskonar kattarsandur í jafnstórum poka kostar 398,- kr í Bónus Hafnarfirði.  Held mig þar framvegis. 

#719    Ég þurfti að kaupa bleyjur á dóttur mína í gær á sunnudegi því miður en vanalega versla ég þær í Bónus á 890kr pakkann á virkum dögum.  Fyrst fer ég í 11-11 þar sem Pampers bleyjupakkinn kostar 1699kr en mér ofbauð þetta okur og ákvað að leita til 10-11 í staðin(ekkert annað opið á þessum tíma) þar kostaði sami bleyjupakki 2090kr sem er meira en 100% dýrara en í bónus.

#718    Var að koma úr Krónunni á Fiskislóð. Keypti fátt en fannst dýrt. 
Skoðaði miðann ekki fyrr en heim var komið og sá þá að litli bakkinn 
sem ég keypti með fjórum íslenskum plómutómötum í kostaði 599 krónur! 
600-KALL FYRIR FJÓRA TÓMATA!!! Þegar ég tók bakkann í búðinni sá ég í 
fljótu bragði enga verðmerkingu. Djöfull náðu þeir að hafa mig að 
fífli! Hringdi í búðina og var sagt að þetta væri ekki þeim að kenna, 
heldur framleiðendum. Ég er enn að hlæja! Hef nokkuð oft keypt
bláberjaöskjur í þessari sömu búð. Askjan kostaði lengi vel 199 krónur 
en fyrir örfáum dögum hafði hún skyndilega hækkað um 100%, komin í 399.
Það skal greinilega mjólkað í krepputalinu!

#717    Fyrir jólin kostaði barnaklipping í 101 Hárhönnun á Skólavörðustíg 2800 krónur. Nú kostar barnaklipping þar 3900 krónur.  Ástæðan fyrir hækkuninni er þar sögð vera gengishækkun.  Hvað er hægt að ganga langt í slíkum tilsvörum þegar beðið er um útskýringar á hækkun? Þetta er varla annað en okurhækkun og það ósvífin! Á Hársnyrtistofunni Vitatorgi, Lindargötu 59, kostar barnaklipping ekki nema 1700 krónur.

#716    Ég vildi bara koma með dæmi um mjög góða þjónustu hjá Centro á Akureyri... uppúr jólum þá keypti ég gallabuxur á manninn minn sem kostuðu rétt tæpar 7000kr sem mér finnst svo sem ekkert rosalega ódýrt en buxurnar voru búnar að vera í mjög lítilli notkun í rétt um 2 vikur þegar þær voru hreinlega komnar í hengla en við búum frekar langt í burtu og í þau skipti sem við fórum í bæinn þá gleimdum við að taka þær með okkur þangað til núna um daginn loksins mundum við eftir því en þar sem langur tími var liðinn og við vorum ekki einusinni með upprunalegu kassakvittunina (bara útprentun úr heimabankanum) bjóst ég ekki við því að fá þær endurgreiddar, vildi aðallega bara láta verslunareiganda vita af þessu en stúlkan sem tók á móti þeim hringdi í eigandann sem var ekki á staðnum en væntanlegur og við ákváðum að þau myndu bara hringja í mig og láta mig vita hvernig færi... rétt um klst seinna fékk ég símtal frá konu sem sagði mér að þessar 7000kr yrðu lagðar inná reikninginn minn og baðst afsökunar á þessu öllu saman... mér fannst þetta mjög góð þjónusta og vildi endilega láta fólk vita af þessu... Auk þess sem þau í Centro eru mjög dugleg að setja vörur sínar á tilboð og er oft hægt að gera mjög góð kaup á fötum hjá þeim en eins og flestir hafa tekið eftir undanfarið þá eru föt eitthvað sem yfirleitt er ekki hægt að kaupa ódýrt.

#715    Við skötuhjúin fórum að sjá Indiana Jones í bíó í gær og fengum nett 
sjokk þegar við kom að því að borga miðann. 1050 kall á mann! Almennt 
miðaverð er auglýst 1000 kall hjá Sambíóunum, sem er okur út af fyrir 
sig. Þegar smáa letrið er skoðað þá kemur í ljós 50 króna aukagjald
meðal annars ef myndir eru á stafrænu formi eða lengri en 150 
mínútur. Hvað er það? Mér finnst þetta bara algjörlega fáránlegt!
Við skoðuðum sambioin.is áður en við fórum til að athuga hvenær 
myndin var sýnd og þar kom hvergi fram að myndin væri á stafrænu 
formi og hvergi var verðið auglýst. Mjög lítill miði var á glugganum 
í afgreiðslunni sem útskýrði okrið.
Það er ekki nóg með okrað sé á almennu miðaverði, að auglýsingunum 
sé troðið ofan í kokið á manni áður en myndin byrjar og í hléi heldur 
er líka verið að smyrja ofan á verðið einhverjum fáránlegum 
aukakostnaði. Djö... okur! Ég er hætt að fara í bíó!

