30.12.08
Alheimurinn er voða voða stór og skrýtinn. Hvar byrjaði hann, hvar endar hann, til hvers erum við, til hvers er þetta allt, er alveg hræðilegt að vera bara tilgangslaus maur í köldu tómarúmi og verður að vera Guð til að láta þetta meika sens, annars verður allt glatað og allir missa vitið? Bankahrunið er voða voða flókið. Hverjum er það um að kenna, ætlar enginn að taka ábyrgð, verður allt eins og áður, á ekki að leiða neinn burtu í járnum, hverjir eru vondu karlarnir, eru engir góðir karlar? Mér finnst voða voða gaman að hlusta á Elvis Costello í morgunsárið. Þá sérstaklega fyrstu 3 plöturnar. Ekkert flókið við það. Ekki flækja líf þitt að óþörfu, eins og segir á segulsneplinum frá Lýðheilsustofnun (heilræði númer 6). Góður segulsnepill.
---
Stundum er spurt um endurútgáfur af S.H.Draumi og Bless. Allt með þessum böndum er vita vonlaust að fá og ekki einu sinni til í dánlódi. Við Biggi erum alltaf á leiðinni að koma þessu á diska, en á meðan get ég bent á ilmandi eintak af Goði sem fæst á okurprís hér. Þetta framtak hefur snúist í hausnum á mér lengi. Sniðugast finnst mér að gera diskinn Goð+, tvöfaldan disk þar sem Goð er á einum og annað efni með S.H.Draumi á hinum, og bara passa upp á að það verði betra sánd á þessu en á Allt heila klabbið, sem var misheppnaður pakki, eftir á að hyggja. Lágt átpút og ein blaðsíðan í bæklingnum á vitlausum stað. Kannski það sé loksins komið að þessu árið 2009. Bless hins vegar gæti verið ágætur einfaldur diskur, Gums og Melting. Þetta hlýtur allt að koma á endanum. 
---
DBS. Ekki heldur Dettur Bráðum Sundur, Drusla Beyglað Skran og Dauðinn Bakvið Stýrið.

29.12.08
Skv. heimildum úr innsta hring var DBS norskt hjólafákamerki og stóð skammstöfunin fyrir Den Beste Sykkel, en ekki Dalli Bakvið Stýrið, Drusla Bundin Saman, Druslan bakvið skúrinn, Drusla Beyglaður Skrjóður, Djöfull Bölvarðu Svakalega, Djöfuls Bölvað Skran, Draugur Bakvið Sætið, Davíð BorgarStjóri og Davíð Brár Sæmundsson.
---
Hér sést hvað Sjálfsstæðismenn eru ávallt bestir til að sjá um fjármál þjóðar, framsýni þeirra og aðgát leikur enginn eftir. Svo má benda á gott starf þeirra í borgarstjórn síðustu árin, hjá öllum öðrum flokkum hefði glundroði vaðið uppi. Ég tel einsýnt að þjóðin skuldi þeim 4 ár í viðbót til að ráða hér öllu.
---
Ég hef legið í nafla alheimsins hjá tengdó á Hvammstanga og fitað mig. Gerði heiðarlega tilraun til að hlaupa af mér tvo makkintossmola, en lá annars og kláraði loksins Dimmar rósir Ólafs Gunnarssonar. Hún hélt vel. Horfði á The Night listener með Robin Williams, sem ég allra jafna þoli ekki, en var þarna sæmilegur. Fór í sund og sá Þóreyju Eddu stangarstökkvara á bekk. Stoppuðum í Staðarskála hinum nýju sem er sálarlaus skurðarstofa, enda ekki með 40 ára sögu og fitubrák á bakinu eins og hinn. Í bænum tókst mér að fá Útkallsbókinni skiptri í Máli og menningu. Fyrir valinu varð bók um Bítlana eftir Bob Spitz, gríðarlegur doðrantur. Hefði kannski átt að lesa dóma um hana á netinu fyrst, virðist engin snilld – "Honum tekst að gera Bítlana leiðinlega" segir einn. Skilin voru mér svo í hag að ég fékk líka Destination: Morgue eftir James Ellroy, safn skáld- og sannra smásagna. James er með aðdáunarverðan og harðan stíl og skrifar glæpasögur sem gerast þetta 1940-1960 oftast, í Hollywood. Nokkrar misgóðar myndir hafa verið gerðar eftir bókum hans, L.A.Confidential best. Í þessari bók sem ég fékk segir hann m.a. frá uppvaxtarárum sínum. Hann var unglingakríp – "I was a teenage leper, I was aquired taste that nobody aquired" – sem dópaði og braust inn í hús til að stela pillum og kvenmannsnærbuxum sem hann rúnkaði sér síðan yfir í kjallakompu. Úrvals jólaefni. Í sjónvarpinu var ágætt dúó. Mad men á Stöð 2 og Dexter á Skjá einum. 
---
Því miður er þessi fitutíð nú brotin upp af tveimur vinnudögum en svo hefst tveggja daga gleði plús einn vinnudagur og svo helgi. Þetta er helvíti ljúft. Mér sýnist þó hefí aðhald, grænmetisát og wörld clash spiktrimm í aðkallandi kortunum.

26.12.08
Í hinni ágætu Kjötborg kemur fram að í Vesturbænum þýddi skammstöfun danska reiðhjólafyrirtækisins DBS

Dauður Bakvið Stýrið (Vesturbær).

Í Kópavoginum var þýðingin hinsvegar

Drusla Bundin Saman (Kópavogur).

Á Ísafirði, skv. munnlegri geymd Lufsunnar, var DBS

Dýrasta (og) Besta Sort (Ísafjörður).

Eru lesendur með fleiri DBS þýðingar?
---
Það er annars mesta furða að Bónus sé ekki farið á hausinn ennþá. Allavega tókst þessum snillingum að fara með te og kaffi-fyrirtækið Whittard of Chelsea á hausinn, en það keypti Baugur árið 2005. Fyrirtækið var búið að starfa síðan 1886 þegar íslensku snillingarnir tóku við. Hvað gekk þeim til þegar þeir keyptu þetta fyrirtæki? Hvaða hugsun lá á bakvið? Hugsaði Jón Ásgeir: "Ég er sérlegur te og kaffi áhugamaður og ætla að efla þetta fyrirtæki og bjóða upp á besta og hagstæðasta úrvalið", eða var hann bara: Ööö, getum við keypt það út á krít? Ókei, gerum það svo allir sjái hvað ég er ógeðslega æðislegur. Mig vantar lífsfyllingu og ég fæ hana ekki nema eiga allt, múhahahahaha! Eða á fínu máli: Baugur fjárfestir í smásöluverslun og tískufyrirtækjum í Bretlandi og á Norðurlöndum en einnig er félagið með fjárfestingar í Bandaríkjunum. Leitað er eftir eignaraðild í fyrirtækjum sem hafa sterka stöðu á markaði en eiga jafnframt mikla möguleika á frekari vexti, jafnt innanlands sem og á alþjóðlegum markaði. (Bla bla bla, já, en til hvers strákar? "Frekari vöxtur"? Fara á hausinn, meinarðu?)
---
Þó ekkert annað komi út úr bankahruninu en að "Að gleypa allt-stefnan" sé liðin undir lok er ég sáttur. Þetta að eiga allt og stjórna öllu og kalla það "hagræðingu". Hagræðing fyrir hvern? Kúnnan? Nei. Hvaða vit er í að þrjár fjölskyldur á landinu eigi það? Er það hagræðing? Afhverju reynir þetta lið ekki að vera til góðs eins og karlarnir í Kjötborg, eiga eitthvað eitt eða tvennt og gera það með öllu hjarta? Hvað kom Jón Ásgeir oft í útibú Whittard of Chelsea og spjallaði við starfsfólkið? Hagræddu á mér rassgatinu.
---
Hvað varð um úthald og festu? Mokka kaffi. Sama fólkið, sömu innréttingarnar, sama stemmningin áratugum saman. Það er úthald og festa. Ekki bjánaskapur eins og að vera með 50 fyrirtæki í kringum rassgatið á sér sem heita Fs9923, Smind, Hreikir, Fs9934, Brabra group. o.s.frv. og millifæra loftbólur á milli og búa ekki til neitt og vera engum til gleði nema kannski sjálfum sér og fara svo með sig og þjóðina á hausinn vegna ruglsins og græðginnar. Þetta er eins og að Stefán hefði ekki verið í Lúdó í 50 ár og skemmt fólki heldur verið í 50 hljómsveitum sem hétu Stefán og Lúton, Stebbarnir, St99762, Stefán group international, Axon holding Stefán, og 45 önnur, og þessi bönd hefðu aldrei æft neitt og hvað þá spilað og annað slagið hefðu komið fréttir í Stefánsmiðlum: Stefán hættur að 75% leiti í Póló og er kominn 45% í Stefán Holding empire og 35% í St9911. Stefán (hljómsveitarmaður ÁRSINS samkvæmt Stefánsmiðlum) segir þetta efla hagræðingu og auka möguleika á frekari vexti. 
---
Kjötborg vs. Gleypurnar = Úthald, festa og hjarta vs. græðgi og vitleysa. Eða svo að við einföldum þessa umræðu niður á hafsbotn. 

Kjötborg er svona fiskur sem hreinsar aðra fiska:

Gleypurnar hanga hins vegar á botninum og gleypa allt sem þær ná í:

Að lokum gleyptu þær of stóran bita.
---
Harold Pinter leikskáld látinn já, 78 ára. Eitthvað reyndi maður að hafa gaman af honum. Átti t.d. myndina The Birthday Party á vhs, aðallega sem tribute til samnefndar hljómsveitar, sem líklega nefndi sig eftir leikritinu/myndinni. Þetta var agalega þunglynt eitthvað, en manni þótti þetta fínt.
---
Jólagjafir voru fáar og góðar. Auk föndurs frá börnum fékk ég 120x195 cm heimskort frá Lufsunni sem fer umsvifalaust upp á vegg í stúdírúmm þegar búið verður að plasta það, bókina Útkall eitthvað Heimaey frá tengdó, sem verður umsvifalaust skipt, vatterað vesti frá tengdó2, handryksugu frá mapa, Hugleiks-fjölprent frá Heiðu og leðurinnbundna kompu frá Láru mágkonu.
---
Hvernig er það – eru allir hættir að kolefnisjafna?
---
Topp 10: Bestu -myndir fréttirnar á visi.is í desember:

10. Britney bakkar - myndir
9. Úrvinda Kim Basinger - myndir
8. Pamela ferðast á nærbrókunum - myndir
7. Átakanlega lúin og þreytt - myndir
6. Skaðbrennd í sólbaði - myndir
5. Kærasta Hefners girðir niður um sig - myndir
4. Síminnkandi barmur Scarlett - myndir
3. Pamela dælir bensíni - myndir
2. Kynlífsfíkill fær annað tækifæri - myndir

og með miklum yfirbyrðum í fyrsta sæti:
1. Undirhaka Kim Wilde - myndir

24.12.08

Gleðileg jól! Stuð og ást á 2009!

