20.11.08
Íslensk stjórnmálaumræða 1992 - 2005: Davíð Oddsson, Davíð Oddsson, Davíð Oddsson, Davíð Oddsson, Davíð Oddsson, Davíð Oddsson, Davíð Oddsson, Davíð Oddsson, Davíð Oddsson, Davíð Oddsson, Davíð Oddsson, Davíð Oddsson, Davíð Oddsson, Davíð Oddsson, Davíð Oddsson, Davíð Oddsson, Davíð Oddsson, Davíð Oddsson, Davíð Oddsson, Davíð Oddsson, Davíð Oddsson, Davíð Oddsson, Davíð Oddsson, Davíð Oddsson, Davíð Oddsson, Davíð Oddsson, Davíð Oddsson, Davíð Oddsson, Davíð Oddsson, Davíð Oddsson, Davíð Oddsson, Davíð Oddsson, Davíð Oddsson, Davíð Oddsson, Davíð Oddsson, Davíð Oddsson, Davíð Oddsson, Davíð Oddsson þetta og Davíð Oddsson hitt... 
---
Þá fór Davíð Oddsson í Seðlabankann og samkvæmt gömlum vana hélt maður að loks væri maður laus við hann. Þannig var það í nokkur misseri, en þá upphófst sama tuðið aftur: Davíð Oddsson, Davíð Oddsson, Davíð Oddsson, Davíð Oddsson, Davíð Oddsson, Davíð Oddsson, Davíð Oddsson, Davíð Oddsson, Davíð Oddsson, Davíð Oddsson, Davíð Oddsson, Davíð Oddsson, Davíð Oddsson, Davíð Oddsson, Davíð Oddsson, Davíð Oddsson, Davíð Oddsson, Davíð Oddsson, Davíð Oddsson, Davíð Oddsson, Davíð Oddsson, Davíð Oddsson, Davíð Oddsson, Davíð Oddsson, Davíð Oddsson, Davíð Oddsson, Davíð Oddsson, Davíð Oddsson, Davíð Oddsson, Davíð Oddsson, Davíð Oddsson, Davíð Oddsson, Davíð Oddsson, Davíð Oddsson, Davíð Oddsson, Davíð Oddsson, Davíð Oddsson, Davíð Oddsson, Davíð Oddsson, Davíð Oddsson, Davíð Oddsson, Davíð Oddsson, Davíð Oddsson, Davíð Oddsson, Davíð Oddsson, Davíð Oddsson, Davíð Oddsson, Davíð Oddsson, Davíð Oddsson, Davíð Oddsson, Davíð Oddsson, Davíð Oddsson, Davíð Oddsson, Davíð Oddsson, Davíð Oddsson, Davíð Oddsson, Davíð Oddsson, Davíð Oddsson, Davíð Oddsson, Davíð Oddsson, Davíð Oddsson, Davíð Oddsson, Davíð Oddsson, Davíð Oddsson, Davíð Oddsson, Davíð Oddsson, Davíð Oddsson þetta og Davíð Oddsson hitt... 
---
Hvað ætlar fólk eiginlega að nenna þessu lengi? Þetta er eitthvað svo óendanlega dapurlegt og vonlaust. Að láta beinlínis alla umræðu snúast um einn karlpung út í bæ.  Ég er allavega orðinn þokkalega þreyttur á þessari einhæfni. Þá er nú skárra og uppbyggilegra að benda á það besta sem Davíð hefur gert og ímynda sér að Davíð hefði valið aðra lífsslóð. Væri nú leikari við Þjóðleikhúsið. Hann yrði gestaleikari með Spaugstofunni á laugardaginn og myndi túlka hinn dáða seðlabankastjóra Eitthvað Eitthvaðsson, sem með hagfræðiþekkingu sinni og útsjónarsemi lét Ísland eitt landa hagnast á alheimskreppunni. Sá hefur lítinn kæk sem Davíð leikari nær rosalega vel.
---
Eða semsagt: Ef við ignórum hann bara nógu lengi mun hann þá ekki bara gufa upp?
---
Neytendaframtakið mitt og UJ var í gær í mínum gamla skóla MK. Þar var liðið jafn þumbaralegt og þegar ég var í þessum skóla. Stuðið datt nú strax úr manni upp á pínkulitlu sviðinu þegar pempíulegur kennarakarlskratti kom og lækkaði í mér því "það glymur svo". Djöfulsins fífl. Ég hefði átt að sparka í punginn á honum og henda út um rúðuna. Þá hefði ég kannski náð til þumbaranna í þessum skóla. Já hlustiði nú á  mig krakkaskrattar áður en þið farið sömu leið! Hugsa fyrst - kaupa svo! Já, einmitt. Ég tók skoðunarferð um bygginguna sem ég eyddi fjórum vetrum í, ef ekki fleirum því þetta var Víghólaskóli áður en þetta varð MK. Gríðarlega breytt allt saman. Þarna er svona trophy-glerbúr og ég hélt auðvitað að þarna væri stór litmynd af mér. Grín. Ég var þarna reyndar á útskriftarmynd frá 1985. Ég var mjög lengi að finna mig, en loks kom ég í ljós í gráum jakkafötum hálfur á bakvið einhvern. Í dag mun vera ætlunin að herja á Flensborg og gera krakka þar að meðvituðum neytendum.
---
Eins og komið hefur fram erum við félagarnir úr Kópavogi á leið til London að sjá hina endurvöktu nýbylgjuhljómsveit Magazine í febrúar. Maður sér fyrir sér næturstað í ógeðslegustu bed and breakfast í Kings Cross því pundið verður komið í 700 kall – flýtur einmitt í þá tölu þegar krónan verður sett á flot. Maður verður eins og litla stúlkan með eldspýturnar, glápandi inn á veitingastaði nartandi í Frónkex sem maður tók með sér, forsmáður ræfill frá landi sem alheimurinn hlær að. "En, þetta var alheimskreppa" getur maður byrjað að blaðra en þá verður maður tekinn og laminn í húsasundi. Amma mín tapaði aleigunni á Icesave, segir þrjóturinn. Sorrí, segir maður í gegnum brotnar tennur. Bara þeir hjá Indefence eru að berjast gegn neikvæðu ímyndinni sem á okkur er og þeim verður ágengt. Hér er safn greina úr erlendum miðlum sem reyna að útskýra málin. Annars segist maður bara vera frá Finnlandi og það ætti að ganga nema þegar maður fer í gegnum vegabréfseftirlitið. Bara vonandi að maður lendi ekki á icesave-sparandi sökker þar.
---
Úr umræðum ferðafélaga:
TJ segir: Var annars að lesa nýjar upplýsingar sem tengjast Howard Devoto (söngvara Magazine). Hann hefur unnið á að því er mér skildist einkareknu ljósmyndasafni undanfarin ár, en í fyrra fór það á hausinn. Og svo er Magazine endurvakin. Kannski tengsl þarna á milli? Oft gerast góðir hlutir þegar menn missa vinnuna og teningum er kastað upp á nýtt...
HC segir: - já, eða þegar heilu ríkin fara á hausinn og spilin gefin upp á nýtt?
TJ segir: Nei, nei. Þegar ríki fara á hausinn þá hanga sömu spilltu hundarnir í sömu valdastöðunum. Sumir setja í tætara, aðrir segja "þetta er engum að kenna" nógu oft til að lýðurinn trúir því á endanum og enn aðrir nota tækifærið og gefa sömu vinum sínum ennþá meira forskot í skjóli neyðarlagasetninga. 
Skríllinn fer hamförum á blogginu og mætir í nokkrar vikur á útifundi. Þeir heimskustu kasta eggjum og svo er þetta bara búið og heldur áfram eins og það var, nema eignir almúgans eru orðnar verðlausar og hann hefur verið dæmdur í það að strita æfilangt fyrir afborgunum og lifir það sem eftir er við fátækramörk. Semsagt. Miklu minna stuð...
---
Ekki er spáin góð hjá TJ. Og því nauðsynlegt, eins og ég er alltaf að röfla um, að taka til og henda. Svo ég endurtaki það enn einu sinni: Maður nennir ekki gamla spillta ömurlega drullu skíta heimska valdaklíku kjötkatlasjúgandi undirrassamokandi Íslandi upp á nýtt. Lifi byltingin!