#714    Langar að vara fólk við verðmerkingum í Krónunni í Mosfellsbæ. Boðið er upp á vörur sem merktar eru góð kaup en engin verðmerking. Þegar betur er að gáð þá felast góðu kaupin í appelsínusafa. Tveggja lítra ferna kostar 339 kr. sem er rándýrt það er ekki furða að þeir verðmerki ekki vörurnar. Skoðið líka strimilinn vel, hann er sko aldeilis ekki alltaf í samræmi við verðmerkingu. 

#713    Fór í Húsasmiðjuna á Hvolsvelli og keypti fyrir rúmlega 3.000 kr. Þegar ég var að labba út leit ég á nótuna og sá að verð á einum hlut var ekki það sem mig minnti. Fór því og tékkaði á öllum verðum á þeim hlutum sem ég keypti, en þeir voru 5 talsins. Skemmst frá því að segja að verðið á kassa var hærra í 4 tilfellum af 5 en eitt var sama á kassa og í hillu. 
Þetta var 10 - 15 % hækkun frá hilluverðs til kassaverðs. Þegar ég kvartaði var maldað í móinn: "Ertu viss um að þetta séu sömu vörunúmer á nótu og eru í hillunni?" Ég: "Já alveg viss."  Afgr.maður: "þetta hækkar bara svo hratt að við höfum ekki við að verðmerkja." Ég: "Það gengur ekki að verðmerkja vitlaust, þið verðið að laga þetta." 
Afg.maður: "Og ætlar þú að útvega mannskap í það!?"  Ég: "Nei, Húsasmiðjan á að sjá um það..."
Semsagt, þeir vita að þetta er ekki rétt verðmerkt (neytanda í óhag auðvitað) en gera ekkert í því af því að þau nenna því ekki/hafa ekki mannskap.

#712 Gjafir jarðar, sem var ein uppáhaldsbúðin mín, ég fór þangað um daginn og ákvað að kaupa pakka af uppáhaldsreykelsunum mínum, ég spurði afgreiðsludömuna hvað þeir kostuðu og hún sagði 450kr, svo ég ákvað að taka tvo, þegar ég ætla að borga þá er önnur að afgreiða og hún spyr hina hvað þetta kostar ég sagði hún hefði sagt 450, og hún sagði nei það getur ekki verið við kaupum þetta inn á 400 kr þetta kostar allavega 800-900 krónur en ég skal láta þig hafa þetta á 800 kr eins og hún væri að gera mér einhvern greiða, ég var  mjög fúl og ákvað að sleppa einum pakkanum en keypti þó einn pakka en dauðsá eftir því , það er á hreinu að ég á ekki eftir að verlsa þarna aftur, ég fann svona pakka á netinu þar kostar hann 2.95$  ss. um 200 krónur.! (Ath: Gjafir Jarðar selur reykelsi í mismunandi stærðum og kassi með 15 gr. kostar 350.-  kassi 40 gr. kostar 850.- kassi 100 gr kostar 1200.- Það var nýr starfsmaður í afgreiðslu og hafði ekki gert sér grein fyrir mismunandi stærðum á milli 15 gr og 40 gr. þar sem pakningin er eins í útliti. Og ef höfundur af greininni hefur fundið 40 gr pakningu á netini á $ 2.95 þá er það ansi gott verð (líklega er það 15 gr. sem hún hefur séð) en þá á eftir að setja á vöruna flutnig+tolla+álagningu+vsk. Það er leiðinlegt að heyra hvað konan er óánægð með okkur og vonandi kemur hún aftur svo að ég geti útskýrt málið betur fyrir henni. Við höfum hingað til ekki verið ásökuð um okurálagningu enda fer það víðsfjarri að svo sé.
Takk fyrir,
Herdís Björnsdóttir,
Eigandi Gjafa Jarðar)