Á aðfangadag er ekki amalegt að hlýða á Jona Lewie, sem er jú frægastur fyrir jólaslagarann Stop the Cavalry. Það var reyndar ekki hugsað sem jólalag. Kom út á plötunni Heart skips beat en útgáfunni, Stiff, þótti tilhlýðilegt að gefaða út sem sínglu fyrir jólin 1980 vegna línunnar "Wish I was home for christmas". Það plott virkaði og síðan hefur það verið jólaslagari góður:

Jona Lewie - Stop the Cavalry

Píanóleikarinn og söngvarinn Jona Lewie var baslrokkari með langa sögu þegar hann komst á samning við Stiff merkið. Stiff Records var enskt og þátttakandi í nýbylgjuuppbyggingunni og kannski betur þekkt á Íslandi en önnur sambærileg merki því Steinar var með umboðið og dældi plötum fyrirtækisins á markaðinn. Því má enn rekast á plötur Stiff í Kolaportinu í dag. Stiff sambönd Steina urðu einnig til þess að nóboddí eins og hljómsveitin Any Trouble kom til Íslands (og BA Robinson, sem var reyndar ekki á Stiff, en hefði getað verið það.) En aftur að Jona. Um hann má lesa enn frekar á wiki eða á myndauðugri heimasíðu hans. Hann er eldgamall í hettu spilamennskunnar en komst á lista árið 1972 sem meðlimur í Terry Dactyl And The Dinosaurs (söngur & harmóníka). Bítið í þessu er ekki ósvipað og í Terry Jacks-meistaraverkinu In the summertime, en eitthvað er á huldu hver stal frá hverjum:

Terry Dactyl And The Dinosaurs - Sea Side Shuffle

Árið 1978 kom út fyrsta Stiff platan, hin geysiveltitlaða On the other hand there is a fist, skrítið innísig popp þar sem gamlir grunnar eru að krossa við vætlandi nýbylgju tíðarandans. Þessa plötu fékk ég nýlega á eiturgulum vinýl. Á innra slífi eru myndir af þessari og fjórum öðrum plötum listamanna frá Stiff sem tóku þátt í "Be Stiff Route 78 tour". Þetta eru listamennirnir Lena Lovich, Rachel Sweet, Wreckless Eric og Mickey Jupp. Þann síðastnefnda keypti ég líka og hann er á bláum vinýl svo ég hallast að því að allar plöturnar fimm hafi verið litaplötur. Rökrétt er því að komplitera pakkann, enda hefur Steinar væntanlega tekið þetta inn á sínum tíma. Á On the other hand there is a fist eru ýmis ágætis lög, til dæmis þetta:

Jona Lewie - The baby, she's on the street

Fyrir utan jólahittarann á Jona annað hittlag, þetta hérna eðalfína sintapopp sem kom út 1980 þegar ég var 15 og nýbyrjaður að mæta í partí. Textinn talaði til mín enda hékk ég líka á eldhúsinu:

Jona Lewie - You'll Always Find Me In The Kitchen At Parties

Eftir jólavinsældir Stop the Cavalry var reynt með svipuðu lagi, hinu geysihressa og skemmtilega:

Jona Lewie - Big shot, momentarily

Kannski var Jona að syngja um sjálfan sig í laginu, að minnsta kosti varð ferill hans endasleppur, lítið gekk að koma fleiri lögum á lista og áhuginn dó. Hann varð hið sígilda eintak af onehittvoneri. Samkvæmt heimasíðu hefur hann ferðast og fjölgað sér (sem er það eina af viti!) en það er þó ennþá von á nýrri plötu. Maður er auðvitað á Jona-tánum. Að lokum í þessu jóla-jónadæmi er eitt það síðasta sem Jona lét frá sér áður en hann fór í hýði. Svaðallegt 12" remix af vonnabí örlí 80s hitti: 

Jona Lewie - Love Detonator (12 " Version)

23.12.08
Eftir þónokkur heilabrot hef ég komist að niðurstöðu um hina árlega spurningu: Hverjar eru bestu plötur ársins að mínu mati. Þetta er svona:

Bestu íslensku 2008

1. FM Belfast - How to Make Friends 
2. Lay Low - Farewell Good Night’s Sleep 
3. Motion Boys - Hang On
4. Dr. Spock - Falcon Christ
5. Morðingjarnir - Áfram Ísland!
6. Reykjavík! – The blood
7. Buff - Buff
8. Retro Stefson - Montana
9. Baggalútur - Nýjasta nýtt
10. Singapore Sling - Perversity, Desperation and Death

Bestu erlendu 2008

1. MGMT - Oracular Spectacular
2. Portishead - Third
3. TV on the Radio – Dear Science
4. Vampire Weekend - Vampire Weekend
5. Black Keys – Attack & release
6. Scars on Broadway – Scars on Broadway
7. Fleet Foxes – Fleet Foxes
8. Santogold – Santogold
9. Neon Neon - Stainless Syle
10. Of montreal - Skeletal Lamping

Fínt músikár. Íslenska deildin grasserar í gúmmilaði, en FM Belfast er best. Eina platan sem ég hefði gefið 5 stjörnur í dómi. Allt hitt er sallagott og ég gæti auðveldlega nefnt 10 íslenskar plötur í viðbót sem eru góðar. Erlenda deildin líka ágæt. Talandi um erlent músikár: Minni á þátt minn Erlendur annáll 2008 á Rás 2 kl. 14 næsta sunnudag, 28. des. Tveggja tíma erlent uppgjör.
---
Einhverra hluta hefur gamla diskólagið Hands up með Ottawan verið mér hugleikið síðasta sólarhringinn. Þetta er náttúrlega öldungis þroskaheft lag. Gömlu diskólögin sem maður fyrirleit í gamla daga eru nú sándtrakk nostalgíu gamals manns. Nei, ég segi það nú kannski ekki.
---
Ein besta hugmynd að bíómynd sem ég hef séð lengi er hugmynd Bómullarhnoðrans um sameiningu myndanna I am Sam og I am legend. Hvernig væri að sameina þessar tvær myndir í eina mynd, spyr Hnoðrinn. Þá erum við með svartan þroskaheftan mann sem er einn í heiminum að berjast við geimverur. Ég myndi poppþépp borga mig inn á þessa mynd. Eitt það skársta við Thunder Tropic myndina (sem ég hef enn ekki nennt að klára) eru vangaveltur um þroskahefta í bíómyndum. Kláraði hinsvegar Pineapple Express í nokkrum lotum, sem er sæmó hassgrín.
---
Af mér er annars að frétta að ég komst í háleynilega plötukassageymslu í Örfyrisey og gat látið greipar sópa fyrir slikk. Þetta eru kannski engar rosalegar plötur en svona stöff sem er ágætt að hafa í skápnum og maður kaupir ef mar sér á slikk.

Led Zeppelin - IV
Led Zeppelin - I
Led Zeppelin - III
Led Zeppelin - Houses of the holy
Spilverk þjóðanna & Megas - Á bleikum náttkjólum (mint cond)
Spilverkið - Ísland (slappt eintak)
Spilverkið - Sturla (mint cond)
Simon & Garfunkel - Wednesday morning, 3 am
Simon & Garfunkel - Sounds of silence
Þokkabók - Í veruleik / Fræfærur / Bætiflákar
Hawkwind - Doremi fasol latido
Jona Lewie - On the other hand there is a fist (góður titill, ókei plata)
Mickey Jupp - Juppanese
Remembering... Heinz (hommageðveiki úr sarpi Joe Meek)
Queen - A day at the races
Elvis Costello - Armed forces
John Sebastian - The Four of us
The Cars - The Cars
10 cc - Sheet music
The Cars - Shake it up
Wings - Band on the run
The Monochrome set - Strange boutique 

20.12.08
Það sást til Alla Rúts í Kolaportinu að leita að meistaraverki sínu frá 1973, Ep-plötunni góðkunni. Hann mun ekki hafa haft heppnina með sér. Það eru léleg jól ef ekki er boðið upp á Grýlupopp svo mér finnst gráupplagt að smella hér inn plötunni allri. Alli getur þá hlaðið henni niður, að minnsta kosti, fyrst Kolaportið klikkaði. Fyrir neðan kemur smá um Alla úr Eru ekki allir í stuði?

01 Alli Rúts - Lína langsokkur
02 Alli Rúts - Grýlugæla
03 Alli Rúts - Ég er jólasveinn
04 Alli Rúts - Grýlupopp

Hörð keppni um krakkana
Einhver almagnaðasta barna- og jólaplata íslandssögunnar er litla platan með Alla Rúts, sem kom út 1973 og hafði að geyma fjögur lög. Platan heitir "Kátir voru krakkar" og Fálkinn gaf út. Meðal laga eru "Grýlupopp", sem er tölvupopps-smellurinn "Popcorn" með Grýlutexta eftir Hrafn Pálsson, og íslensk útgáfa af "Línu Langsokk", sem Alli túlkaði með vafasömum stelpuskrækjum. Platan var tekin upp í sólarhringslangri törn í gamla útvarpshúsinu og meðal spilara voru Karl Möller og Stefán Jóhannsson -- "Við vorum allir að verða vitlausir!," segir Alli.
Lína langsokkur var aðalstjarnan í barnaheiminum veturinn 1972, enda stóðu yfir sýningar á ævintýrum stelpunnar í Sjónvarpinu. Þegar Svavar Gests heyrði útgáfu Alla af laginu um Línu runnu á hann tvær grímur því hann hafði látið Hönnu Valdísi syngja sama lag með öðrum texta á litla plötu sem var á leiðinni. Þar sem Svavar taldi sig hafa einkaleifi á laginu um Línu brá hann á það ráð að fá lögbann á útgáfu Alla með hjálp umboðsskrifstofunnar í Skandinavíu. Línulagið hans Alla var því tekið úr spilun í útvarpinu, en platan fékk þó að vera áfram í hillum búðanna. 

Hanna Valdís og Einar "áttavilti"
Hanna Valdís hafði vakið athygli með Sólskinskórnum og átti eftir að syngja inn á heila sóló LP-plötu og inn á litla plötu Sólskinskórsins árið eftir. Þar var smellurinn "Sól sól skín á mig", sem ódæl og smekklaus börn sungu svona:

Sól sól skín á mig
Hanna Valdís rekur við
lyktan er alveg að drepa mig
sól sól skín á mig

Eins og þetta óvægna barnagrín sýnir var ekkert grín að vera barnastjarna svo Hanna Valdís dró sig með snatri úr sviðsljósinu eftir plötuævintýrin 1973. Það sama gerði Einar S Ólafsson, sem gekk sinn veg (og þú gekkst þinn) á sama ári á vegum SG og var ekki kallaður annað en "Einar áttavilti" eftir það. Hann varð bitur bifvélavirki og fékk grænar í hvert skipti sem hann var minntur á smellinn, en sá loks ljósið og grínið í öllu saman þegar hann féllst á að syngja lagið aftur á öldurhúsi í lok aldarinnar.

Fyrirmyndin var Ómar
Alli Rúts (Albert Rútsson) átti langa sögu í skemmtanabransanum þegar platan hans kom út. Hann var sonur Rúts Hannessonar, frægs harmóníkuleikara, og hafði byrjað að troða upp á Siglufirði -- "Þegar ég var pínkulítill var mér troðið upp á svið og látinn syngja Gamli Nói og "Allir karlar eru svín, drekka bjór og brennivín", sagði Alli í viðtali 1965. 
Í Reykjavíkinni kom Alli fyrst fram á bingókvöldum í Austurbæjarbíói í byjun 7. áratugarins, en þar var Svavar Gests allt í öllu. Svavar stjórnaði bingóinu af myndarskap ásamt framtíðar-bankastjóranum Sóloni, en Alli og fleiri skemmtikraftar göntuðust á milli þess sem bingóvélin var keyrð í botn. Eftir bingóið tóku við árshátíðir, dansleikir og revíur og Alli slípaðist í faginu. Á hinum almennu dansleikjum gat allt gerst og Alli þurfti að vera við öllu búinn. "Fyrir skömmu kom það fyrir í samkomuhúsi norður á landi," sagði Alli 1965, "að maður ruddist upp á senuna til mín, var fullur og vildi segja brandara og slá í gegn hjá fólkinu. Hann var heldur lágvaxinn og ég spurði hvers vegna hann væri svona lítill. Hann sagðist vera fæddur svona, en ég svaraði þá: Jæja góði, ég hélt kannske að það væri svona lágt undir loft heima hjá þér. Þá hlógu allir og hann var feginn að hypja sig."
Alli tók Ómar Ragnarsson til fyrirmyndar. "Oft vorum við að skemmta á sömu stöðunum. Ef ég var á eftir honum einn daginn gat ég pikkað upp brandara frá honum og sagt daginn eftir ef ég var á undan honum þá." viðurkennir Alli. Hann kom stundum fram með píanóleikaranum Jósepi Blöndal og oft með eftirhermunni Karli Einarssyni. Stundum léku þeir Gög og Gokke, en um jólin voru þeir eftirsóttustu jólasveinar bæjarins -- metið sem þeir áttu voru 12 litlu jól og jólatrésskemmtanir á einum degi á milli kl. 14 og 18. Um Verslunarmannahelgar var líka oft brjálað að gera hjá Alla og þá leigði hann stundum einkaflugmann, Arngrím (síðar í Atlanta), til að fljúga sér á milli staða. 
Langt er síðan Alli hætti að troða upp -- "Það var komin svo mikil samkeppni í þetta, margir nýjir strákar búnir að bætast við." -- en hann hélt nafninu á lofti með Bílasölu Alla Rúts.
 