19.11.08

Þá varða taka tvö á exótískri dós frá Mai Thai. Þetta lyktar eins og sveppate, sagði Lufsan hvöss. Vönduð úttekt í Gos.
---
Guðni er farinn til Kanarí, búinn að loka sjoppunni og segir bara Fokk jú. Voða fínt hjá honum að fá sjálfkrafa inn á reikninginn sinn mánaðarlegan eftirlaunaósóma. Bæ bæ Guðni. Mikið vildi ég fleiri tækju Guðna sér til fyrirmyndar. Til dæmis Davíð Oddsson. Og Jón Ásgeir Jóhannesson. Þeir gætu fundið sér drullupoll þar til að slást í. Látið okkur vera. Bæ bæ, bless.
---
Verst að það komast ekki allir í burtu. Samt er landflóttinn yfirvofandi. Maður er í skuldafangelsi krónuviðbjóðs og verðtryggingar, við erum gúlag norðursins. Alveg frábært hjá ykkur stjórnendur skersins. Þið eigið sko endilega að fá að stjórna hér áfram. Helvítis andskotans Sjálfsstæðisflokkur. Æ, nú er komið Túrett í mann. Hugsa uppbyggilega, hugsa uppbyggilega. Hugsa í lausnum. Hér er ágætt bréf sem kom í emaili, skrifað af Óskari Steini Gunnarssyni í Hafnarfirði.

Góðan dag.
Það sem ég vill ræða hér er mál sem snertir okkur öll.  Undanfarið ár
hefur verðbólgan verið 10 til 15 prósent.  Ríkisstjórn okkar hefur
ekki gert nóg til að keyra hana niður.  Eftir neyslufyllerí fárra
landsmanna, fjárhættuspil bankastjóra, útlánastefnu einkabankana og
algjört eftirlitsleysi yfirvalda með einkabönkunum sitjum við
meðaljónarnir/jónurnar í skuldasúpu sem fáir sjá fyrir endann á nema
eitthvað kraftaverk gerist.  Meira að segja þeir sem voru aðhaldssamir
í fjármálum sínum, versluðu íbúðalánið hjá Íbúðalánasjóð, keyptu sér
bíl án láns eða notuðu strætó og slepptu öllum óþarfa eru í vanda sem
fáir átta sig á.

