2003
2003 28 days later -->8.1
af 10
Sannfærandi breskur
heimsendadrungi en vonarglæta í lokin. Skil samt ekki hvað
flóttaliðið fyrrtist við þegar hermennirnir vildu
fara að viðhalda sér með kvenfólkinu – maður
hefði nú haldið að viðstaddir ættu að
gera sér grein fyrir því að viðkoma dýrategundarinnar
gengi fyrir einhverjum tepruskap og kynköldu.
City of God --> 9.4
af 10
Mögnuð helvítis
mynd um krakkahelvíti með alvæpni í gettóinu
Borg guðs í Ríó Desjaneró. Möst sí.
Mystic River --> bíó
9.0
af 10
Rosalega fín spennu
og "fléttu"mynd. Öll myndin er hlaðin ógnvekjandi
spennu og er eiginlega bara Íslendingasögulegt stórvirki.
Clint Eastwood er snillingur!
Master and Commander:
The Far Side of the World --> bíó 6.8
af 10
Ég varð fyrir
vonbrigðum því ég átti von á frábærri
mynd. Bæði finnst mér Peter Weir og Russel Crowe kúl
og líka finnst mér gaman að svona 19. aldar siglingastuði.
Ég sofnaði reyndar þegar skipið fór fyrir Góðravonahöfða
og kannski missti ég af einhverju, en allavega fannst mér
plottið götótt og endirinn endemis ófullnægjandi.
The Man from Elysian Fields
-->
videó
4.0
af 10
Andy Garcia er staur. Þessi
mynd er leiðinleg.
Confidance -->
videó 5.5 af 10
Æi enn ein svona svikamillumynd
eitthvað svona, þar sem alltaf er einn leikur eftir í
fléttunni. Saursæmilegt.
Croupier --> videó
5.0
af 10
Frekar leiðinleg mynd
um gaur sem vinnur sem gjafari í ensku spilavíti. Fúlt.
Blue Latitudes: Boldly
Going Where Captain Cook Has Gone Before (e. Tony Horwitz) -->bók
8.5
af 10
Titill bókarinnar
segir allt sem segja þarf og kemst Tony vel frá sínu.
Rekur sögu Cooks og bætir við sínu upplifunum af
sömu stöðum, en allir hafa þeir auðvitað nútímavæðst
þó það glitti í gamla ævintýrablæinn.
Þykkur doðrantur sem tók mig u.þ.b. 3 mánuði
að lesa, en maður var rekinn áfram af fróðleiksfísn
en heftur af svefnþörf.
Love Liza --> videó
5.4
af 10
Snillingurinn Phillip Hoffman
í sæmilegri mynd. Konan hans hefur drepið sig og myndin
fer í væl Phillips yfir þessu og bensínsniff
og flugvélamódel flug. Myndin er eins og miklu verri About
Schmidt, Kathy Bates er m.a.s. líka í þessari mynd.
Alls ekki nógu gott.
Kill Bill --> bíó
7.5
af 10
Stíliseruð ofbeldisfantasía
og Tarantino-grín. Svaka stuð. Sérlega gaman að sjá
Lucy Liu fá makleg málagjöld.
Mótmælandi
Íslands --> bíó 8.0 af
10
Ég skil ekki alveg
hvað það er sem Helgi Hós vill fá út
úr baráttu sinni, og allsekki skil ég hvernig hann
nennir þessu – öllum öðrum hefur allavega nægt
að skrá sig úr þjóðkirkjunni og svo
farið að einbeyta sér að einhverju öðru. Hann
er þrjóskur karlinn og mikill meistari og þessi mynd
er fín. Sérlega gaman er að hinu sögulegu úttekt
en kannski minna stuð í að horfa á hann elda hafragraut
og hjálpa farlama eiginkonu sinni – en það hefði svo
sem verið sögufölsun að hafa það ekki með.
Hápunktur: Þegar myndavélin skimar eftir vegg Helga
og við sjáum úrklippu af Davi og Dóra með
fossandi blóstauma sem mynda orðið "Morðingjar". Mikið
gæfi ég fyrir þessa mynd á bol.
Dirty Deeds --> videó
6.4
af 10
Alþokkaleg áströlsk
mynd um bófa og mafíósa og eitthvað svoleiðis
drasl. Undirheimar Sydney 1969 og svona gúddí gúddí
andblær yfir þessu, smá grín í blóðbaðinu.
Brian Brown er fínn glæpon og John Goodman er svipaður
og alltaf. Ekkert möst sí en alltílagi B-stöff.
People I know -->
videó
3.2
af 10
Hundleiðinleg mynd.
Al Pacino er einhver ræfill sem verður vitni að morði
og maður heldur alltaf að hann geri eitthvað í því.