19.12.08
Í maðkétnu Íslandi þarf að taka til og skrúbba, eins og komið hefur fram. Nú er fílingurinn þannig að allt sé morkið í graut og alls staðar vondir ógeðslegir karlpungar og kerlingar að sölsa undir sig draslið á ný og láta aumingja flatskjásbolinn borga brúsann. Á manni skella paranojaðir fjöldapóstar, örugglega með einhverju sannleikskorni í. Einn er til dæmis svona, nokkuð krassandi samsæriskenning: 

Landsbankamaðurinn sem var hnepptur í varðhald fyrir 100 miljóna fjárdráttinn er farinn að mala á fullu.
Davíð Oddson hefur þessi sönnunargögn, þetta er ein af leynibombum hans en hann er með gögnin um þetta mál og
líka mál á fleiri þingmenn. Þess vegna mun hann fagna utanaðkomandi rannsókn.
Upplýsingar um braskið hans Lúðvíks sem á Fasteign ehf, Miðklett ehf og Eykt ehf - sem á nánast aðra hverja byggingu í Borgartúninu,
koma úr átt Davíðs, sem gerði slíkt hið sama við Þorgerði Katrínu á sínum tíma í tengslum við Kaupþing í nóvember sl.
Lúðvík er ekki sá eini sem fékk sk. "mútu lán" hjá L.Í, lán með helmings lægri vöxtum en gengur og gerist.
-Sif Friðleifs fékk líka 75 milljónir líka á vildarkjörum til að kaupa hlutabréf í Decode - sem er líka verið að afskrifa
- Þorgils Óttar fékk Keflavíkurflugvöll á 11 miljarða en ásett verð vallarins eru 50 miljarða á vildarkjörum frá L.Í en hann hefur aldrei þurft að borga krónu af því og það er verið að afskrifa það líka.
Ég hef fengið þessar upplýsingar staðfestar og sannaðar en málið er að um 80 - 90% þingmanna eru innblandaðir inn í viðskipti af þessu tagi á einn eða annan hátt.
Sigurjón Ólafsson er að vinna í þessum afskriftum á vegum Landsbankanum í Apóteksturninum í Austurstrætí og þá vinnu er hann að vinna augljóslega í felum með tætarana í fullum gangi.
Og svona í lokin er Björgvin G. með myntkörfulán upp á einhverja tugi milljóna, borgar á aðra miljón af því á mánuði og mér skilst að KPMG hafi verið að vinna að afskriftum fyrir hann þegar þeir voru stöðvaðir í fyrradag, eitthvað hefur þó Sigurður G. lögfræðingur Glitnis og mágur Björgvins fengið þegar afskrifað nú þegar.
Hef fengið það staðfest að uppýsingar af þessum toga hefur Davíð Oddson á nánast allan þingheim og er því sallarólegur.
þori þeir ekki að hrófla við honum og láti hann því frekar valta yfir sig á meðan þeir fá að láta tætarana ganga.

Hvað er þetta? Sannleikur eða geðsturluð móðursýki? Eru allri virkilega svona djúpt sokknir í fenið? Eru allir "með" og Dabbi með alla þræði í hendi? Fyrst verið er að afskrifa svona mikið er þá ekki ráð að afskrifa bara allar skuldir allra og úthluta hverjum og einum jeppa og flatskjá og tíu lömbum? Talandi um lömb þá fékk ég taðreykt sauðalæri frá 365 í gær. Undursamlega gott og lúngnamjúkt kjöt og nú leggur þefinn um allt hús. Þef viðbjóðslegrar spillingar Baugsmiðla, myndi einhver segja. Ekki ég samt. Tek hins vegar stórhreingerningunni fagnandi. Hver á að skúra? Innflutt vinnuafl?

18.12.08
Einar Árnason, kvikmyndatökumaður hjá Stöð 2, hefur tekið upp á þeirra snilld að gefa Klaufabárðana út á dvd. Þetta eru tékknesku brúðuþættirnir sem kalla upp æsandi 80s nostalgíu og nóg er að heyra stefið góða til að komast í fíling. Þættirnir skotvirka á krakka, Dagbjartur 5 ára, er alveg húkkt og smíðar nú rauðvínsverksmiðju í frístundum eins og karlarnir í einum þættinum. Yfirbygging á útgáfunni er í algjöru lágmarki og satt að segja bölvað vesen að nálgast eintak af þessu hágæða barnaefni sem þú getur meira að segja horft á líka en þarft ekki að taugaveiklast yfir eins og með lætin í Latabæ etc. Ég bauðst því til að opna Klaufabárðasíðu til að þeim sem langar í eintak geti nálgast snilldina. Klaufabárðasíðan er hér!!!
---
Áfram með lágmarks yfirbyggt kreppuplögg. Kreppuspilið er komið út! 

17.12.08
Lífsblómið sló auðvitað í gegn og nú er komið eðalgott remix af Lífsblóminu! Fyrir lengra komna í líkamsræktargríni er svo Jazzercise - Move your Boogie Body 1982 auðvitað hið heilaga gral.
---
Áhrif eiganda á fjölmiðla jadda jadda, vóv ó vói. Þorsteinn Guðmundsson dælir út dótinu og tekur á þessari brennandi spurningu í gær. Sjálfum mér finnst þetta augljóst. Það er til dæmis ekkert birt á þessari síðu sem stríðir gegn eiganda hennar, mín. Gunnar Hjálmarsson er fáviti sem stal mola úr bland í pokadeildinni í Hagkaupum í gær. Heyrðu góði, þú ert rekinn.
---
Ekki gleyma að skoða Frímann.

15.12.08
Var í massífri afslöppun í sumarbústað á Bjarteyjarsandi í Hvalfirði. Engar fréttir, ekkert Silfur Egils, ekkert leiðindapeningarugl, bara landið og stjörnubjartur næturhiminn, borðspilið Party og Co Extreme (gott spil!) og nóg að bíta og brenna. Krakkarnir á Stiga sleðanum (klassísk hönnun). Gekk bæði á fjall og í fjöru. Tveir hundar (kallaði þá einhverra hluta vegna Sigga og Grjóna) slógust í hópinn og eltu mig kílómetrum saman í hinni glæsilegu Bjarteyjarsandsfjöru. Fílaði mig eins og sveitamann um hríð, ekki lélegt það. Maður þarf að koma þarna um sumar, það er ljóst. Það er alveg galið að taka ekki svona aftöppun annað slagið. Íslensk sveit er undursamlegt ævintýr. Ísland er annað og meira en hálfbyggð Reykjavíkurdrullan. Alveg væri ég til í að hætta þessu hokri á mölinni og skipta í svona einfalt og afslappandi líf á landsbyggðinni. Vera í góðu chjilli með hundum á jörð. Það kemur kannski einn daginn.

11.12.08

Ef ég hefði reynt svona trix hefði ég nú samt valið einhverja aðra og meira útúrbuddukreistandi mynd. Ekki mynd þar sem hið meinta lík lítur ekki út eins og afturgengin geimvera frá iðrum vítis. Þeir gætu alveg eins hafa sett inn myndina af karlinum í The Hills have eyes. Ekki eins og maður rífi upp veskið við að sjá þennan furðulega mann, eða við lestur minningargreina almennt, svo sem. Ætli fangarnir hafi verið með einbeittan brotavilja þegar þeir frömdu þennan listgjörning, eða ætli þeir hafi verið skellihlæjandi? Skellihlæjandi vona ég. Eftir því sem ég best veit er þetta í annað sinn sem fólk fokkar í minningargreinum Moggans. Mér skilst að mamma Árna Matt tónlistargúrús hafi einhver tímann sent menningargrein um sjálfa sig og fengið birta. Gæti samt hafa verið einhver önnur, ég þori ekki að fullyrða það. Þetta þótti auðvitað gríðarlegt hneyksli. Hvaða viðkvæmni er þetta.
---
Ég hef ekki séð neinn útrásarvíking í nokkra daga. Maður er samt oft að rekast á þessa meistara í World Class. Pálmi er þarna oft eldsnemma á morgnanna og starir einbeittur fram fyrir sig á brettinu. Kannski að láta SF371 kaupa í SF372 og millifæra svo til baka í huganum. Hreiðar er stundum, héralegur á svip og brosmildur. Toppnáungi. Hinn auðþekkjandlegi og ofursmúðð Lalli Welding var á háannatíma að láta Arnar Grant berja sig áfram. Karlarnir í sturtu voru ægilega reiðir eitthvað, svo lætur þetta helvíti bara sjá sig hérna, frussuðu þeir æstir. Svona svona. Ætli þessir útrásargarmar lendi ekki í megaböggi upp á hvern dag? Ekki nema von að þeir hangi í ræktinni til að geta varið sig. Alla vega hlaupið í burtu þegar bolurinn með tapaða sparnaðinn reiðir upp hnefann.
---
Metnaðarfullur Bakþankinn fjallar um Forvarnir. Hefði verið hægt að koma í veg fyrir bankahrunið með forvörnum?
---
Ef þú vilt leggja á þig að hlusta á 10 glæný og löðrandi jólalög þá er jólalagakeppni Rúv hérna. Margt ekki amalegt, til að mynda Jakob Magg með nýtt instrúmental bassajólainnlegg, ýkt nett jólalag með Múgsefjun og Jólarakkarnir, sem er lag eftir Andra Leaves-ara sem Róbert ÉG syngur.
---

Kimakvöld á Nösu í kvöld og leibellinn með svaka 18 laga ókeypis plötu á netinu. Ágæta þjóð, við höfum gengið í gegnum ýmsa erfiðleika síðustu mánuði og íslenska efnahagsundrið hefur reynst mörgum Íslendingnum erfitt. Við hjá Kimi Records finnum fyrir þessum efnahagsörðuleikum að sjálfsögðu líka eins og önnur fyrirtæki í landinu. Við leggjum þó ekki árar í bát og höldum áfram að færa ykkur fyrirtaks tónlist á viðráðanlegum verði. Það er í þessum anda, sem og anda jólanna, að við höfum ákveðið að færa öllum sem vilja litla gjöf. Við höfum tekið saman safnskífu með okkar helstu smellum í bland við jólalög þeirra tónlistamanna sem vinna með okkur frá ýmsum tímum.
Safnskífuna “JÓLAGJÖF KIMI RECORDS 2008” er hægt að nálgast á vefverslun okkar, kimi.grapewire.net og þar verður hún fáanleg út desember. Það er okkar von að sem flestir njóti þeirra tóna sem við höfum fram að færa.
Bestu kveðjur
Fyrir hönd kima og tónlistarmanna sem starfa með kima
Baldvin Esra Einarsson