Íbúðalánasjóður lánar einungis gegn verðtryggingu, sem er reiknuð sem
bein afleiðing af verðbólgu.  Verðbólgumarkmið seðlabankans kemur
málinu í raun ekkert við, þó að það ætti að gera það því þá væri það
hagur ríkisins að halda verðbólgunni niðri.  Núna skiptir það
íbúðalánasjóð litlu sem engu máli hve há verðbólgan er.  Peningarnir
þeirra eru tryggðir, tryggðir hjá okkur sem tóku lánið í góðri trú um
að ríkið og seðlabanki gætu haft einhverja stjórn á verðbólgunni.

Nú tek ég dæmi um íbúðalán sem ég tók fyrir tæpu ári.  Ég keypti mér
íbúð fyrir 21.9 milljónir, tók lán hjá íbúðalánasjóð fyrir 18
milljónir og greiddi mismunin með sparifé.  Þetta lán hljóðar núna
uppá rúmar 20 milljónir. Það eru u.þ.b. 11,5 % vextir.  Sem stendur er
verðbólgan kominn upp fyrir 13,5% sem kemur út á að vextirnir á láninu
eru 18,4%.  Tvöföldunar tími lánsins er c.a. 6 ár

Árið 2014 verður lánið komið uppí c.a. 40 milljónir og árið 2020
verður það komið uppí c.a. 80 milljónir. Miðað við verðbólguspá mun
íbúðalán mitt hækka um c.a. 4 milljónir á næsta ári. Það gerir meira
en 10.000 kr.- á dag  alla daga ársins. Þetta er raunin þótt
samviskusamlega sé borgað af láninu.

Allir þessir útreikningar gera ráð fyrir afborgunum, sem sagt greitt
af láninu mánaðarlega og samt mun þetta vera niðurstaðan.
Ef þú trúir mér ekki þá getur þú rannsakað og reiknað þetta sjálf/ur.

Ríkið ber meðal annars ábyrgð á Íbúðalánasjóð og seðlabankanum,
seðlabankanum sem á að halda verðbólgunni í 3,5%.  Ef
verðbólgumarkmiðin myndu haldast þá væri tvöföldunar tími þessa lán
svolítið öðruvísi.  Þá væri tvöföldunar tími lánanna ekki til.
Höfuðstóll 18 milljón króna láns færi mest uppí 25.969.542 kr.eftir 19
og hálft ár.  Seðlabankinn og ríkið bera ábyrgð á þessu. Það þýðir
ekki að fela sig á bakvið reglugerðir lengur.  Alþingi seðlabankinn og
íbúðalánasjóður geta ekki lengur falið sig á bakvið afsakanir.  Þetta
snýst ekki lengur um afsakanir og sök.  Ef þetta verður ekki leyst og
bakfært að einhverju leyti mun þetta valda því að enginn mun geta selt
íbúðina sína sem að á íbúð sem stendur. Einfaldlega vegna þess að við
munum ekki geta borgað íbúðalánasjóði mismuninn milli andvirðis
íbúðarinnar og hve mikill höfuðstóll lánsins er orðinn.

Alþingi gat sett neyðarlög til að yfirtaka bankana á einni helgi.  Þið
getið sett neyðarlög til að bjarga okkur borgurum þessa lands.  Það
erum við borgararnir sem munum bera hitan og þungan af öllu því sem að
Alþingi gerir og eða gerir alls ekki.

Núna verður alþingi að gera eitthvað til að bjarga okkur, þið
alþingismenn eruð þjónar okkar, eigið að gæta hagsmuna okkar.  Ekki
nokkurra einstaklinga sem eru rétt feðraðir, eða eiga nóg af peningum
til að fjármagna kosningabaráttu ykkar eða eiga inni pólitíska greiða.

Flestum okkar er sama um kvóta og önnur slík smáatriði ef að við
endum í skuldafeni sem við getum aldrei borgað okkur útúr.  Við þurfum
lausn núna strax.

18.11.08
Langt er um liðið síðan ég smakkaði nýtt gos. Ég kenni kreppunni um. Moðerfokking kreppunni. Skemmtilegustu búðirnar á Íslandi eru matvörubúðir reknar af innflytjendum. Það er auðveldasta og ódýrasta leiðin til að finnast maður kominn til exótískra útlanda. Í gær fór ég í Mai Thai við Hlemm og fann 2 ógeðisdrykki. Annar var athugaður í gær:

Um er að ræða "Pennyworth drink" eða vatnsnafla drykk (what ðe fokk). Framan á er mynd af hundasúrum. Drykkurinn er mosagrænn á litinn (sjá mynd). Hann smakkaðist skár en áhorfðist en ég mun ekki sækjast sérstaklega eftir að smakka hann aftur. (sjá nánar í GOS). Á morgun verpur greint frá reynslu minni af Grass jelly drink með hunangi!
---
Það var hreinlega ömurlegur mánudagur í manni í gær. Algjört kreppuþunglyndiskvikindi. Það skánaði mikið þegar á daginn leið og um kvöldið þegar ég horfði á fyrsta Dexter þáttinn á spólu hugsaði ég ekkert um kreppu. Andlega fatlaðir og hasshausar hafa það best þessa dagana. Kannski eins og alltaf. Eru ekkert að spá í þetta. Málið er að maður óttast mest stöðnunina. Að þetta nýja hreina fallega Ísland komi ekki neitt. Því maður nennir ekki að halda þessu áfram með Geir og Ingibjörgu ljúgandi og bullandi og ekkert framundan nema sorg og mæða og SAMA LIÐIÐ á öllum póstum. Það er engin von í þessu gamla liði. Það hefur brennt allar brýr að baki sér. Allar. En hefur samt ekki manndóm í sér til að viðurkenna mistök sín og drulla sér. Það sem þjóðin þarf núna er von a la Obama. Von um tiltekt, uppskurð. Von um nýtt hreint og fallegt Ísland – ekki ormétna gamla spillingarhauginn aftur og nýbúinn.
---
Maður er með vegabréfið klárt en kemst ekki neitt. Er átthagafjötraður í íbúð og bíl. Ég skil bara ekkert í þessu, löggimann. Djöfuls óheppni, það kviknaði í húsinu og bílnum sama daginn... Nei nei. Ekki öll von úti enn, skulum við segja.
---
Neytendaátakið HUGSUM FYRST - KAUPUM SVO með Ungum Jafnaðarmönnum gerir víðreist. Versló í gær. Ég hef aldrei komið í Versló áður. Þetta er mjög pró skóli. Hver stofa er með auglýsingu framan á, Hagkaup og svona. Fyrirtækin keyptu stofur, skilst mér. Talandi um markaðshyggju, algjör viðbjóður! Svo eru þarna massífar glerhillur með gömlum reiknivélum og ritvélum og það yljaði mínu gamla gjaldkerahjarta, enda kann ég alveg á svona reiknivél eftir áralanga þjálfum í gamla gamla Landsbankanum. Í hádeginu í dag: Iðnskólinn í Hafnarfirði!

17.11.08
Þá hefst vika #7 í megakreppu og horsultu. Ég var einmitt að pæla í þessari Aukakrónuauglýsingu. Maður sér þetta enn til dæmis í bíó þar sem auglýsingasamningar eru síðan í góðæri. Hér er Þóra Kristín á Moggatv að spá í þetta. Svo sá ég skemmtilegt bréf á bloggsíðu Gísla Fosters. Það er svona:

Ég er að reyna að komast ekki á reiðistigið í "sorgarferli" mínu í umrótinu sem ríður öllu í dag. En, það er að mistakast og maður sér alltaf í bíómyndum að maður eigi að "skrifa" sig frá því sem plagar mann. Só itt gós.....
FOKKJÚ SKÍTA ANDSKOTANS HELVÍTIS DJÖFULSIN DRULLA...... Takk andskotans drulluháleistar sem skriðu úr endaþarmi móður ykkar, "útrásarvíkingatussur". Takk fyrir að stofna lífshögum mínum í hættu. Takk fyrir að ógna félagslegu öryggi mínu. Takk fyrir að stofna fjárhagslegu sjálfstæði mínu í hættu. Takk fyrir að gera börn mín eilífðar skuldbundin Rússaandskotum eða Alþjóðaglæpagjaldeyrissjóðnum. Takk fyrir að gambla með peningana mína fyrir lystifokkingsnekkjur og rándýrar íbúðir á uppsprengdu verði í helstu höfuðborgum heims. Takk fyrir að vera ósýnilegir en forhúðarostalyktin kemur upp um ykkur helvístis sveppagerlarnir ykkar. Hvar eru forsíðurnar nú afykkur akandi um á Lexusum og Range Roverum? HVAR ERU FOKKING PENINGARNIR OKKAR? Ætlið þið að borga húsnæðislánið mitt, sem er þó íslenskt verðtryggt, en á ábyggilega eftir að rjúka upp í óðaverðbólgu? Djöfull þurfið þið EKKERT að pæla í slíkum smáskít kampavínssjúgandi lirfubellir, ánamaðkar holræsisins, saurbjöllukúkarnir ykkar. Hálfvitar, þið hafið gert Ísland að endaþarmi andskotans og þjóðina að gyllinæðinni. Takk fyrir það. Ef einhverntíman kemur til þess, helvítis andskotar, að ég missi þakið yfir höfuðið, get ekki gefið börnum að borða eða veitt þeim heilbrigðisþjónustu. Þá skal ég láta ykkur vita eitt.
Heimurinn er lítill og það er ekki nokkur kjaftur á þessu andskotans guðsvolaða skeri sem hefur nokkurra hagsmuna að gæta gagnvart ykkur.
Þið skuluð fokking biðja til Óðins að restin að aurum ykkar dugi fyrir ferð til fokkings tunglsins. AÐRALEIÐ. Drulluháleistar. Ég þakka áheyrnina. mér líður mun betur og held að ég hafi komið mér í gegnum margra daga prósess í "sorgarferli" mínu með þessum hætti.

Hressandi!