#711    Ég fékk það skemmtilega verkefni nú á laugardaginn að versla og tengja hljómflutningsgræjur fyrir ónefndan aðila sem vantaði græjur fyrir Eurovision-partý. 
Sem sönnum Kópavogsbúa lagði ég að sjálfsögðu leið mína beint í Elko á Smáratorgi. Þar verslaði ég þessar flottu græjur og 5 metra snúru, svo greiddi ég herlegheitin á kassanum 
og fékk grænan miða sem ég átti að sýna á lagernum þeirra inní Reykjavík. 
Ég rúllaði mér inn í Reykjavík, naut ferðalagsins alveg óstressuð enda klukkan ekki nema rúmlega 13 og partýið átti ekki að byrja fyrr en kl 18. 
Á lagernum tók ungur drengur við miðanum og bað mig um að bíða, svo rétt á meðan að stykki inn og næði í tónlistartækið. Drengurinn hvarf fyrir horn og ég beið, og beið, og beið.
Og beið... 
En ekkert stress, mín bara easy, enda búin að vera með frekar lágan blóðþrýsting undanfarið.
Loks kom drengurinn, en í stað þess að rétta mér fagran kassa með hljómgóðum flutningstækjum réttir hann mér græna miðann til baka. Þetta er bara ekki til, finnum þetta ekki,  „Computer says NO“ eins og þeir í Great Brittan myndu orða það.
Jæja, ekkert annað að gera en að keyri í Kópavoginn aftur, fá peninginn til baka svo hægt sé að fara í næstu búð og versla geðveikar græjur.
Brunaði inn í Kópavog, ekki frá því að smá stress hafi verið farið að gera vart við sig á þessum tímapunkti, beint í gjaldkera röðina, nýtti tímann þar vel til að rifja upp helstu verslanir sem gætu átt græjur sem uppfylltu kröfur mínar.
Daman á kassanum benti mér á að tala við dömuna í afgreiðslunni, svo ég arkaði þangað.
Hún var sko alveg með hlutina á hreinu sú dama, Elko ætti bara ekki pening til að láta mig fá og ég skildi bara koma aftur á miðvikudaginn. (Laugardagur, sunnudagur, mánudagur þriðjudagur, miðvikudagur.)
Já, kreppan er sko farin að gera vart við sig hjá fyrirtækjum líka, það eru ekki bara heimilin sem þjást.
Eftir að hafa rætt betur við dömuna, bara til að vera viss um að hún væri ekki að grínast, 
þá komst ég að þeirri niðurstöðu að henni væri ekki haggað, fékk það reyndar á tilfinninguna að hún væri vön þessu.
Það vill svo skemmtilega til að ég hef yfirdráttarheimild, með ekki nema hva...  20 og eitthvað % vöxtum sem ég get nýtt í svona bráðatilvikum. 
Svo ég þaut í næstu verslun, verslaði þar græjur og skutlaðist með þær á áfangastað, á þessum tímapunkti var hjartslátturinn orðinn ansi hraður og þrýstingurinn örugglega aðeins yfir meðalmörkum.
Klukkan 16: 30 náði ég að byrja að tengja græjurnar, 5 metra snúran reyndist 1.5 metrar, brunaði aftur í Elko, klukkan orðin 17:30. Skilaði 1.5 m og náði mér í 5m, þúsundkrónur sagði daman á kassanum , taka það af skuldinni ykkar við mig sagði ég. 
 „Computer says No“ svipurinn í annað skiptið þennan dag, jæja, skítt með það, þúsundkall í viðbót með 20 og eitthvað % vöxtum gerir nú ekki útaf við mig, mátti bara alls ekki vera að þessu, greiddi og fór. 
Mission completet kl 17:59. Púlsinn á fullu, og þrýstingurinn kominn á overdrive.
Þó ég sé enn ekki komin með peninginn minn og vextirnir tikka ennþá á yfirdrættinum, þá langar mig til að nota tækifærið og þakka Elko fyrir viðskiptin, ekki nóg með það að ég hafi farið fleiri ferðir inn í Reykjavík en allan síðasta mánuðinn þá er ég ekki frá því að ég hafi grennst, misst svona 500 gr eða svo við það eitt að hlaupa í gegnum búðina hjá þeim trekk í trekk. Blóðþrýstingurinn er reyndar að komast niður aftur, en það styrkir víst hjartað að fá púlsinn svona upp og ég efast ekki um að þrýstingurinn kemur upp aftur, þegar bankinn tekur af mér vextina.
Það verður að segja að þessi eurovison dagur verður í minni mínu næstu árin, allt Elko að þakka. Einnig verð ég að dást að þessari brjálæðislega sniðugu hugmynd hjá Elko að selja fólki vörur sem ekki eru til og greiða svo til baka 5 dögum seinna. Ef þú vilt upplifa einstakan dag, fá púlsinn upp og jafnvel grennast,  þá er bara að skella sér í Elko. Góða skemmtun.
En svona rétt í lokin: Er með til sölu lifandi gíraffa beint frá Afríku, 30 daga verðvernd, 30 daga skilafrestur og allt það. Ef svo undarlega vildi til að hann væri ekki til á lager (í garðinum hjá mér) þá lofa ég að greiða kaupverðið til baka, svona bara um leið og ég hef efni á.
 

Okur #581 - 710 eru hér.

Veistu um rosalegt okur? Láttu vita!