Lagalisti JKR2008:
1. Benni Hemm Hemm – Beethoven í Kaupmannahöfn
2. Pikknikk – Nóttin tekur við
3. Hjaltalín – Mamma kveikir kertaljós
4. Mark Noseby – Þrír og hálfur
5. Sin Fang Bous – Catch the Light
6. FM Belfast – Made a Promise
7. Létt á bárunni – Þegar jólin koma
8. Múgsefjun – Dag eftir dag
9. Retro Stefson – Life
10. Skakkamanage – Now or Never
11. Agent Fresco – Above These City Lights
12. Sudden Weather Change – Prey Mode
13. Morðingjarnir – Ég er kominn heim
14. Reykjavík! - Repticon
15. Borko – Continental Love
16. Klive – Tidy Granny
17. Hellvar – Nowhere
18. Rúnk – Bréfberinn

10.12.08
Hvorki landhreinsun né hugarfarsbylting hefur átt sér stað á Ísland eftir hrunið. Ætli það verði nokkuð og það sem við fáum verður í mesta lagi að Samfylkingin og VG hefja stjórnarsamstarf einhvern tímann á næsta ári. Nema VG verði svo mikið á móti ESB að einhver popp-útgáfa af sjöllum með Þorgerði Katrínu í broddi fylkingar byrji frekar með Samfylkingunni. Leiðinlegt, ég veit. Maður var í sjokki svona fyrstu vikurnar eftir "Guð blessi þjóðina" en svo er þetta eiginlega bara dottið niður í sama gamla. Er Nýja Ísland bara óskhyggja fárra? Vill kannski bara meirihlutinn fá að fara í friði í Kringluna? Það eina nýja sem við fáum er nýtt vísatímabil. Við fáum það sem við eigum skilið. Við kusum þetta lið til forystu.
---
Einhverjir landráðamenn hafa tekið sig til og vanhelgað Sigur Rós með "shreddi". Ég hefði sungið Jónsa ennþá skrækar ef ég hefði nennt þessu. 
---
Í dag, 10. des, er stór dagur fyrir poppara landsins. Tékkinn frá STEFi berst í hús. Ég er gríðarlega sáttur og fæ spikfeitt fyrir Ég og heilinn minn. Stef borgar alltaf einu ári síðar, þ.e. núna fær maður fyrir útvarpsspilun 2007. Kannski maður sleppi því að setja jólin á vísa. Sama hvað maður þykist hafa á móti peningum. Þegar þeir koma loksins er maður helvíti sáttur. Ha ha ha!

09.12.08
Frímann Gunnarsson kemur til hjálpar!

07.12.08
Voða gaman í Þingholtunum í gær. Við Dagbjartur römbuðum inn á flóamarkað í kjallaranum hjá Light nights frumherjanum Kristínu Magnús. Keypti slönguspil og gamalt flugvélamódel sem Db tók ástfóstri við. Kristín vildi endilega selja mér plakat með Í svörtum fötum. Fékk kaffi hjá 12 tónum. Sá almoldugan mann á horni Óðinsgötu og Skólavörðustígs. Annað hvort ógæfumaður sem svaf í blómabeði eða Skólavörðufíflið í flashbacki frá 1671. 
---
Það er naumast. Gamlar Snarl spólur farandi á 255 Pund á Ebay! Aumingja kaupandinn verður fúll þegar hann kemst að því að "Mykjan" og "Skalli" með Sykurmolunum eru bara læfútgáfur af einhverjum tveimur lögum sem voru á Life's too good. Nema náttúrlega að sá sem keypti hafi verið á höttunum eftir tónlist 16 eyrnahlífabúða. Ég þarf greinilega að fara að selja eitthvað drasl á ebay, ekki nema til að eiga dýrmætan gjaldeyri fyrir Magazine ferð.
---
Við vorum oft að leika okkur á ruslahaugum krakkarnir, haugunum sem nú er löngu búið að moka yfir út á Kársnesi. Eftir að ég fékk úldna síld yfir mig einn daginn átti ég erfitt með að éta síld í nokkur ár. Ég var búinn að ná mér þar til nýlega þegar að í fréttunum var farið að kreista sýkta síld í gríð og erg og sýna manni gröftinn vella út. Maður lætur sig nú kannski hafaða samt á hlaðborði. Reynir að hugsa ekki um sýkta gröftinn vellandi út. Svo er verið að segja að kannski 10% af síldinni sé sýktur. Verða sérstakir menn í að flokka þetta sundur? Verða fyrrum bankamenn settir í síldarkreistingar?
--- 
Jæja verslunareigendur. Gengi krónunnar styrkist, þið hljótið að stökkva til að lækka aftur það sem þið voruð búnir að hækka!? Ha, ekki? Legókubbakassinn sem Dagbjarti langar í kostar 18.999 kr, kostaði svona 7.999 fyrir síðustu jól. Það segir sig sjálft að hann fær eitthvað annað í ár. Í Englandi lækka samt verðin, eins og Daði greinir frá.

06.12.08

Rúnar Júlíusson 1945 - 2008

Allt sem hefur verið sagt um Rúnar og allt sem verður sagt um Rúnar er satt. Hann var mesti töffarinn, mesti eldhuginn þegar kom að rokki og róli og hann var ljúfasti náunginn í bransanum. Góðmennið sem sagði aldrei styggðaryrði um nokkurn mann. Hann var samt stríðinn. Þú getur heyrt hann stríða mér á tónleikum hérna fyrir neðan.
Ég er rosalega heppinn að hafa kynnst Rúnari. Fékk hann til að syngja tvö lög inn á plötu fyrir mig sem hann gerði frábærlega. Ég er stoltur af því að þessi lög eru meðal þeirra 72 sem nú prýða nýja ferilispakkann hans. 
Ég ætlaði fyrst að fá Hallbjörn til að syngja Hann mun aldrei gleym'enni. Á leiðinni heim frá Húsavík stoppuðum við á Skagaströnd. Heill sendibíll af listapönkurum og þeim finnska Keuhkot biðu á meðan ég fór og hitti Hallbjörn með demó af laginu á kassettu. Hann hlustaði þungbúinn og sagði svo: Ég syng nú bara það sem mér finnst skemmtilegt og þetta er ekki skemmtilegt. Sem betur fer sagði hann þetta. Um leið og Rúnar söng fyrstu setninguna í stúdíóinu, horfði ég á Þór Eldon og kinkaði kolli. Við vissum sem var að rétti söngvarinn væri fundinn. 
Ég hafði fyrst Jakob Magnússon í huga með að syngja Hr. Rokk og Fýlustrákinn. Okkur Bigga Baldurs fannst rödd Jakobs í t.d. Út á stoppistöð hæfa laginu fullkomlega. Jakob var ekki til í að syngja lagið og hefur síðar sagt það vera mestu mistök ferils síns. Hann væri þá líklega kallaður Hr. Rokk í dag. En auðvitað var Rúnar til og söng lagið meistaralega vel. Bar réttmætan titilinn Hr. Rokk upp frá því. Enginn annar getur borið þann titil.
Rúnar heimsótti mig í vinnuna á mánudaginn í síðustu viku. Færði mér nýja pakkann og ég tók smá viðtal sem kom í blaðinu daginn eftir. Mér fannst hann dálítið þreytulegur kannski, en hann bar sig vel að vanda. Ég horfði á eftir honum inn á Bylgju þar sem hann ætlaði að heimsækja Hemma Gunn, vin sinn. Mér datt ekki í hug að þetta væri í síðasta skipti sem ég sæi hann. Hafði meira að segja orðað það við hann að hann ætti endilega að syngja eitt lag fyrir mig á nýju plötunni. Hann tók auðvitað vel í það. Það var aldrei neitt mál að fá Rúnar með sér í eitthvað. Hann var svo bóngóður og til í allt, ef það tengdist músik.
Rúnar kom allavega tvisvar sinnum fram með Unun. Í Þjóðleikhúskjallaranum þegar við kynntum fyrri plötuna okkar. Það var fyrir hjartaþræðingu og hann fór alveg á kostum. Þar glitti í gamalt rosastuð á sviði sem Gunnar Þórðarson sagði mér í gær að hefði verið einstakt. Þú ert svo ungur Gunni, sagði Þórðarson, þú sást hann aldrei upp á sitt besta. Það hefur aldrei annar eins sjó-maður verið til á Íslandi, fullyrti Gunnar, hans gamli fóstbróðir (sjá nánar í Fbl í dag).
Á útgáfutónleikum Ununar fyrir aðra plötuna í Kaffileikhúsunu 1998 kom Rúnar aftur fram með okkur. Tók Hann mun... og hið frábæra Hljómalag Lífsgleði. Bandið klúðraði þessu náttúrlega aðeins (eins og heyrist) en Rúnar var í miklu stuði. Hann hreinlega elskaði að vera á sviði. Það er átakanlega viðeigandi að hann hafi verið á leiðinni upp á svið þegar kallið kom. 
Ég sendi fjölskyldu Rúnars samúðarkveðjur og íslensku þjóðinni allri. Tjaldið er fallið. Hr. Rokk hefur yfirgefið sviðið. Músikin og minningarnar lifa.
Rúnar Júlíusson og Unun í Kaffileikhúsinu 19.11.98
Hann mun aldrei gleym'enni er á Youtube. Leikstjóri var Toggi töff og við gerðum þetta nálægt Hveragerði og í Árbæjarsafninu. Söngkonan heitir Kristín og var i bandinu áður en Heiða kom. Árið er 1994. Hér er svo heimasíða Rúnars. 
---
Hávísindalegu vinsældavali á plötum ársins er lokið. Niðurstöðurnar liggja fyrir.

BESTU ÍSLENSKU PLÖTURNAR 2008 skv. lesendum 

1. Emiliana Torrini - Me and Armini  15% 395
2. Sigur Rós - Með suð í eyrum við spilum endalaust  13% 350
3. FM Belfast - How to Make Friends  9% 243
4. Lay Low - Farewell Good Night’s Sleep  7% 198
5. Baggalútur - Nýjasta nýtt  5% 144
6. Dr. Spock - Falcon Christ  5% 143
7. Sprengjuhöllin - Bestu kveðjur  5% 130
8. Retro Stefson - Montana  4% 113
9. Motion Boys - Hang On  4% 107
10. Singapore Sling - Perversity, Desperation and Death  3% 91

Tuttugu plötur voru í boði. Á þær dreifðust 2653 atkvæði. Sigur Emilíönu er sannfærandi en kemur mér reyndar nokkuð á óvart. Þetta er ekki það góð plata þótt hún sé fín. En auðvitað ræð ég engu á þessum lista. Þegar ég bjó til listann yfir þessi 20 plötur sem hægt var að velja úr gleymdi ég auðvitað einhverju. Bob Justman platan hefði til að mynda pottþétt átt að vera þarna. En jæja...

BESTU ÚTLENDU PLÖTURNAR 2008 skv. lesendum

1. Kings Of Leon - Only By The Night  12% 194
2. MGMT - Oracular Spectacular  10% 162
3. Nick Cave & The Bad Seeds - Dig, Lazarus, Dig!!!   9% 153
4. Portishead - Third  9% 149
5. Coldplay - Viva La Vida Or Death And All His Friends  7% 126
6. Vampire Weekend - Vampire Weekend   7% 122
7. TV on the Radio – Dear Science  7% 114
8. Fleet Foxes - Fleet Foxes   7% 113
9. AC/DC - Black Ice  5% 86
10. Bon Iver – For Emma, forever ago  5% 80

Nokkuð færri lögðu í að velja bestu útlendu plöturnar, 1684 atkvæði bárust. Sigur Kings of Leon er afdráttarlaus, en þetta er "poppuð" niðurstaða. Nick gamli Cave kemur líka sterkur inn og MGMT eru klárlega "nýliðar ársins". Auðvitað hefði mátt velja öðruvísi þessi 20 lög, platan með Santagold er til að mynda rosafín og hefði átt að vera þarna, til dæmis frekar en Metallica (sem lenti í 11 sæti). En jæja...
---
Sá loks The King of Kong í gærkvöldi. Stórfín mynd.