16.11.08
Ég hef nokkrar framtíðarhugmyndir varðandi vinýl-söfnun, m.a. að komplítera Spilverkið og stúdíóalbúm Bítlana. Þar er mikið verk óunnið enda á ég bara Revolver í orginal Parlaphoneútgáfunni. Nú er Hvíta albúmið eintak númer 0000005 til sölu á Ebay og stendur tilboðið í 4300 pundum en lágmarki hefur ekki verið mætt ennþá. Bítlarnir sjálfir hirtu fyrstu fjögur númerin svo þetta er lægst númeraða eintakið sem hefur sést á markaðinum. Held ég sleppi samt alveg að bjóða í þetta enda er tími þess að maður sé að panta eitthvað á netinu hreinlega ekki núna, þökk sé styrkri efnahagsstjórn landsins. Gengis-geðveikin hefur orðið til þess að nú kostar eitt innflutt bláber 23 kr. Peanut butter súkkulaðið frá Reeves sem ég fæ mér stundum á laugardögum kostaði 219 kall í gær, en var vant að leggja sig á svona 110-140. Djísús fokking kræst. Í góðærinu var Ísland okurbúlla, en þú getur rétt ímyndað þér hvernig þetta verður núna. Og ég sem hélt ég gæti kannski farið að slappa aðeins af með Okursíðuna.
---
Dagbjarti fannst voða gaman að mótmælafundinum í gær og æpti hæst rétt svör við spurningum Harðar Torfa. Þetta var hressandi. Ræðufólkið hefði mátt kötta ræðurnar aðeins niður. Dáldið langt og maður löngu búinn að get ðe point. Eins og grínistar gefa pásur fyrir hlátur gáfu þau pásur fyrir klapp og stuðningshróp. Viðar var afgerandi. Jafnvel vinstristjórn í 1-2 kjörtímabil reddar þessu ekki, sagði hann. Djö, það var nú svona það sem ég var að stóla á. Kristín Helga tók stjórnlausu-rútu myndlíkinguna á þetta. Var farinn þegar Andri Snær talaði. Kannski var hann að tala um sprotafyrirtæki. Mér skilst að það sé helsta von þjóðarinnar. Sprotafyrirtæki. Ég geri mér enga grein fyrir því hvað væru margir þarna. Það var ekki svo þjappað að maður kæmist ekki um með kerru. Helvítis hellingur samt.
---
(Öppdeit: Ég sá það núna í imbanum: Andri Snær minntist ekkert á sprotafyrirtæki heldur var bara nokkuð góður og tú ðe point. Burt með tröllin!!! 
---

FM Belfast - Pump
Í ár koma út ógeðslega mikið af fínum íslenskum plötum. Ég held við séum allavega að tala um svona 20 sem eru mjög mjög fínar. Það verður því nokkuð snúið að skera þetta niður í topp 5, eða topp 10. Eitt er þó alveg á hreinu og það er að besta plata ársins er How to make friends með Fm Belfast. Það er einfalt val. Það bara blasir við! Æðislega frábær plata með æðislega frábærri hljómsveit. Og ef þú ert ekki búinn að tékka á þessari plötu þá ertu nú bara eitthvað klikk! Kaupa kaupa beibí. 
---

Buff - Engin furða það er
Buffið er orðið "alvöru" og er með flotta plötu fullu af Bítla, Elo og Spilverklegu Buffpoppi. Rosafínar melódíur, harmóníur, heimsmælikvarðasöngur og ég veit ekki hvað og hvað. Hér er eitt gott þar sem bítlið keyrir næstum um þverbak. Svínslega grípandi stöff. Mundið kortið.
---

Jeff Who? - Everyday is always the same
Jeffarar eru nú ekkert slor heldur og sjálfnefnda platan þeirra sem var að koma út er pökkuð af poppuðu rokki í erlendum stíl, pródúsíon valjú eins og lúxusmáltíð á himnum. Upp með veskið.

15.11.08
Sjálfsstæðisflokkurinn er tvær gamlar kerlingar með blátt hár undir slæðum. Af hverju í ósköpunum var verið að senda út beint frá þessum fundi hjá þeim í gær? Maður hélt að það yrði kannski sagt: Davíð ætlar að loka sjoppunni og við að senda hann til Kanarí og svo ætlum við að leggja þennan ömurlega flokk niður því við höfðum rangt fyrir ykkur og viljum ekki móðga þjóðina enn frekar með því að liggja á ykkur eins og mara. Nei nei, það var bara: Við ætlum að spá aðeins í þessu þarna með ESB og hafa fundinn okkar aðeins fyrr. Eins og manni koma svoleiðis tittlingaskítur eitthvað við? Gömlu kerlingarnar með bláa hárið hefðu alveg getað flett því upp sjálfar. 
---
Annars er það bara fundurinn kl. 15 og svona. 