Hann drepst hins vegar í sófa eftir 80 mínútur
af hjakki og óþokkarnir fá ekki makleg málagjöld.
Ferleg leiðindi en jú jú, "öðruvísi"!
Scorched -->
videó
7.1
af 10
Ágæt mynd um
3 gjaldkera í banka í Nevada sem ræna bankann sittí
hvoru lagi. Woody Harrelson og John Cleese eru meðal leikenda sem er
ekki slæmt.
Auto Focus --> videó
6.6
af 10
Enn eitt biopictið sem
gerist í skemmtanabransanum in ðe 60s. Endasleppt mynd um tvo
menn sem eru graðir graðir graðir og riðlast á gellum
út í eitt á milli þess sem þeir rúnka
sér saman yfir videóupptökum af sjálfum sér
að ríða. Sikk!
Punch-drunk Love -->
dvd 7.5 af 10
Bullum sullu "listræn"
ástarmynd sem er frekar ófókuseruð, en svo sem
skemmtileg. Adam Sandler er enn einu sinni karl sem fær æði.
Hann verður skotinn í Emily Watson en er ofsóttur af
hyski sendu af klámlínubossanum Philip Seymour Hoffman (snillingur).
Þau fara til Hawaii og allt. Skemmilegasta atriðið er á
aukadisknum þar sem Philip Seymour Hoffman dettur ofan af dýnu
sem er ofan á bíl. Glæsilegt.
Narc --> videó
6.8
af 10
Grófkorna dópkrimmi.
Ágætt.
The italian Job -->
bíó
7.0
af 10
Ágætis afþreying
framan af en tekur allar klisjurnar í endann eins og vera ber. Mark
Wahlberg er þó einum of ókúl og líkur
Cliff Richards til að virka 100% í þessu hlutverki.
The Ring --> dvd
5.4
af 10
Einhver Japani fær
þá ágætu hugmynd að gera mynd um videóspólu
sem allir drepast af er sjá. Svo er spunnið einhverri þvælu
í kringum þetta og þetta er ameríska útgáfan.
Ég sofnaði reyndar í miðri mynd en spólaði
á endinn daginn eftir og hann meikaði engan sens.
Adaptation --> videó
9.5
af 10
Besta myndin á leigunum
í dag! Frumleg, fyndin og frábærlega leikin. Spike
og Charlie eru mennirnir. Hvað kemur eiginlega næst?
Paradise found --> videó
5.5
af 10
Þokkaleg mynd um Paul
Gauguin framan af (gaman að sjá frumskógamyndir frá
Tahiti og svona) en verður svo drulluslöpp í endann. Sagnfræðilega
kolvitlaus (hvar er Van Gogh?!) og dramatískt væmin. Keifer
Sutherland er heldur ekki sannfærandi sem Gauguin.
Pirates of the Carribeans
-->
bíó 8.0 af 10
Sullandi hress ævintýramynd
framan af. Johnny Depp í ælandi góðu formi og stuð
og skrens. Eftir sirka 110 mín fer dálítið að
halla undan fæti, maður kominn með þokkalega mikið
nóg af skylmingaruglinu, og endirinn er sérlega misheppnaður
og hreinlega stjúpid. Fínt engu að síður.
Crush --> videó
6.8
af 10
Þokkaleg kellingamynd
með Andie McDowell, sem ég þoldi ekki en umber núorðið,
enda orðinn svo víðsýnn.
Legally blonde 2 -->
bíó 1.0 af 10
Það hefur enginn
gaman af þessari mynd nema hann sé þroskaheftur. Allavega
fórum við Lufsan út í hléinu. Þegar
hundurinn varð hommi var samt sæmilega fyndið (1 stig).
Catch me if you can
--> dvd 7.5 af 10
Þetta er fín
afþreyjunarmynd. Mynnti mig á confessions of a dangerous mind
en er bara ekki alveg jafn kúl.
Darkness Falls -->
videó
5.5
af 10
Hálf slöpp b-mynd
sem gerist á eyjunni Mön. Byrjar ágætlega að
hlussast niður í drasl.
Terminator 3 -->
bíó 6.8 af 10
Fín fávitamynd
með springandi drasli og one-lænerum.
Hulk --> bíó
7.2
af 10
Hann er grænn og pabbans
er geðveikur. Ang Lee gerir þessari þvælu skil á
"listrænann hátt" (les: hægan) og stundum var maður
farinn að óska þess að þessu þvæluhandriti
hefði bara verið gerð skil á hefðbundinn hollívúdd-máta
(les: hratt). En þetta er svo sem fínt framan af og bjána
stuð í góðum gír. En endirinn er pjúra
"búið ykkur undir part 2". Eitt sem ég skil ekki: Afhverju
springa buxurnar ekki utan af honum þegar hann stækkar? Frábært
efni í þessum buxum og það mætti stórgræða
á svona buxum því allar fitubollur heimsins myndu fá
sér eintak.