05.12.08
Get því miður ekkert skrifað í dag. Er of upptekinn við að hugsa um Davíð Oddsson (grín).

04.12.08
Ég er búinn að stytta bestuplötuársinskosninguna. Úrslit kynnt núna á laugardaginn. Nennekki að hafa þetta hérna fyrir ofan vikum saman.
---
Montauglýsingar íslensku útrásarfyrirtækjanna (les: íslensku yfirdráttarlánsfyrirtækjanna) eru til umræðu hjá Agli, hér. Markús segir: Ég verð að segja að ég er hálf partinn feginn að þetta sé allt meir eða minna farið á hausinn. Þá er maður allavegna laus við þessar tippalengingar auglysingar sem voru orðin árviss viðburður í kringum jól og áramót. Þá á ég við þessar rán dýru auglýsingar sem sýndu hvað þessir “snillingar” hefðu keypt í útlöndum á árinu á Vísa rað. Ég er feginn sömuleiðis. Hinsvegar má enn sjá froðusnakkið í Gísla Erni á heimasíðu Atorku. Mér fannst þessi auglýsing alveg lýsandi fyrir ruglið. Eitthvað blaður í jakkafötum í exótískum lókasjóns. Engu til sparað. En maður fattar samt ekkert hvað er eiginlega verið að auglýsa. Og er drullusama. Mér skilst að rosafín auglýsing fyrir Icesave hafi verið langt komin þegar allt hrundi. Örugglega gjósandi Strokkur, norðurljós og Bláa lónið. Gott ef ekki Gísli Örn líka. 
---
Maðurinn sem neitar að borga hefur örugglega hreyft við mörgum þar sem hann kom í Kastljósi í gær. Á maður kannski bara að láta þetta allt saman dingla til andskotans líka? hugsar maður og reiknar út í huganum hvað maður á lítið eftir af mánaðarlaununum þegar búið er borga af húsinu og bílnum. Þetta má nú ekki hækka neitt rosalega í viðbót til að maður sé tæknilega gjaldþrota eins og restin af skerinu.
---
Sá Vampire Weekend spila The Kids don't stand a change í 2ja vikna gömlum Conani í gær. Voða fínt. Fékk enn meira álit á bandinu. Fékk líka meira álit á Hilary Clinton eftir að ég las að hún hefði rætt kumpánlega við Sæma rokk þar sem hann stóð heiðursvörð. Það er víst bara hún og Kristján Eldjárn sem hafa verið nógu alþýðleg til að rabba við Sæma. Ég las þetta hjá Eiríki en svo finn ég ekki færsluna aftur til að vísa á. 
---
Bó og Stebbi Hilmars hafa búið til jólaplötur með því að syngja "jólalega" texta ofan á einhver lög sem eru til en kannski fáir þekkja. Þessi aðferð gefst vel. Mér dettur í hug önnur leið til að gera "ný" jólalög. Taka ógeðslega vinsæl lög og "jóla" ofan á þau. Who let the dogs out, woof woof woof woof yrði "Hver hleypti sveink'út - hó hó hó hó" og álíka viðbjóðslög eins og Macarena og No limits yrðu þarna náttúrlega líka. Nó limits gæti verið Jóla, jóla jóla, jóla jóla jólastemmning. Þá mætti grafa dýpra og taka Wild Thing sem "Sveinki – með jólaketti" og svo framvegis. Þetta yrði ógeðslegasta jólaplata í heimi en myndi eflaust seljast í platínu. Ekki ósvipað konsept og Stumpaplöturnar um árið, nema nú yrði það jóla. 

03.12.08
Plötur ársins, plötur ársins. Hér að ofan má sjá tvo afar vandaða kosningakassa þar sem þú getur kosið um plötur ársins íslenskar og erlendar. Íslensku plöturnar 20 voru valdar af mér, en eftir grafalvarlega íhugun hef ég komist að því að þetta eru 20 bestu íslensku plötur ársins. Erlendu plöturnar 20 eru valdar af lesendum í gestabók auk þess sem ég bætti nokkrum blokkbösterum við. Þetta er leynileg kosning og verða úrslit kynnt hér á síðunni 20. desember. Þú skalt velja fimm í hvorum kassa. Þú velur margar með því að ýta á ctrl takkann í pc eða apple takkann í apple.
---
Ég get ekki kvartað svo geðveikislega vegna skuldanna minna miðað við marga sem eru kannski með húsin sín á myntkörfu. Ég er "bara" með verðtryggt húsnæðislán og 15 millurnar eru "bara" orðnar 19 á 4 árum. En samt. Helvítis drullubíllinn er á 3ja ára myndkörfurekstrarleiguláni og ég losna ekki við bæði bílinn og lánið fyrr en eftir rúmlega ár. Þangað til verð ég að bíta í koddaverið og láta B&L og SP-fjármögnun komast upp með sína mánaðarlegu ofbeldisheimsókn. Ég skrifaði jú upp á í þeirri trú að efnahagslegur heimsendir væri ekki fyrirhugaður á halfpriceland. Mánaðarleg greiðsla var svona 50-55 á mán framan af og ég man að ég fékk alveg kast einn mánuðinn þegar greiðslan rauk upp í 65. Síðast var greiðslan 90 og sú næsta er 99! 99.000 er rosalegur peningur fyrir mánaðarleigu á einum skitnum Renault Scenic. Ég gæti keypt þrjú eðal Trek hjól í mánuði fyrir þann pening. Keypti einmitt slíkt á 35 kall í haust. Eðalhjól. Svo, djöfulsins geðveiki er þetta!
Maður bara tekur smá kast inn í sér, sker nokkra velvalda ráðamenn á háls í huganum og borgar. Ég meina, hvað er hægt að gera? Svokölluðum almenningi, sem samkvæmt ýmsum snillingum ber ekki síst ábyrgð á öllu fokkinu, var nær að þurfa bíl og húsnæði yfir hausinn á sér. Afhverju gastu ekki búið í tjaldi? Þá þyrftirðu ekki að væla núna.
Í svokölluðu góðæri var almenningur okur og vaxtaokurpíndur út í eitt – fóru loftbólupeningahaugar góðærisins kannski í það að bólstra almannaþjónustu og búa til tipp topp velferðarþjóðfélag? Nei, þeir fóru í hálfbyggðar steypubeinagrindur út um alla borg og einkaþotur og geðsýkisdrauma milla. Og nú, þegar millar skottast með leifarnar af sjóðunum til heitu landanna, er sko ekkert elsku mamma fyrir ræflana sem eftir sitja. Ha ha, ef þú hélst að þú værir okur og okurvaxta píndur fyrir? Bíddu sko fokkings bara. Nú verðurðu tekinn svo illilega í bakaríið að oddurinn kemur út hinum meginn. Því ofan á martraðarkenndar hækkanir lánanna þinna, verðurðu að sætta þig við launalækkun ef þú ert yfir höfuð með vinnu. Ha ha, frábært! 
Einu sinni var klikkaði rússneski stjórnmálamaðurinn Vladimir Zhirinovsky með þá hugmynd að gera Ísland að fanganýlendu fyrir rússneskan glæpalýð. Íslendingar voru sko alveg mótfallnir þeirri hugmynd, fannst hún móðgun. En nú hefur hugmyndin ræst, en ekki alveg eins og Zhirinovsky ímyndaði sér. Ísland er fanganýlenda og þú ert fanginn. En nú nenni ég ekki að blása út meira um þessi mánaðarmót.
---

Sin Fang Bous - Catch the light
Eitt af síðustu skipunum er platan Clangour með Sindra í Seabear, eða Sin Fang Bous eins og hann kýs að kalla sig. Þetta er skratti góð plata, góð lög og mikið lagt í útsetningar og hljóðpælingar. "Krútt"-legt Morr-brak er ekki yfirgengilega áberandi sem betur fer (þótt þetta sé gefið út af Morr). 

02.12.08

Megas & Senuþjófarnir - Ég sé pabba krassa á jólatréð
Megas, jólin, Senuþjófarnir, pabbi og jólatréð. Já vinur minn! Flúnkunýtt jólalag!!! Ekki missa svo af jóla-Megasi í Salnum, 18. des. Lifi bitlinginn.

01.12.08
Þjóðfundurá Arnarhóli kl. 15 í dag.
---
Skrölta til vallar síðustu plötur fyrir jól. Kíkjum á dýrðina.

Skakkamanage - Like you did
Önnur Skakka hossar sér og dillar í kjötvaxinni nýbylgju. Skakkapopp er staðurinn. Þar er líka Létt á bárunni og jólakreppujólalagið Þegar jólin koma. Úr Fbl: Upptökur á nýjustu plötu Skakka­manage, All Over the Face, reyndu svo mjög á taugar forsprakkans Svavars Péturs Eysteinssonar að hann þurfti að leggjast inn á heilsuhæli í miðjum upptökum.
„Þetta tók svo mikið á að ég þurfti að leggjast inn til að ná mér niður og til að endurforrita mig fyrir framtíðina," segir Svavar. „Þetta er frægt heilsuhæli í útjaðri höfuðborgarsvæðisins þar sem fólk á öllum aldri getur hvílt sig og komið út sem betri manneskjur. Það er meira en að segja það að klambra saman heilli plötu í einni lotu."
Platan var tekin upp „live" á frekar skömmum tíma og var keyrslan því mikil í hljóðverinu. Svo mikil að upptökustjórinn Orri Jónsson úr Slowblow hefur tekið þá ákvörðun að hljóðrita ekki fleiri hljómsveitir í framtíðinni, hvorki meira né minna.
All Over the Face hefur að geyma ljúfsárar ballöður í bland við hávaðarokk.
„Lögin eru háð okkar geðsveiflum og fara úr miklum rólegheitum í miklar öfgar," segir Svavar, sem fyrr á árinu barðist hvað harðast fyrir húsafriðun í miðborg Reykjavíkur. Krafðist hann þess meðal annars að barinn Sirkus yrði látinn vera, en án árangurs. Hann vill þó ekki meina að textarnir á plötunni feli í sér þennan boðskap. „Ég held að það sé frekar að pirringurinn í garð Reykjavíkurborgar, skipulagsyfirvalda og útþenslu kapítalismans hafi skilað sér í lögin frekar en textana."
Hann býr nú á Seyðisfirði ásamt eiginkonu sinni, Berglindi Häsler, sem er líka í Skakkamanage. „Það hefur gengið á ýmsu í þessu bandi. Maður er búinn að stökkbreytast algjörlega, fluttur út á land og búinn að hvíla sig á Reykjavík í bili. Ég tek henni fagnandi aftur þegar ég verð búinn að sættast við hana á ný."