14.11.08
Pifft, þessi kreppa er ekki neitt neitt, svo þú getur hætt þessu væli. Ég heyrði ekki betur hjá Ingibjörgu á Stöð 2 en að þetta yrði fljótt yfirstaðið, miklu fyrr en allir halda, og Björgólfur ætlar að borga allt Æseif draslið, ef hann á einhvern pening, hann er ekki viss. Svo ég ætla að lýsa því fyrstur yfir: Kreppan er búin! Ha, ekki?
---
Æ þegiðu Óli. Óþolandi þessir bjánar sem vilja endilega æsa upp landsmenn gegn "ægilega vondum útlendingum sem vilja ekki lána litla skítakerinu fyrr en það gengur frá skuldum sínum". Sá fyrir mistök Jón Kristinn Snæhólm, gamlan gítarleikara Ástar, æsa sig eins og einhvern Múgabe á klósettstöðinni Ínn í gær, að við ættum bara að fara í hart við Breta og jadda jadda. Vei frábært. Hanga þá bara ein hér og éta fífla og máva? Ég hefði haldið að siðaðar þjóðir reyndu að skeina sig gagnvart umheiminum en ekki leggjast bölvandi í gras með drulluna kámuga í buxunum. En jú jú, Bretar voru svaka vondir við okkur og svona og Brown er skíthæll. Fáránleg viðbrögð hjá þeim. En sökin er samt Æseif. Það er ekkert hægt að æsa sig út úr því.
---
HAM í höllinni annaðkvöld! Allir að mæta! Frítt inn!
---

Þokkabót - Tómir kassar
Gömlu kommarnir koma nú glaðhlakkanlega út úr skápnum á lopapeysum og töflum og hlæja af grey kapítalistunum með gjaldþrota kúkinn í brókinni. Í seventís vinstrimennskuproggpoppinu stóð Þokkabót fremst og gerði 4 plötur. Tvær eru taldar einskonar meistaraverk í þessari deild, en ég verð að játa á mig algjöra fáfræði um bandið. Mun ég nú gera gangskör af því að finna plöturnar þeirra í Kolaportinu eða hjá Valda, sérstaklega "Fráfærur" sem ku best. Frægast er Pete Seegers-kóverið Litlir kassar sem kom út 1974 og hljómaði samfleytt á Gufunni næstu árin. Nú er komin ný spáútgáfa sem heitir auðvitað Tómir kassar...

Tómir kassar
Tómir kassar í tómum banka
tómir kassar af dingalingaling,
tómir kassar, tómir kassar,
tómir kassar, allir eins.

Einn á hausnum, annar valtur,
þriðji skuldsettur og fjórði gjaldfallinn,
allir galtómir af dingalinga
enda eru þeir ei til neins.

Og í bönkunum bankastjórar,
hafa milljónir á mánuði
en enda allir með tóma kassa
tóma kassa, alla eins.

Og ungu mennirnir fara í útrás
í einkaþotum og stunda viðskipti
en tapa öllu í tóma kassa,
tóma kassa og ei til neins.

Þeir stunda sólböð og sigla á skútum
og fara í kappakstur í kringum jörðina.
Og fá sér allir fínar hallir,
fyrir fé sem var aldrei til.

Og litlu börnin byrja í skóla
og fara síðan beint í bankana
og taka til við að tæma kassa
og út úr því fara allir eins.

Tómir kassar, þrotakassar,
tómir kassar af dingalingaling,
tómir kassar, tómir kassar
tómir kassar, ei til neins.

Tómir kassar, í tómum banka
um tíma fyllast af okkar peningum,
en verða að sjálfsögðu seldir aftur
svo að allt verði aftur eins.

Ingólfur Steinsson/ Halldór Gunnarsson

13.11.08
Kannski er El Camino del Rey göngustígurinn á Spáni hræðilegasti göngustígur í heimi. Ekki fyrir lofthrædda. Alls ekki! Hér má líta hryllinginn á videói.
---
Tommi í Tommaborgurum, eða Búllunni, sagði að ég væri "flottastur" í gær þegar ég var að éta hjá honum. Ég sagði nú bara af einlægni sömuleiðis, enda einlægur aðdáandi hamborgaraarfleiðar Tomma. Maður skilur Tomma og atvinnurekstur hans. Ef hann væri ógeðslega ríkur skildi maður að það væri út af því að hann væri búinn að selja svona mikið af hambörgers. Það leiðinlegasta við "bjánana sem settu þjóðina á hausinn" var að maður skildi aldrei af hverju þeir væru svona "ríkir" eða ættu allt þetta drasl. Hvernig gat  Jón Ásgeir selt Íslendingum ódýrar baunir einn daginn og átt helminginn af Oxford Street þann næsta? Maður skildi þetta ekki. Nú virðist sem "útrásin" hafi verið á einskonar yfirdráttarláni, sem við eigum að borga upp næstu árin. Alveg súper.
--- 
Annars er Lífið einfalt.

12.11.08
Eyjan er búin að klippa út FL-gubb söguna hans Þorsteins og það má horfa hér.
---
Dúettinn Létt á bárunni (Skakkamanage) hefur tekið upp meistaraverk Gylfa Ægissonar Stolt siglið fleyið mitt. Útgáfan er til niðurhals hér, harmóníka og allt.
---
Talandi um meistara Gylfa þá vorum við saman í Séð og heyrt nýverið:

Það er ekki svo mikið af villum í þessu. Elísabet er ekki þriggja heldur eins og hálfs og ég á þegar verk eftir Megas, Eggert Magnússon og Vapen og þarf því ekki að stefna að því að eignast verk eftir þá. Veit eiginlega ekki hvern væri sniðugt að bæta í safnið næst, maður þarf kannski að fara að hugsa um menn eins og Ísleif Konráðsson og Óskar Magnússon, jafnvel Sölva Helgason. Listaverkamarkaðurinn ku í lægð svo kannski er séns fyrir lúsera eins og mig að næla í eitthvað á góðum prís. 