Blood Money --> dvd
6.4
af 10
Clint Ístvúdd
í þokkalegum gír framan af, en endirinn er klisja klisja
klisja og slöpp klisja ef út í það er farið.
Rock Star --> dvd
4.5
af 10
Hálfbökuð
rokkmynd með þunnyldislegri framvindu. Slappleiki.
Anger Management -->
bíó
6.4
af 10
Enn ein fávitamyndin
með Adam Sandler. Þessi er þó mun betri en margt
annað nýlegt með honum og vel hægt að hlægja
út í annað eistað stöku sinnum.
Phone Booth -->
bíó 6.5 af 10
Gaur hangir í símaklefa
með annan gaur miðandi á sig riffli. Þokkalega spennandi
framan af en skítur á sig í endann með hallærislegum
og illa heppnuðum endi.
Waking up in Reno -->
videó 7.2 af 10
Bokkuð vel heppnuð
feel-good gamanmynd um tvenn hjón sem skreppa á trukkasýningu
í Reno. Leikararnir góðir, maður er vanur góðu
frá Billy Bob en Patrick Svæsí kemur á óvart
sem sannfærandi vitlausi gæinn.
En la puta vida -->
bíó
6.0
af 10
Mynd um gleðikonu frá
Úrúgvæ sem manselst til Barcelona. Hér er mun
léttari fílingur en í Lilju 4-ever og það
er hvergi gefið í skin að stelpan hafi eitthvað á
móti djobbinu, hún verður bara fúl þegar
hún fær ekki að fara aftur til Úrúgvæ.
Frekar hrá kvikmyndagerð, svona í sama klassa og íslenskar
myndir fyrir svona 15 árum enda kvikmyndagerð í Úrúgvæ
að slíta barnsskóm. Þokkalegt og bíóið
fullt af Kramhúskerlingum.
High Crimes -->
videó 5.0 af 10
Lögfræðikerling
leggur allt í sölurnar til að verja karlinn sinn sem er
sakaður um fjöldamorð. Ashley Judd er ömurlegur leikari
og þetta er mynd sem sæmilega bjart fólk er alltaf einu
skrefi framar í því handritið er svo mikil klisja.
Slappt.
One for the road e. Tony
Horwitz --> bók 7.0 af 10
Tony þessi var tæplega
30. þegar hann skrifaði þessa bók 1988. Hann fór
á puttanum um þvera og endilanga Ástralíu, upp
og niður og út og suður. Stíllinn er ágætur
en það gerist frekar fátt á leiðinni. Það
er bara assgoti mikið sullað í bjór og svo stiknað
úr hita þess á milli.
Kangaroo Jack -->
bíó 4.4 af 10
Tveir kjánar hlaupa
á eftir hoppandi kengúru í gullfallegri náttúru
Ástralíu. Þokkalegt 3-bíó, maður
brosti út í annað sirka 3svar, enda allur að vilja
gerður. Það bjargaði deginum að þroskaheftur
Kani sat á næsta bekk og hló og skemmti sér
mjög opinskátt.
The Unsaid -->
dvd 6.5 af 10
Sálfræðingur
í sorg tékkar á stórhættulegum unglingi.
Skítsæmó.
Battle Royal -->
videó 4.2 af 10
Japanskir krakkar hoppa
um á eyju og drepa hvorn annan í einskonar leik. Asnalegt
og leikarinn Beat er alltaf jafn slappur.
The Badge --> videó
6.8
af 10
Löggan Billy Bob Thornton
hoppar eitthvað um í þokkalegu stuði í Lúsíana.
Red Dragon --> videó
7.2
af 10
Ágætis spennuþrugl
um fjöldamorðingja með skarð í vör. Mikið
fer þó Anthony Hopkins í taugarnar á mér
ofleikandi og skítandi á sig eins og það ömurlega
rusl sem hann er. Afhverju er geðsjúkir fjöldamorðingjar
alltaf svona hrifnir af því að klippa út myndir
og líma í bækur eða upp á vegg?
Identity --> bíó
6.6
Draugagangur í rigningu
á vegahóteli, en nei bíddu... þetta var þá
bara allt í hausnum á einhverjum geðsjúklingi.
Ha? Æ svona mynd. Þokkalegt.
Klassfesten -->
videó
7.0
Snyrtilegur Svíi
fer á ríjúníon og þar er allt eins og
það var. Fyndið. En tilgerðarlegt á köflum.