Bob Justman - Most of all
Nýja Guns n' Roses platan er komin. Og Kristinn Gunnar Blöndal er loksins búinn að gefa út plötu! (Kemur í vikunni). Ofurchillað og einlægt en með jöxlum og hárum á bringunni. Úr fréttatilkynningu: Þá er komið að því. Fyrsta plata Bob Justman kemur út föstudaginn 5.
desember. Platan sem ber heitið "Happiness & Woe" inniheldur 12 lög, en þar
af hafa tvö lög, "Alone Tonight" og "Most of All" þegar heyrst á öldum
ljósvakans. Útgefandi plötunnar er Smekkleysa sm/ehf.
Happiness & Woe var að mestu tekin upp í Stúdíó Heita Pottinum af Gunnari
Erni Tynes, sem kenndur er við múm. Nokkuð er um gestahljóðfæraleikara á
plötunni, en fyrirferðamestir í þeim efnum eru meðlimir tríósins Flís sem
leika stóran part í trommu, bassa og píanóundirleik plötunnar. Aðrir
hljóðfæraleikarar eru m.a. strengjasveitin Amiina, Orri Páll Dýrason trymbill og
margir fleiri. Töluvert af óhefðbundnum hljóðfærum má heyra á plötunni, og
ber þar kannski hæst danska kaupskipafallbyssu og reykvískar kirkjuklukkur.
Bob Justman er eitt margra aukasjálfa tónlistarmannsins Kristinns Gunnars
Blöndal (áður í Ensími og Botnleðju). www.myspace.com/bobjustman

Valur Gunnarsson & Gímaldin - Kotka song
Valur og Gímaldin í pógskum drykkju og þjóðlagafíling, austantjalds. Mæspeisað. Úr Fbl: Til stendur að gefa út nýja plötu Vals Gunnarssonar og Gímaldsins Megasarsonar út í Pétursborg. Platan heitir Vodka Songs og má heita sérstætt að Íslendingar telji sig hafa eitthvað til vodkamenningar Rússlands að leggja.
„Þetta eru erfiðir tímar fyrir þjóðina en góðir fyrir Rússlandsáhugamenn. En þó að ég hafi dálæti á menningu Rússlands er ekki þar með sagt að ég dái rússneska stjórnarhætti," segir Valur Gunnarsson, tónlistarmaður með meiru.
Plata hans og Gímaldins Megasarsonar er loksins að koma út, formlegur útgáfudagur var í gær, eftir að hafa verið í dái um tveggja ára skeið. Platan heitir Vodka Songs og er vart hægt að ímynda sér betri tímasetningu fyrir útgáfu hennar en núna. Íslenskir tónlistarmenn horfa nú mjög til austurs í kjölfar þess að Davíð Oddsson lét þess getið að vænta mætti láns frá Rússlandi sem lagað gæti gjaldeyrisstöðu Íslands. Reyndar bólar ekki enn á láninu en hugmyndin ein og sér hefur orðið til að efla mjög Rússlandsáhugamenn í andanum. Skemmst er að minnast frétta af því að Geir Ólafsson hyggst gefa út nýja plötu sína í Moskvu í sérstakri rússneskri útgáfu.
„Sum lögin eru orðin svolítið „deituð" en önnur eiga einhvern veginn miklu betur við nú en þá. Lögin Russian Century og American Century fjalla annars vegar um hrun bandaríska heimsveldisins, sem virðist nær núna en áður, og hitt um hvernig nýir keisarar taka við Rússlandi eftir að byltingu lauk," segir Valur. En svo virðist að þegar þeir Gímaldin voru að leggja drög að plötunni hafi þeir séð eitt og annað fyrir. „Þetta er verkaskipting okkar á milli. Ég sem textana og syng – Gímaldin semur tónlist og leikur á hljóðfæri ásamt fleirum."
Til stendur að gefa plötuna út í Rússlandi en Gímaldin er einmitt staddur nú um stundir í Pétursborg. „Já, Gímaldin sér um þá hlið mála. Við ætlum að gefa Vodka Songs jafnframt út í Rússlandi. Í það minnsta í einhverjum búðum. Þarna er rússneskt forlag sem heitir, merkilegt nokk, Manchester, sem hefur verið að gefa út tónlist Fimmtu herdeildarinnar – hljómsveit Gímaldins."
Valur segist fagna öllum menningarsamskiptum við Rússland en þó með þeim fyrirvara að taka skýrt fram að hann sé enginn aðdáandi rússneskra stjórnmála. „En það eru kannski engir kostir í stöðunni þegar maður er blankur."

Geir Harðar - Týndi sauðurinn
Titillag annarrar plötu Geirs er lýsandi, stónsað rokk og texti um svall. Úr Fbl: Týndi sauðurinn er önnur sólóplata Geirs Harðar. Sú fyrsta, Landnám, vakti nokkra athygli þegar hún kom út fyrir fjórum árum. „Þessi er nú svolítið nútímalengri en hin. Hún er til dæmis í stereó en hin var í mónó og svo nota ég synta og trommulúppur á þessari," segir Geir. „Þetta er fyrsta platan sem Huldar Freyr Arnarson tekur upp og við erum búnir að vera heillengi að þessu, 2-3 ár. Bara svona á kvöldin eftir vinnu. Ég ætlaði að gefa plötuna út fyrir síðustu jól. Ég var þá að vinna í málningarvinnu og það var bara svo mikið að gera að ég sleppti því. Nú er minna að gera og lítið fram undan svo ég kýldi bara á ‘ða."
Tónlist Geirs er poppuð, rokkuð og blúsuð og minnir stundum á Stones. Textarnir eru allpersónulegir og biblíulegir á köflum. „Platan er um Guð og konur. Það er þráhyggja þarna," segir Geir. „Fyrir svona þremur árum leitaði ég til Guðs því ég taldi mig ekki geta tekið til í sjálfum mér án hjálpar. Textinn við „Syndarinn" fjallar til dæmis um það að byrja upp á nýtt. Að hreinsa til í fortíðinni og byrja á nýjum stað. Þessi texti passar dálítið vel við í dag." (Meira hjá Agli Harðar)

Ingi - You little fruitcake
Ingi birtist óvænt með ágætis poppplötu sem hann tók upp í Kaliforníu með Scott Mathews, sem er pleier í bransanum og getur jafnhent nokkrum funheitum nöfnum því til sönnunar. Ingi kynnir sig og plötuna á Nasa á föstudaginn 5. des. (Ingi á vefnum) Úr Fbl: Ingi Örn Gíslason notar listamannsnafnið Ingi í poppinu. Hann er kominn í góð mál með frumsamda tónlist sína; dvelur þessa dagana í San Francisco og tekur upp plötu með þekktum upptökumanni, Scott Mathews. Scott tók hann upp á arma sína eftir að hafa heyrt prufuefni með honum.
„Ég var í lagasmíðanámi í Hollandi og vinur minn hafði tekið upp lög með mér. Hann sendi upptökurnar til Scotts, svona aðallega til að fá hans álit á upptökugæðunum. En Scott varð hrifinn af lögunum. Eitt leiddi af öðru og nú er ég bara hér í San Francisco og upptökur ganga vel!" segir Ingi, nývaknaður á hóteli. Hann vinnur að fyrstu sólóplötu sinni í hljóðveri Scotts, Tiki Town.
Scott Mathews á farsælan feril að baki og hefur unnið náið með alls konar snillingum eins og David Bowie, Johnny Cash, Roy Orbison, Ringo Starr, Brian Wilson og Neil Young. „Hann er nú voða lítið að segja manni bransasögur," segir Ingi. „Hann vill frekar vinna og taka upp."
Ingi segir Scott hafa ýmsar frumlegar hugmyndir. „Hann stakk upp á því að tækjum hluta af einu lagi upp í einangrunar­­klefanum í Alcatraz-fangelsinu. Það lag fjallar um martraðir. Við tókum bara bátinn út í eyjuna og tókum allan túristapakkann í leiðinni. Þarna voru Al Capone og fleiri snillingar geymdir á sínum tíma." Ingi segist ekkert hafa spilað á Íslandi en félagi hans í tónlistinni, Birkir Rafn Gíslason, var Í Single Drop á sínum tíma. Birkir er með Inga úti og tekur þátt í plötugerðinni.

30.11.08

Það hefur lengi verið draumur okkar feðganna (ókei minn!) að fá að keyra í gömlu amerískum kagga. Oft hefur maður staðið slefandi yfir krómuðum draumabílum á sýningum og ekki einu sinni mátt snerta dýrðina. Því hljóp heldur betur á snærið þegar ég gat kjaftað mig inn á að fara rúntinn með Ólafi Gunnarssyni rithöfundi og meistara í gær. Hann á þrjá eðalvagna í skúr og við fengum að líða um bæinn á Pontiac Bonneville 1959 árgerð, sem var einmitt fyrirmyndin að orginal Batman bílnum. Allir frammí í bólstruðum sessum (ekkert volvoöryggisvæl) og svo liðum við um göturnar umkringdir 2.7 tonni af stáli og lokasönnun á fullkomleika mannsins yfir öðrum dýrategundum. Á Bæjarins bestu þorði enginn að dást að bílnum nema Sævar Síselskí og vinur hans, enda einu mennirnir í stuði. Ferðin gerði lítið nema efla mig í því markmiði að koma mér upp Ford Mustang fyrir fimmtugt.

Komnir aftur í skúrinn. Ólafur loftar út á 350 hestafla vélinni. Hann segir mér að heimildarmyndin sem þeir félagar tóku af Route 66 ferðinni um árið komi líklega í sjónvarpi um páskana næstu. Þú ættir svo absalútt að kynna þér Dimmar rósir, rokkskáldssögu Ólafs frá hippaárunum. Ég er í henni miðri og þetta er dúndurgott stöff. 
---
Feitibjörn stakk upp nafninu "Spilaborgin" á Tónlistar- og ráðstefnuhúsið á hafnarbakkanum. Það er mjög gott nafn sem mætti alveg festast. Annar stakk svo upp á nafninu Uppasalir og sendi það meira að segja í samkeppnina.

29.11.08
Ef ég væri úrillur moggabloggari sem bloggaði á fréttir á vísi gæti ég bloggað þessi skýru og skörpu úrillisblogg við þessar fréttir:
http://visir.is/article/20081129/FRETTIR01/252371279/-1 - Hvað er þessi belgsíði asni að þenja sig. Er ekki nóg að fara á hausinn einu sinni? 
http://visir.is/article/20081129/LIFID01/410055022/-1 - Drím on! Hvílík veruleikafyrring! Hvílíkir úrkynjuðu fáráðar og fífl! Fífl!!! segi ég.
---
Einu sinni gekk Björgólfur gamli um eins og kóngurinn í Kína og átti annan hvorn skúr í miðbænum. Svaka uppbygging eitthvað og gilli gilli hlæ hlæ. Sögur gengu um að dópistar væru settir í hreysi til að svæla burt fólk svo hægt væri að rífa og byggja shopping centers í staðinn. Mönnum fannst það eðlilegasta mál í heimi að einn karlfauskur ætti og ræki ekki bara uppbyggingu miðbæjarins heldur hálft menningarlífið líka. Svo rann hann á rassgatið með allt þegar góðæriskýlið sprakk framan í hann og hina sauðina. Nú er allt í steik og fokki. Rvk er meira og minna hálfbyggt drasl og rusl. Hefurðu komið í Úlfarsfellshverfið? Göturnar þar minna á Go kart brautir, allt hálfkarað. Hvað með þessa kofa sem brunnu á horninu á Læk/Aðalst? Muniði þegar Vilhjálmur var grenjandi þarna og vildi tafarlausa uppbyggingu? Þós ver ðe deis mæ frend. Hvað með þessa kofa á Laugarvegi 4-6 sem Ólafur EFF keypti á spottprís til að vernda einhverja götumynd frá 13. öld eða hvað það var? Gott að eiga þann pening núna til að reka leikskóla, ha? Höfðatorg er svo enn einn bömmerinn. Og hvað með tónlistarhúsið? Ég kíkti á "visitors center" á Lækjartorgi skömmu fyrir hrun og komst að því að gler-ruslið hans Ólafs góðærisgrís Elíssonar utan um þetta kostar ekki nema 2000 milljónir og þarf her Kínverja til að smíða. Eru þeir enn að? Verður höllin kannski bara klædd með korki í staðinn? "Við viljum ekki skilja þetta hálfbyggða hús þarna eftir, sem minnisvarða um eitthvað sem ekki varð," segir Júlíus Vífill sem fær leifarnar í fangið eftir að Portusið hans Björgólfs var afhausað. Það sem mér þykir verst er að nafnið á byggingunni var aldrei komið fram. Svaka samkeppni var hrynt í framkvæmd og grilljón tillögur bárust. Aldrei var samt greint frá niðurstöðum. Því heitir þetta bara ennþá hinu ömurlega óþjála nafni "Tónlistar- og ráðstefnuhúsið á hafnarbakkanum". Kannski ætti bara að kalla þetta "Loftbóluna", "Skýjaborgina" eða "Bömmerstaðir Björgólfs". Ástand Reykjavíkur er vitnisburður um heimsku góðærisins. Heimskan er alltaf sú sama. Það sama rennur alltaf upp fyrir athafnamönnum: Á Íslandi búa bara 300.000 manns, andskotinn hafiða! 
---