11.11.08
Vert er að vekja athygli á viðtali við meistara Þorstein Guðmundsson í Vitleysunni, þætti Þórhalls Þórhallssonar og Eyvindar Karlssonar, á Inn tv. Þar segir Þorsteinn meðal annars í löngu máli frá því þegar hann var veislustjóri í FLgroup partíi í London í miðju góðærinu. Hér má sjá viðtalið, það hefst skömmu fyrir aftan miðju.
---
Grín dagsins: Ég lýsi yfir ótvíræðum stuðningi við Bjarna Harðarson. Hér fer traustur og heiðarlegur þingmaður sem mun ásamt Guðna Ágústssyni leiða þjóðina til bjartari framtíðar. 

10.11.08
Frú Vigdís sagði réttilega hjá Jóni Ársæli að það sem gerir Íslendinga að Íslendingum sé íslenskan. Það að við ekki bara höngum í rassinum á hvort öðru á blautu skeri í ballarhafi, heldur tölum við mál sem enginn skilur nema við. Einskonar dulmál. Við erum í klíkunni. Svo erða sameiginleg fortíð sem tengir okkur líka. Bara við vitum hvað Bubbi Morthens er, eða áramótaskaupið 2004. Þessi yfirborðssamkennd hefur ekkert með alvöru samkennd samfélagsins að gera, en verður samt líklega til þess að þeir sem eiga það skilið eftir hrunið að fá makleg málagjöld fá það ekki. "Ó, við getum ekki refsað honum. Hann talar íslensku, hann veit hvað fótanuddtæki er, hann má sleppa og taka með sér svona 2 miljarða. Svo er hann líka bróðir vinar míns og svona. Og svo er nú ekki eins og hann hafi drepið einhvern. Hann er nú bara sekur um græðgi sem setti þjóðina á hausinn." Ég vona auðvitað að þetta verði ekki svona. Algjört uppgjör verður að koma til og skýr stefubreyting. Ekki nýtt svindl, ný spilling. Ekki sama ruglið með öðrum aðalleikurum og gömlum í bland.
---
Kannski er þetta allt að koma. Allavega ef Silfur Egils væri ráðgefandi stofnun en ekki sjónvarpsþáttur. Þar er svoleiðis talað uppbyggilega. Allt gott í þættinum í gær nema pólitíska liðið. Maður nennir ekki einstefnu hugsandi pólitíkusum lengur. Þetta er svo leiðinlegt lið, alltaf með sama rausið. Svo erða ránfuglinn. Losnar þjóðin aldrei við ránfuglinn nema með valdi? Verður að bera þetta lið út af gullklósettunum?
---
Ég hlusta á franskt nýbylgjurokk frá því í kringum 1980 í bland við allt íslenska dótið sem dælist inn. Um sumt tjái ég mig í Fbl og nú einnig í Mannamáli Sigmundar Ernis á Stöð 2. Nokkrar góðar franskar nýbylgjusafnplötur eru nýlega útkomnar. Best er líklega So Young But So Cold: Underground French Music 1977-1983, sem Tigersushi gaf út fyrir nokkrum árum. Aðrar góðar eru BIPPP: French Synth Wave 1979-85, IVG - French futur anterieur 1975-85 og Des Jeunes Gens Modernes, sem er tvöföld. Það er margt vitlausara en að fara inn í enn eina upplausnarkreppuogóöryggisvikuna með ævagamalt en síferskt franskt nýbylgjurokk í nesti. Ég tileinka þessa frönsku mp3-færslu Frú Vigdísi, eina núlifandi sameingingartákni þjóðarinnar. Ég tileinka hana líka Frökkum fyrir að vera alltaf svona kúl.