Í heildina fínt þó.
A view from the top -->bíó
7.2 af 10
Þokkalegt flugfreyjugrín:
25% legally blonde, 25% Romy and Michele's High School Reunion, 50% týpísk
fíl-gúdd rómantísk gamanmynd. Alltaf gaman
af Mike Myers.
Interstate 60 -->
videó
1.5
af 10
Ömurlegt rusl með
gaurnum sem leikur Cyclop í Xmen í aðalhlutverki. Hann
er svo ömurlegur leikari að manni verkjar í augun að
sjá hann rembast þetta. Myndin er algjört drasl, eitthvað
svona diet David Lynch súrrealismi með "boðskap". Hraðspól.
Matrix: Reloaded -->
bíó 5.5 af 10
SF-kjaftæði. Ég
sofnaði yfir: dansatriðinu, Keunu að lemja margfaldaðan
Smith (alltof tölvuleikjalegt) og lokaatriðinu, en spennandi eltingarleiksatriði
strax eftir hlé var ágætt. Ekki gott.
Bad Boy Charlie -->
bíó 6.5 af 10
Charlie veifar drjólanum.
Ágætis heimild um strippandi kjána.
Das Experinmet -->
videó 6.9 af 10
Þýskt lið
er lokað inni sem fangar eða fangaverðir í tilraun til
að mæla streytu við þessar aðstæður.
Allt fer í handaskol og geðveiki. Þetta er alveg þolanlega
almennilegur "sálfræðiþryller" og vondi kallinn
er verulega sannfærandi en hetjan frekar pirrandi og ómótaður.
Salton Sea -->
dvd 0.5 af 10
Rusl. Val Kilmer með
andlega ræpu. Hraðspólaði eftir 30 mínútur.
The Rules of Attraction
-->
dvd
0.5
af 10
Rusl. Slökkti eftir
40 mínútur.
Confessions of a Dangerous
Mind --> bíó 8.5 af 10
Skemmtilegt og kúl
bíóbíó um þennan Chuck náunga
sem var annað hvort bæði CIAmorðingi og sjónvarpsgaur
eða lygari og sjónvarpsgaur. Sam Rockwell stendur sig vel og
Clúní kann þetta. Eðal afþreyja.
Human Nature --> dvd
8.0
af 10
Fín mynd um menn
og apa og apamenn og mannapa. Smellin og fyndin og lúkkar kúl
enda gaurinn sem gerði nokkur Bjarkarmyndbönd leikstjóri.
Handrit eftir karlinn sem gerði Being John Malkovitz svo þetta
er auðvitað sýrutripp á köflum. Gaman og stuð
og gredda og fjör.
Rabbit proof fence -->
bíó 7.8 af 10
Enn ein vísbending
um að hvítt fólk er viðbjóður. Árþúsundum
saman (sumir segja 20.000 ár, en í allavega 8000 ár)
höfðu Ástralíunegrar búið í sínu
harðgera landi og aðlagað sig aðstæðum á
umhverfisvænan og über tschjillaðan hátt. Þegar
hvíta ógeðið ruddist inn tók hann til við
að "frelsa" hinn óæðri kynstofn frá sjálfum
sér með hefðbundnum viðbjóði (sjá
einnig: Indjána, Afríku, Írak etc). Stelpur þrjár
eru teknar frá mæðrum sínum til að þræla
og "frelsast". Þær strjúka og flýja 3000 km.
heim til sín. Þetta ku sönn saga og í lokin sjást
gömlu konurnar sem voru 8 og 12 ára 1931 staulast um í
landinu sínu. Við þá sýn fór ég
grenja sem er alltaf kostur þegar farið er í bíó.
Annars er myndin frekar hefðbundin en sem hvítum ástralíunegra
fannst mér gaman að þessu.
Gamle Mænd i nye
biler --> bíó 6.5 af 10
Öfugt framhald af I
Kine spiser det hunde, sem var fersk. Þessi er ekki fersk, amk sé
miðað við gömlu myndina. Nokkrum nýjum týpum
hefur verið bætt við sem eru ekki sérlega skemmtilegar.
Seinheppni júgóslavinn Vuk er ennþá fyndnastur,
en grínið í kringum hann langt frá því
að vera ferskt. Maður fær það dálítið
á tilfið að þessi mynd hafi verið óþörf
og helst gerð til að græða á vinsældum fyrri
myndarinnar.
Johnny English -->
bíó
3.0
af 10
Aumingja Rowan Adkinson
hefur ekkert gert að viti síðan þessi ömurlega
Bean mynd kom út. Hér er hann einhver ha ha Bean 007 lendandi
í atburðarrás sem er fyrirsjáanlegri en þvagrásin
á mér. Mjög slappt og ferlega aulalegt. Algert 3 bíó
enda skemmtu krakkar sér þokkalega.