Hvíta albúm Bítlanna er fertugt um þessar mundir. Besta albúm Bítlanna segja margir. Ég er ekki frá því. Við skulum heyra tvennu í tilefni dagsins, og í tilefni tilefnisins, og í tilefni ástandsins. Allir hafa eitthvað að fela nema ég og apinn minn. Fyrst með Bítlum af Hvíta svo með New Jersey sveitinni The Feelies sem setti geðveikt frábæra útgáfu af laginu á hina geðveikt frábæru plötu sína Crazy Rhythms sem kom út 1980. Þetta hérna er svo rosa fín síða fyrir Bítlagrúskara, Beatles Anecdotes.
The Beatles - Everybody's Got Something To Hide (Except Me And My Monkey)
Feelies - Everybody's Got Something To Hide (Except Me And My Monkey)

(Þessi mp3-færsla er tileinkuð þeim sem settu þjóðina á hausinn:)
Come on come on
Come on come on
Come on is such a joy
Come on is such a joy
Come on let's take it easy
Come on let's take it easy
Take it easy take it easy
Everybody's got something to hide except for me and my monkey

(Ooh) The deeper you go the higher you fly
The higher you fly the deeper you go
So come on (Come on) come on
Come on is such a joy
Come on is such a joy
Come on let's make it easy
Come on let's make it easy (Oh)
Take it easy (Yeh yeh yeh) take it easy (Hoo)
Everybody's got something to hide except for me and my monkey

Oh!

Your inside is out and your outside is in
Your outside is in and your inside is out
So come on (Ho) come on (Ho)
Come on is such a joy
Come on is such a joy
Come on let's make it easy
Come on let's make it easy
Make it easy (Hoo) make it easy (Hoo)
Everybody's got something to hide except for me and my monkey

Hey!

Come on, come on, come on, come on, come on
Come on, come on, come on...

Come on, come on, come on, come on, come on
Come on, come on, come on... 

28.11.08

Svívirðilegar ásakanir hjá Mogganum í gær. Ég að gefast upp? Oj piss! Þeir hafa legið í leynum þar til ég tók sekúndu pásu og smellt af þá. Enn sekkur Mogginn dýpra í svað sögufölsunar. Ég er viss um að Agnes hefur skrifað þetta af því ég vinn hjá Baugsmiðli. Agnes er með mig á heilanum. Giggið var annars gríðarlega gott. Frábært ef fleiri bönd færu nú að spila í spinning. Þá sæi maður loksins eitthvað af þessu læf.
---
Ég er alveg með kúkinn í buxunum út af fleytingu krónunnar. Er nebblega á leið til London í febrúar og er tvístígandi yfir þessu. Gæti keypt pund núna á sirka 220 kall stykkið sem er vitanlega sturlun. Svo veit maður ekkert. Kannski verður eitt pund á 1000 kall í febrúar, eða 500, eða komið oní 150 kall fyrir guðdómlegt kraftaverk og ég sæti uppi með rándýr pund sem ég keypti núna. Ég er alveg bit yfir þessu. Þetta leysist náttúrlega bara þannig að ég á hvort sem er engan pening til að kaupa pund núna og þarf að fara ferðina á Vísa þegar þar að kemur (eins og vanalega). Ég held þetta verði kannski fyrsta utanlandsferðin sem maður tekur nesti með sér. Harðfisk, smjör og hangiket í loftþéttum boxum. Hei, það er nú bara gaman!
---
Nokkur Viddjó: Þarft þú ekki að anda inn smá gleði? /  Mimi frænka ræðir um John Lennon í fyrsta skipti. / og húrra! Þorsteinn Guðmundsson videóbloggar. / David Koresh og Waco ruglið í heimildarmyndinni WACO: The Rules of Engagement. 
---

Óskalög sjúklinga - Óvinurinn er þjóðin (byltingu!)
Barst í pósti byltingarpönk. Talið er líklegt að krakkarnir með svörtu fánana taki Hörð Torfa úr sambandi í smástund á morgun og blasti þessu yfir Austurvöll. Sé stemmning fyrir meira kreppupopp þá vísa ég á Donnu Mess og lag hennar Ekki kyngja hráka yfirvalda (via Tímaritið Nei)

27.11.08

Afþví einhverjum geðsjúklingi datt í hug að senda út beint frá alþingi allan daginn sem valtrauststillagan var borin upp sá ég æstan Guðlaug Þór væla eitthvað um að ástandið á Íslandi væri nú ekkert einsdæmi. Hann hefði verið að lesa í BBC að fullt af öðrum löndum væru líka í skítamálum. Já já, Gulli minn, en Ísland er í dýpsta skítnum og það er þér og Sjálfsstæðisflokknum að kenna. Mannætukerfið sem þú aðhyllist og félagar þínar hefur komið okkur á þennan stað. Þetta að hleypa handvöldum siðleysingjum í sjóði almnennings. Þess vegna á Sjálfsstæðisflokkurinn ekki að koma nálægt stjórn landsins í langan tíma. Hann er gjaldþrota andlega. Hausinn á honum brást. Gulli getur séð staðreyndirnar á ilmandi litmynd sem OECD sendi frá sér. Því blárra sem landið er því dýpri er skíturinn. Gulli minn, hvaða land er bláast á þessari mynd? Ha, eru svaka mörg lönd jafn blá og við. Er það já? Nei væni minn, Ísland er bláasta land í heimi. Eða ættum við að segja blásta land í heimi til að vera kjút. 
---
Í bakþanka læt ég mig dreyma um Ofurhetjuna Kreppumann.
--- 
Egill skrifar um baktjaldamenn Framsóknar, m.a. "Ég missti reyndar af viðtalinu en skilst að hann hafi ekki viljað nefna nöfn. Af hverju? Þetta er orðin eins og einhver sjúkleiki hérna, að tala í hálfkveðnum vísum." Kommentaherinn, sem maður er reyndar löngu hættur að nenna að skræla sig í gegnum (það væri fúlltæm djobb), tekur við sér og tekur undir með Agli. Þeir sem skrifa um þetta að nefna ekki nöfn eru meðal annars þeir Doddi, feldur, SJ, Balzac, Þórður, Siggi, EBN, GK, snd, HH, Snoddi, Humm?????, joð, GU, Laxveiði í boði..., annag og Nafnlaus. Ef krafan er "að byggja upp nauðsynlegt traust sem þarf til þess að hægt sé að byggja upp þjóðfélag" eins og SJ segir í halanum væri þá ekki ágætis byrjun að fólk setti fullt nafn við kommentin sín á bloggum út í bæ? Ekki að það sé eitthvað stórmál, en samt... þetta að taka til í eigin garði og það allt.
---
Morfís er víst ekkert svo ömurlegt. Ég fékk bréf þar að lútandi: Það er mikill misskilningur í samfélaginu um hvernig MORFÍS stíllinn er, og heyrir maður hann oft notaðan sem dæmi um útúrsnúninga og flóttalegan málflutning. Í MORFÍS er hins vegar mjög erfitt að vinna keppni ef maður er óljós og varnarstíll eins og föstudagsblaðamannafundir seinustu vikna er hreinlega ávísun á tap. 
Vaðallinn sem Ingibjörg Sólrún og Geir Hilmar hafa tileinkað sér er mun eldra fyrirbæri en MORFÍS sem var stofnuð 1985 og á rætur sínar að rekja til hins háa Alþingis og floksshollra þérandi útvarpsmanna RÚV í gamla daga. Kurteist mas um ekki neitt. 
Þeir þingmenn sem þó hafa keppt í MORFÍS s.s. Illugi Gunnarsson, Sigurður Kári Kristjánsson og Helgi Hjörvar nota sjálfir aldrei MORFÍS stílinn, en hann fyrst og fremst mjög skýr og beinskeyttur. Hann er líka meiri svona showcase stíll; MORFÍS ræða er soldið eins og Harlem Globetrotters að spila körfubolta. Þetta er exhibition, fyrirfram skrifað og því oft mun kjarnyrtara en fólk sem rökræðir hlutina í alvöru. Það talar enginn svona, síst af öllu stjórnmálamenn. 
Er annars sammála þér með helvítis vaðalinn og þessi Gunnar Sigurðsson gerði vel að stoppa ISG þegar hún byrjaði að tala út í eitt og rugla mann með óljósu prófkjörsblaðri,
Tók reyndar eftir því að GHH var ekki að nota þennan stíl sinn á fundinum (sem reyndar Þorsteinn Pálsson var frægur fyrir að nota á sínum tíma; langar vel orðaðar setningar um ekki neitt) heldur sagði bara já og nei. Kannski er hann orðinn þreyttur á sjálfum sér? 
Vaðall þeirra á hins vegar ekkert skylt við þessa ágætu ræðukeppni.
Ókei þá!

The Fireman - Highway
Paul McCartney er í verkefninu/bandinu The Fireman með bassaleikara Killing Joke, Youth. Þeir gerðu tvær tilraunakenndar plötur 1993 og 1998 en þá komu nöfn þeirra hvergi fram. Ég hef nú reyndar ekki heyrt þessar plötur. Þriðja Fireman platan var að koma út, Electric Arguments, og markar tímamót í sögu verkefnisins. Báðir leggja nú nafn sitt við verkefnið og tónlistin er miklu meira "McCartney-leg" en áður, bara "venjuleg" lög og ekkert rugl. Þetta er fjölbreytt stöff, mikið af ballads og fljótandi seyð, en hér er eitt rokkað og Wingsað.

26.11.08
Minni á Dr. spinning Spock kl. 12 í hádeginu í dag í Sporthúsinu. Það mun vera Danni geðveiki sem ætlar að leiðbeina spinnendum undir mökkkeyrslu Spokkara. Ég titra af tilhlökkun.
---
Nokkrar góðar fréttir úr kreppunni: Jólagjafaátakinu UNDIR 5000 hefur verið hrynt í framkvæmd. Þar er leitast við að hjálpa fólki að finna sniðugar og ódýrar jólagjafir. Kreppuspilið er í vinnslu og þú getur tekið þátt í að semja spjöldin í spilið. Þá hefur Santa María, mexíkóska veitingarhúsið á Laugarvegi 22, ekki hækkað um eina krónu síðan í vor. Allt á undir 1000 kalli ennþá. Mikið væri gaman ef aðrir tækju sér þá stefnu til fyrirmyndar. Þá væri Okursíðan ekki að springa.