One hour photo -->
videó 5.4 af 10
Langdregin og fremur leiðinleg
mynd um Robin Williams sem er sorrí grey sem vinnur á framköllunarstofu
og tekur ástfóstri við leiðinlega fjölskyldu.
Hann færir sig upp á sjúkt skaptið þegar
hann kemst að því að fjölskyldufaðirinn er
að halda framhjá væmnu mömmunni. Æsast þá
leikar en hægt þó og enda á hefðbundnum nótum.
Geisp.
Bowling for Columbine
-->
bíó 8.8 af 10
Aumingja Kanarnir eiga bágt,
sturlaðir af ótta og paranoju, og hér sýnir Michael
Moore okkur ástæðu þess. Væri nú ekki
meira stuð hér í heimi á ef Kanafífl væru
líkari Kanadamönnum, vinum sínum? Jú það
held ég og Michael líka. Sterk mynd en því ver
og miður breytir hún líklega mest engu.
Habla Con Ella -->
videó 7.2 af 10
Karlar hanga yfir konum
í kóma og bera saman bækur sínar. Annar eðlar
sig með sinni og kemst þá í bobba. Ha? Tja...
Mies vailla menneisyyttä
-->
bíó
6.8
af 10
Hæggeng í sama
gamla Kaurismaki stílnum. Minnislaus maður rolast eitthvað
með fátæklingum og byrjar með Hjálpræðisherskerlingu.
Langar finnskar þagnir, brilljantín, rokk og roll, skondin
tilsvör og almennt fílgúdd. Þokkalegt.
Maður eins og ég
-->
videó
6.0
af 10
Mun slappari mynd en Ísl
draumurinn og eins og handritið hafi verið skrifað á
hraðferð. Skítþokkalegt engu að síður,
Þorsteinn og Þ.Bachmann góðir en meistari Gnarr
með asnalegan fýlusvip allan tímann og ekki sannfærandi.
Minnir á Ladda í alvarlega hlutverkinu hans. Leiðinlega
léleg myndgæði að auki, einum of grófkorna.
Splæsa í almennilega filmu og betra handrit næst, Douglas.
The Bourne Indentity -->
videó 7.0 af 10
Minnislaus maður á
flótta í leit að fortíð sinni. Allt fer vel
að lokum enda made in usa. Ágæt afþreying og ekki
yfirþyrmandi heiladauð. Sem er gott.
Lilya 4-ever -->
bíó 9.5 af 10
Stórkostlega andstyggileg
og vonlaus mynd um hvítt þrælahald. Lukas Moodyson á
að baki tvær góðar "feel good" myndir, en þessi
er "feel bad" eins og þær gerast napurlegastar. Maður kom
út úr bíó skömmustulegur og með ógeð
á karlmennsku sinni og öllum heiminum og myndin mun hanga í
huga manns lengi því þetta er verulega áhrifaríkt
stöff. Möst sí.
Nói Albínói
-->
bíó 7.5 af 10
Nói er sköllóttur
og hleypur um Bolungarfjörð í vitleysisgangi. Hann býr
hjá Ömmu sinni sem er róleg kelling og skrýtin.
Pabbi hans er lúser lúði og hefur gaman að Elvis.
Kall í bókabúð er furðulegur en veit sínu
viti. Dóttir hans er gullfalleg og vinnur á bensínstöðinni.
Nói er skotinn í henni. Nói er rekinn úr skólanum
og fer að vinna í kirkjugarðinum. Hann er að fríka
út á Bolungarfirði en þá taka æðri
máttarvöld í taumanna. Segi ekki meir því
ég vil ekki skemma. Ágæt mynd og fyndin á séríslenskan
hátt sem er líklega bara til í bíó og
svipar til mynda Kaurismaki-bræðra. Jamm jamm dæsti karlinn.
The Gangs of New York
--> bíó 5.3 af 10
Löng og leiðinleg
sögumynd með þjóðrembingslegum boðskap og
sykurhúðuðum leik. Ég treysti aldrei aftur þessum
Óskarsúthlutunum...
Hollywood Endings -->
dvd 6.0 af 10
Glænýjasta
mynd Vúddí Allen er ekki upp á marga fiska. Þreytt
grín fremur enda kallinn orðinn ellihrumur eins og sést
þegar hann tekur ofan gleraugun. Hann er þó alltaf með
einhverjum svaka gellum í þessum myndum sínum. Brosti
út
í annað sirka tvisvar en sofnaði í 20 mínútur.
About Schmidt -->
bíó 9.0 af 10
Sæt og skemmtileg
mynd um karlgarm í kreppu. Jack Nicholson er frábær
og allt er eitthvað svo eðlilegt og ekta. "Mannleg" mynd, en alls
ekki á þennan fávitalega hátt sem slíkar
myndir verða oft. Ég fékk risastóran köggul
í lok myndarinnar er Jack lét falla tár. Auuuuuu,
smútsí smútsí. Möst sí fyrir alla
sem eru fólk, en ekki fól.
The Sweetest thing -->
videó 0.9 af 10
Ömurleg mynd um leiðinlegar
gellur. Lufsunni fannst þetta ömurlegt líka svo ég
er ekki að tala út um karlmannlegt rassgatið á mér.
Eight legged freaks -->
videó 5.0 af 10
Bjánamynd um kóngulær.
Allt fer vel að lokum.
Brotherhood of the Wolf
-->
videó 6.8 af 10
Frönsku búningamynd
sem gerist í kringum 1780. Skepna gengur laus og drepur konur og
krakka. Grasafræðingur og indjáni ganga í málin.
Þokkalegt alveg en ég dottaði full mikið til að
fatta plottið, enda nokkuð heví.
Irreversible -->
bíó 7.9 af 10
Rómantísk
frönsk gamanmynd. Kona er ólétt. Hún, kærastinn
(við fáum að sjá typpið á honum, enda
er helsti munur á evrópskum myndum og bandarískum
að við sjáum typpi í evrópskum myndum) og
fyrrverandi kærasti fara í partí. Kærastinn verður
fullur og konan fer. Þegar hún nær í úlpuna
sína þarf hún að klofa yfir konu að totta karl.
Aldrei hef ég séð svona í partíum. Næst
liggur leiðin niður í undirgöng þar sem konunni
er nauðgað af samkynhneigðum hórumangara. Tekur sú
sena að sögn 9 mínútur og er myndin aðallega
fræg fyrir það atriði. Við sjáum typpið
á nauðgaranum eftir óþverrann og er það
í standi. Hann hefur ekki alveg lokið sér af, fær
nú samviskubit fyrir að svíkja samkynhneigðina og
lemur konugreyið í spað. Kærastinn og fyrrverandi
kærastinn verða auðvitað ekki glaðir þegar
þeir frétta af nauðguninni. Þeir hóta að
hefna og hefja nú leit að illvirkjanum með hjálp
einhverra gaura sem detta jafn snögglega út. Að lokum koma
þeir á mjög suddalegan hommaklúbb, Le Rectum,
sem 22 er eins og barnaheimili við hliðina á. Þar
telur kærastinn sig hafa fundið nauðgarann og ætlar
að kenna honum lexíu. Nauðgarinn nær þó
undirtökunum, handleggsbrýtur okkar mann og býr sig
undir að ríða honum í rassgat. Áður en
til þess kemur mætir þó fv-kærastinn með
slökkvitæki og lemur nauðgarann í hausinn. Hann lemur
hann svona 15 sinnum í viðbót (með miklum dolby steríó
dínk) og sjáum við greiðlega hvernig haus nauðgarans
verður að mauki við þessar aðfarir. Næst liggur
leiðin upp í íbúð fyrir ofan Le Rectum þar
sem tveir menn ræðast við. Annar er allsber og segist hafa
verið í fangelsi fyrir að sofa hjá dóttur
sinni en um hinn er minna vitað. Endir. Þess ber að geta
að myndin er sögð öfugt svo ég ætti eiginlega
að snúa öllum þessum texta við, en nenni því
ekki. Gríðarlega ógnvænleg eru subbuatriðin
en söguþráðurinn er í þynnra lagi svona
þegar búið er að snúa honum við. Einnig
er frekar lítil speki viðhöfð í myndinni nema
þetta hafi átt að kenna okkur að allir karlmenn eru
viðbjóður, eða öllu heldur að hommar séu
viðbjóður sem nauðga og á bara að buffa í
spað við öll tækifæri? Að við séum
öll bölvuð dýr þegar við þurfum á
því að halda? Jæja, maður "spyr sig allavega
spurninga" að lokinni myndinni og er það vel. Aðallega
er þessi mynd þó formtilraun og er myndavélinni
iðulega snúið í hringi og haldið á haus
til að byrja með en myndatakan verður þó eðlileg
fyrir rest. Sýningamaður Háskólabíós
er greinilega með á nótunum því hann lagði
listrænu hliðinni lið með því að hafa
myndina úr fókus fyrstu 50 mínúturnar eða
svo. Var það svo pirrandi að ef einhver frá Háskólabíó
er að lesa þetta heimta ég skriflega afsökunarbeiðni
og endurgreiðslu strax.