25.11.08
Borgarafundur í beinni var ágætt sjónvarpsefni. Mistök samt að bjóða manni upp á vömbina á Árna Johnsen sem bakgrunn við ræðufólkið, nema það hafi verið útpælt plott til að minna mann á svínslega dýrð Sjálfsstæðisflokksins. Gestir klöppuðu líka full mikið undir ræðunum, en kannski var það nauðsynlegt til að ná upp góðri stemmningu. Þorvaldur "Vilmundur" Gylfason tók best of og ætti að fara í Seðló ekki seinna en núna. Gamli gæti þá klappað skógarkettinum Eldibrandi fúlltæm. Silja bauð upp á enn eina myndlíkinguna, nú var það matargerð, út með ruslið og ýldulykt. Benedikt tók góðan pakka á verðbæturnar (burt með það helvíti!) og verkakonan Margrét fór alveg á kostum og tók liðið í nefið. Á þing með hana. Ráðherraræflar sátu sem dauðadæmdir og mesta furða hvað þeir létu hafa sig út í. Svona fundir ættu vitanlega að vera vikulega í beinni á meðan landið er í margumtöluðum björgunarleiðangri. Sérstaklega ánægjulegt var að verða vitni að því að sjálfvirkur vaðall ráðamanna var snarlega þaggaður niður. Við viljum fá svör, ekki sjálfvirkan vaðal um ekki neitt, ekkert morfísískt stjórnmálaþrögl takk, bara svör, já eða nei jafnvel. Sérstaklega á Ingibjörg til með að grípa til vaðalsins og kannski finnst einhverjum bláeygðum bjánum í Samfó mikið til svona koma. Sorrí, það er bara ekki tími fyrir svona froðu í dag. Burt með vaðalinn og froðuna.
---

Fræbbblarnir - False death
Þrjátíu ár í dag síðan Fræbbblarnir pönkuðu skólameistara á Myrkramessu MK. Ég var ekki á svæðinu en sá bandið skömmu síðar á sama stað (Kópavogsbíó) og hef ekki verið samur síðan. Fbl í dag: Í dag er stór dagur fyrir íslenska pönkáhugamenn því þrjátíu ár eru liðin síðan Fræbbblarnir komu fram í fyrsta skipti. „Þetta var í Kópavogsbíói á Myrkramessu MK," segir Valgarður Guðjónsson, Valli í Fræbbblunum. „Það var menningarleg samkoma, ræður, ljóðalestur og kórinn söng. Við vorum auðvitað alveg út úr kú. Þurftum að hafa mikið fyrir því að fá að spila því skemmtinefndin reyndi með öllum tiltækum ráðum að útiloka okkur. Sem betur fer áttum við hauk í horni sem kom okkur inn."
Fræbbblarnir spiluðu tvö Sex Pistols-lög og „Police & Thieves" með The Clash. Síðar skrifaði Ingólfur A. Þorkelsson, skólameistari í Sögu MK: „Hávaðinn var ærandi og hljóðfærin voru barin án miskunnar. Söngurinn var sem öskur úr ungum bola og söngstíllinn harður, allt að því ógnandi og framkoma sveitarinnar öll hin fáránlegasta."
„Það voru samt einhverjir í salnum sem höfðu gaman af þessu og meira að segja mamma eins vinar okkar, man ég," segir Valli. Fræbbblarnir starfa enn og 87 lög liggja eftir sveitina á plötum. „Við ætlum að þrjóskast við og gera allavega eina plötu í viðbót. Hún kemur líklega út á næsta ári og vinnuheitið er Puttinn. Textarnir voru upphaflega hugsaðir sem minningargreinar um drullusokka, bæði raunverulega og skáldaða, en ég veit ekki hvort ég held það þema út á heilli plötu."
Fræbbblarnir spila á Grand Rokk á fimmtudagskvöldið, aðallega nýtt efni, en nokkra klassíkera í bland. Aðgangur er ókeypis.
False death er af fyrstu 7"plötu Fræbbblanna sem barst til landsins 1980. Enn jafn ferskt í mínum eyrum og þegar ég heyrði það fyrst. Keypti plötuna af John Hansen sem síðar gekk í Krossinn en hefur ekki sést í mörg hundrað ár síðan.

24.11.08
Flakkarinn er þarfaþing. Loksins er ég í alvörunni minn eiginn dagskrárstjóri. Nú get ég dánlódað Conani og glápt á þegmér sýnist. Ég komst hálfur inn í heimildarmyndina Bigger, Stronger, Faster um vöðvakarla og stera. Nennti ekki að klára hana, en er hinsvegar viss um að allt þetta lið hérna á Íslandi sem er með óeðlilega upphandleggi er á bullandi sterum. Það fær enginn svona nema með efnafræðilegri hjálp. Í myndinni var hins vegar haldið fram að sterar séu bara hið besta mál, sýndist mér. Horfði hinsvegar til enda á spennumyndina Trans-siberian með Emily Mortimer og Woody Harrelson, enda ágætis mynd á ferskum slóðum. The Dark Side of Porn eru misáhugaverðir þættir frá Channel 4 um klámbransann og allskonar kinkí bisness þar. Episódan The Real Animal Farm er um Bodil Joensen og legendarí dýralífsmyndina Animal Farm sem smaug inn í videóvæðinguna örlí eitís og brenndi óafmáanlegar myndir í heilaberki áhorfenda. Ég er ekki frá því að þessi mynd hafi verið í umferð hér og að sama skapi þýsk mynd um karl með yfirvaraskegg og klósettbursta. Þetta var stöff sem maður varð umsvifalaust fullorðinn af að pína sig í gegnum – eða öllu heldur að ljúga að maður væri búinn að sjá. Ég veit það ekki. Er ekki skárra að sjá danska kerlingu juðast á svíni en að sjá skólafélaga sína taka tilhlaup til að sparka í hausinn á öðrum skólafélaga sínum á jútjúb. Ég myndi halda það, Hemmi minn.
---
Aðrar myndir sem gerðu mann fullorðinn voru auðvitað Cannibal Holocaust og Texas Chainsaw Massacre. Einu sinni fyrir gríðarlega löngu síðan lagði ég mig fram við að sjá svona stöff og keypti inn illadöbbaða bútlegga frá einhverjum gaur í Svíþjóð. Það voru mikið af myndunum í hinni gríðarlega áhrifamiklu bók Incredibly Strange Films.  Einnig var maður svag fyrir myndum í flokknum "svo vondar að þær eru góðar". Núna nenni ég alveg ómögulega að eyða tíma í svona stöff. Nenni satt að segja bara eðal stöffi.

23.11.08
Auglýst er eftir tillögum að bestu erlendu plötu ársins! Já, ég hef tekið að mér að gera þátt um erlenda tónlist 2008 fyrir Rás 2 til útvörpunar um áramótin. Gaman væri ef lesendur hafa hugmyndir um bestu erlendu plöturnar útgefnar á árinu og vilja deila þeim hugmyndum... bara eins margar og nennið leyfir í G-E-S-T-A-B-Ó-K-I-N-A. Síðan verður efnt til vinsældakosninga hér þar sem valið stendur um 10 heitustu plöturnar eða eitthvað. 
---
Og annað eins um íslenskar plötur, nema ég vel nú bara sjálfur plöturnar í það. Þetta hefur verið mjög gott íslenskt ár í plötuútgáfu. Fullt af góðu stöffi svo það verður pís of keik. Þótt það væru 20 plötur.
---
Ég var með svipað í gangi í fyrra og þetta var niðurstaðan þá: 

Bestu innlendu plötur ársins 2007:
1. Mugison - Mugiboogie (190 atkvæði)
2-3. Sprengjuhöllin - Tímarnir okkar (153)
2-3. Megas - Frágangur og Hold er mold (153)
4. Ólöf Arnalds – Við og við (82)
5. Björk – Volta (81)
6. Hjaltalín – Sleepdrunk seasons (80)
7. Sigur Rós – Hvarf/heim (67)
8. Jakóbínarína – The first crusade (65)
9. Seabear – The ghost that carried us away (56)
10. Skátar – Ghost of the bollocks to come (51)

Bestu erlendu plötur ársins 2007:
1. Arcade Fire - Neon Bible (153 atkvæði)
2. Radiohead - In Rainbows (127)
3. Of Montreal - Hissing Fauna, are you the destroyer? (74)
4. LCD Soundsystem - Sound of Silver (73)
5. Deerhoof - Friend Opportunity (46)
6. Jens Lekman - Night Falls Over Kortdala (44)
7. Beirut - The Flying Cub Cup (43)
8-9. Grinderman – Grinderman (39)
8-9. Okkervil River - The Stage Names (39) 
10. Animal Collective - Strawberry Jam (37)
---

Plaggat úr New York Post af Obama er komið upp á sækadelíska vegginn í herberginu mínu. Já já, ég veit, persónudýrkun er hallærisleg, en ef maður nennir ekki að vera eitthvað endalaust að vera að spá í þessu – og kýs að láta rafboðin í gráa maukinu í hauskúpunni á sér snúast um annað – er fínt að geta treyst einhverjum fyrir klabbinu. Helst einhverjum sem maður lítur upp til, eða svona smá. Obama er allavega ferskur eftir allt W. ruslið. Djöfull vildi ég að maður hefði einhvern íslenskan Obama til að hengja upp á vegg, upp á notalegheitin – einhvern vonarneista í þunglyndislegu svartnættinu og skuldasúpunni framundan – en það er ekki neitt. Bara þriðjudeildarmenn og sama klabbið. Ekki hengir maður upp svikarann Ingibjörgu, það er ljóst, og ekki Steingrím, nema hann poppi sig rækilega upp og tali í pottþéttum framtíðarlausnum. Ég tek undir þetta, okkur vantar lýðsskrumara, jafnvel einhvern sem lýgur ekki. 
---

Yma Sumac - Xtabay
Yma féll frá 1. nóv, æfagömul. Þegar mann greip kokteilpartí-geimaldar-skrítni-gamalt-mambo-incredible-strange-music-lyftu-exótísk áhlustun á síðasta áratugi kom Yma Sumac skerk inn, enda legend. Rödd hennar náði yfir fjórar, fimm áttundir og hún var dillandi exótísk. Ég man þegar ég vann í Japis að ég var svo glaður þegar gömul kona kom í búðina til að spyrja um Ymu því það heyrði til algjörra undantekninga að fólk kom og spurði um eitthvað af viti. Það var líka svo hressandi að vita að gamla konan þekkti Ymu og hafði hlustað á hana á gullöldinni sjálfri, um 1960. (Myndin er af LIFE vefnum, þar er allt vaðandi í kúl myndum – prófið t.d. að fletta upp á Iceland).

The Inca babies - Brother Rat
Yma var frá Perú og var beib svo vitanlega þarf eitt lag með Inca babies til að fullkomna glæpinn. Enska hljómsveitin The Inca babies (stofnuð 1982) hélt ekki vatni yfir The Birthday Party og það gerði ég ekki heldur og greip fegins hendi öll þau bönd sem minntu á hetjurnar. Og þau voru nokkur. Fá þó jafn rosalega og þetta.

22.11.08
Ég er farlama eftir spinningslys. Tók vitlausan skó með mér og fékk þessa hörku blöðru á ilina. Svo fór að grafa í þessu. Er á batavegi og haltra um með gamlan staf sem ég erfði eftir afa minn. Verð samt vonandi orðinn spinninghæfur á ný þegar þessi spinningtími aldarinnar rennur upp:


Dr. Spock - Doctor patient relationship
Já, krakkar mínir, Falcon Christ er kominn út. Snargeðveik rokkplata sneisafull af snilld. Nú, og svo er Falcon Christ sápuóperutreilerinn, kominn á netið!
---
Hér eru nokkrar fallegar litmyndir frá Íslandi úr veglegri umfjöllun The National Geographic í nóvember-hefti 1951. Ég vona að þetta hleypi í þig þjóðarstolti og ættjarðarást. Ég allavega belgist allur út, þótt ég sé alveg til í ESB líka. Eða allavega að heyra prós og kons. Hér hafa allir farið í sitt fínasta púss þegar fína erlenda ljósmyndarann bar að garði. Mér finnst allt í kei með ættjarðarást. Ekki þannig að við þykjumst vera eitthvað merkilegri en aðrir, heldur að við séum bara svona eins og við erum og gerum þá allavega okkar besta.