Orange Country -->
videó 7.6 af 10
Alveg hin fínasta
unglingamynd og mörgum sinnum gáfaðri en flestir slíkar;
þessi gerir m.a.s. grín af því hvað unglingar
eru mikil fífl, sérstaklega þá bandarískir.
Jack Black er í svaka stuði og maður hlær sirka 3sinnum
uppáhátt og brosir nokkrum sinnum svo þetta er tvímælalaus
góð afþreying, eins og sagt er. Ég heyrði hvergi
þetta lag með Quarashi sem á að vera í myndinni.
Það hefur hugsanlega verið einhvers staðar mjög
lágt á bakvið. Það er sniðugt hvernig lagið
þarna "Butterfly" er notað til að tákna almennan fávitaskap,
enda fávitalegt lag. Mæli með þessari.
The Crush --> videó
5.7
af 10
Alicia Silverstone (14 ára)
er ólm í einhvern örlí 90s-lúkkandi bjánagaur
(enda myndin frá 1993) og hættir ekki í geðveiki
fyrr en allt er farið fjandans til. Ein af þessum 90s "obessjón"
myndum og voða týpísk sem slík.
Sweet Thames (e. Matthew
Kneale) --> bók 8.4 af 10
Varð að tékka
á fyrri afrekum Kneale eftir að hafa heillast af "English Passangers"
(sem vann víst einhver Whitebread-verðlaun). Þessi er
einfaldari en fjallar aftur um tímarammann 1850. Aðalsöguhetjan
er verkfræðingur sem er mikið að spá í
hvernig megi koma kúknum úr Lundúnarbúum frá.
Inn í þetta blandast Kóleru-faraldur. Aðal sagan
er þó svaka spennusaga um unga eiginkonu verkfræðingsins.
Sú hefur ekki hleypt honum upp á sig ennþá,
sem er farið að taka á verkfræðinginn enda hafa
þau verið gift í marga mánuði. Eftir að
okkar maður gerist full ágengur hverfur eiginkonan sporlaust.
Hefst þá dularfull og örvæntingafull leit verkfræðingsins
að konunni sem dregur hann í gegnum undirdjúp Lundúna
þar sem skítugur lýðurinn ríkir. Spennó
og vel skrifað. Stíllinn minnir mig örlítið
á Guðberg, svona glettilegur.
Tanguy --> bíó
6.2
af 10
Frönsk mynd um foreldra
sem gera allt sem þeir geta til að losna við ofurvæmin
son sinn að heimann. Allþokkalegur farsi, leikur sonar með
miklum ágætum en foreldrarnir full ýktir.
My Big Fat Greek Wedding
-->
videó
3.0
af 10
Ég hélt að
þessi væri eitthvað almennileg en svo er nú ekki.
Grísk piparjúnka með gleraugu verður svaka skutla
þegar hún fær sér linsur og nær sér
í asnalegan karl í framhaldi af því. Gríska
fjölskyldan sem fylgir jónkunni er steríótýpísk
upp til hópa en samt voðalega lík ítölsku
fólki í bíómyndum. Allar kerlingarnar sídansandi
með hendur á iði og karlar síétandi og hótandi
að lemja alla. Svo giftast þau og þá er myndin búin.
Drasl, nema ég hafi bara verið svona einstaklega ekki innstilltur
inn á "mannlega" grínmynd fyrir heimskar kellingar.
La Repetition -->
bíó 5.5 af 10
Konan
var með "klúbb" svo ég hrökklaðist á
franska kvikmyndahátíð. Skítsæmilegt drama
um konur í ástríðuvandræðum. Ha? Leiðinlegar
týpur þessar kerlingar, svona frekar. Fremur slappt.
Áform
(e. Michael Houellebecq) -->
bók 6.2
af 10
Megnið
af þessari bók er eins og upp úr Tígulgosanum,
en nokkrar sæmilegar pælingar veltast innan um klámkjaftæðið.
Frekar neikvætt röfl um "fyrringu" heimsins sem er þöngulhausískt
og auðvelt í framleiðslu. Það er svo auðvelt
að vera svartsýnn. En hann hefur kannski ástæðu
til, enda franskur.
You
can count on me --> 7.0 af 10
Amerískt
Smábæjardrama um "alvöru fólk": Konu í
banka, flakkarabróðir hennar, ofurskipulagðan bankastjóra
og son bankakonunnar, yngsta Home Alone-bróðursins. Ekki það
stórkostlega meistaraverk sem sumir vilja meina, en svona marflatt
og ágætt. Skilur ekki mikið eftir sig.
Showtime
-->
videó 1.0 af 10
Löggurnar
Robert DeNiro (alvarlegi vinnuþjarkurinn) og Eddie Murphy (flippaða
löggan sem dreymir um að verða lögga í sjónvarpsþætti)
eru neyddar til að vinna saman í sjónvarpsþætti.
Heiladauð böddí-löggumynd sem maður hraðspólar
yfir til að finnast maður ekki alveg hafa kastað peningunum
út um gluggann.
Lord
of the Rings / Two Towers --> bíó
8.5 af 10
Meira
af því sama og í fyrri myndinni. Þeir þarna
föruneytismenn í þrem hópum hver á sínu
róli. Mikið um tölvugerðar bardagasenur þar sem
allt gerist svo hratt að maður sér ekki neitt. Bara eitthvað
lið að drepa hvert annað. Þetta er ægilega flókið
á nördalegan hátt en samt skilst mér að myndin
sé einföldun á bókunum. Eymingja þeir sem
nenna að sökkva sér niður í þetta. Leikarar
bera illa fram nöfn eins og "Freyja" og "Grímur" og ég
hugsaði með mér að ég hefði getað verið
á launum við að segja liðinu hvernig á að
bera þetta fram. En þetta er auðvitað voða mikið
listrænt afrek hjá P.Jackson og manni leiddist ekkert, samt
var fyrsta myndin skemmtilegri enda nýjabrum mikið. Hlakka þó
til lokaskammtsins og að taka allan pakkan í 9 tíma sessjóni.
Kvetch
-->
leikhús 7.3 af 10
Lið
á miklum bömmer og í ægilegri sálrænni
kreppu. Er alltaf að hugsa upphátt en á meðan eru
aðrir leikendur frosnir. Heil klukkutíma matarveisla er í
þessum dúr sem er kannski full langt. Leikarar eru með
sóðakjaft og Edda Heiðrún þuklar á sér
annað brjóstið framan í áhorfendur. Listrænn
sigur. Leikarar eru upp til hópa nokkuð góðir en
verkið sjálft er kannski ekki það æðislegasta
sem um getur.
English
Passangers (e. Matthew Kneale) -->
bók
9.6
af 10
Bókin
gerist um miðja 19. öld. Smyglarar frá Mön flytja
grasafræðing, prest og mannfræðing til Tasmaníu.
Presturinn hyggst sanna kenningu sem hann hefur lengi haft uppi um að
Eden hafi verið í öræfum Tasmaníu. Mannfræðingurinn
ætlar að sýna fram á það endanlega að
Bretar séu öðrum kynstofnum æðri með rannsóknum
á beinagrindum. Það skemmtilega og ferska við þessa
fínu bók er að söguhetjurnar eru fjölmargar
og þær segja allar sögu sína í fyrstu persónu,
sem er bókmenntatrix sem ég hef ekki séð áður
(spurning um að stela því). Allt liðið er semsé
að tala í hver sínum kaflanum og sagan spinnst áfram
út frá mörgum sjónarhornum. Helstu hetjurnar
eru presturinn (snargeðveikur og versnar með hverjum mánuðinum
út á sjó), mannfræðingurinn (snargeðveikur
í hroka sínum – presturinn og hann eru í sífelldum
erjum), skipperinn frá Mön (snargeðveikur töffari),
grasafræðingurinn (ekki svo geðveikur) og loks Peevey, sem
er innfæddur ástralíunegri á Tasmaníu,
en þar unnu hvítu mennirnir eitt sitt stærsta "afrek"
þegar þeir drápu eiginlega alla negrana á nokkrum
árum. Peevey er vitanlega snargeðveikur og í miklum hefndarhug.
Endirinn er frábær og þessi hátt í 500
bls doðrantur er hverjari mínútu virði. Ég
öfunda þig að eiga eftir að lesa þessa bók.
Lantana
-->
videó 8.0 af 10
Fullt
af fökkt öpp miðaldra liði í svona Altman/Magnolíu
fíling + smá thriller-element. Frá Ástralíu
og fínt.
Heist
-->
videó
7.3
af 10
Já
bara frekar fín mynd um ræningja með svikul plott og endalaus
plön-B í gangi. Leikstjórinn er David Mamet sem gerði
hina fínu "State & Maine". Týpurnar eru alltaf frekar
trúlegar hjá honum, svona eins og þetta sé alvöru
fólk.
Panik
-->
videó 6.2 af 10
Leigumorðingi
á bömmer. Eitthvað svona, já já, sæmilegt.
Alltof margar myndir eru til um leigumorðingja miðað við
hversu starfsstéttinn er fámenn (ef þá í
raun til?). Miðað við þetta allt ættu að vera
til einar 7000 myndir um pípara og 400 myndir um innrammara.