Ruth - Roman photo/Ruth

Modern Guy - Electrique Sylvie

C.O.M.A. - Verre

A Trois Dans Les WC - Contagion

09.11.08
Ég mótmælti ákaft innra með mér í Kringlunni í gær. Lögreglan telur að 1000 manns hafi verið á svæðinu. Ég mótmælti þegar ég dottaði yfir barnamyndinni Fly me to the moon í þrívídd og þegar ég hjó tönnum í þúsund ára gamalt brauð utan um efnabætta dauða belju á McDonalds. Þetta voru mín persónulegu mótmæli í gær. En betur má ef duga skal. Miklu betur. 
---
Hver ætli þurfi annars að smúla/spúla alþingishúsið eftir reiðikastið í gær? Lendir þetta ekki bara á þeim, starfsmönnum borgarinnar? Það þarf náttúrlega að miða almennilega eins og Helgi Hós gerði um árið. En jú jú, táknrænt. Ef minn vinnustaður yrði eggjaður myndi mér finnast hálf einkennilegt að ganga inn í hann. Ég myndi hugsa mig um.
---
Hef verið að glápa á nýjustu Conan O'Brien þættina, eftir Obama (hér má sækja). Í þætti 5. nóv lenti Conan í því að einhver grínisti mætti ekki í þáttinn. Það mun vera í fyrsta skipti í sögu þáttanna sem gestur mætir ekki. Conan reddaði þessu vel og spann á staðnum. Gerði ægilegt mál úr því að snúa giftingarhringnum sínum á borðinu. Þá kom fram í þættinum að Sarah Palin er jafnvel enn meiri vitleysingur en hún lítur út fyrir að vera. Meðal annars hélt hún að Afríka sé land en ekki heimsálfa. "En það sést náttúrlega ekki til Afríku frá Alaska", útskýrði Conan. Meira að segja fasistastöðin Fox er farin að dissa Söru ræfilinn. 
---
Frí músik: Heimilistónar með Ólafíu Hrönn í fararbroddi (hún samdi lag og texta og syngur) taka á kreppunni með laginu Verum bara hress. Þá gefur Steini eitt besta lagið af plötunni sinni, Girls are all the same. Steini hljómar eins og Roy Orbisson og stundum eins og Bítlarnir. Hljómsveitin Skorpulifur er í kreppufílingi á plötunni Heimabrugg og gefur lagið Eldur og ís.  Skorpulifur er all ham-að pönk með fornkarlmannlegum textum, a.m.k. í þessu lagi. Við kreppuhrolli býður hljómsveitin Hitakútur upp á lagið Kaffi. Þeir mæla með kaffisopa og íslpoppuðu poppi. 
---
Fór með jólaskókassa í Kfumogk í gær. Þarna var múgur og margmenni og allt vaðandi í pökkum. Það er aldeilis búið að byggja við höfuðstöðvar Kfumogk síðan S.H.Draumur tók þarna upp plötuna Goð árið 1987. Þá var þetta bara eitt hús. Við erum alltaf á leiðinni að gera S.H.Draumur dótið niðurhalanlegt, og Bless dótið líka. Nú er orðið svo ógeðslega einfalt að koma þessu á netið og selja (gegn vægu verði) að það hlýtur að fara að bresta á. Jón Hrafn í gestabók var að biðja um Öxnadalsheiði og já já ekki málið: S.H.Draumur - Öxnadalsheiði.

08.11.08
Í MS hékk annar helmingurinn í tölvum en hinn virtist hafa áhuga á neytendaþruglinu í mér og Ungum jafnaðarmönnum. Nokkuð gott spjall um neytendamál hófst svo að loknum fyrirlestrinum en þrátt fyrir ítrekaða leit fannst enginn gítar svo ég gæti tekið Prumpulagið. Herferðin heldur áfram eftir helgi í Kvennó.
---
Síðasti séns að fara með skókassa í dag. Borgarafundur og mótmæli í dag kl. 13 og 15 og síðan í beit barnaball Páls Óskars á Nasa. Palli er búinn að gefa út gullfallegan gjafapakka í tilefni af 15 ára bransaafmæli, Silfursafnið, og tekur frítt gigg í dag en alvöru ball í kvöld. Svo fara náttúrlega allir í Kolaportið í bás Helgu og Trausta.
---
Ég get ekki sagt að ég sé eitthvað svaka reiður í augnablikinu. Maður er eiginlega kominn með smá leiða í bili á því. Einhvern veginn gáfulegra að beina reiðinni í jákvæðan farveg frekar en að taka túrett á þetta og kalla alla fávita og fífl. Hef svo sem ekki fundið jákvæðari farveg en það að skrá mig í VG og Samfó og er auðvitað tilbúinn í Næs, ef það verður eitthvað af viti. Fólk virðist lafa á því að einhver íslenskur Barack Obama spretti fram og reddi öllu með guðdómlegum kjafthætti. Það getur gleymt því. Þetta verða Jóhanna og Steingrímur og gamla gengið, tja, nema eitthvað rosalegt sé að gerjast einhvers staðar. En almennur fílingur held ég að sé fyrir samstöðu venjulegs fólks til að fá að lifa eðlilegu lífi án skuldafjötra – ég fyrst, græða græða, attitjúdið er steindautt og rotnandi á haug sögunnar. Sem betur fer. Almennilegt Ísland takk.
---
Meiri mússekkkkkkkk minna massssssssss. Veljum ííííííííííííssssssssslllllenskt:

The Viking Giant Show - Chemicals
Heiðar í Botnleðju hefur, sem kunnugt er, dundað sér alllengi sem The Viking Giant Show. Nú loksins er komin plata, The lost garden of the hooligans. Hef ekki hlustað alveg nógu vel á hana til að geta tjáð mig 100%, en mér heyrist þetta vera að svínvirka. Meira laidbakk kántrí en maður bjóst við því fyrsta lagið sem maður heyrði, Party at the White House, var svona keyrslurokk með slípirokkssándi. Lagið er á plötunni í nýrri útgáfu. Hér er eitt gott lag um dópneyslu (á Kaffibarnum). En annars er þetta æmspeisið.

Vicky - Alien
Hljómsveitin Vicky Pollard nefndi sig eftir götustelpunni í Little Britain. Nú hefur nafn sveitarinnar einfaldlega verið stytt í Vicky. Í bandinu eru fjórar stelpur og einn strákur. Þau eru á aldrinum 20-25 ára og hafa afrekað það á tæplega tveimur árum að spila í Kína og Bandaríkjunum og gefa út plötuna Pull Hard, sem var að koma út.
„Við erum bara svona metnaðarfull og hipp og kúl," segir Eygló söngkona. „Og við höfum sett stefnuna á Kína aftur næsta vor. Það var svo gaman síðast."
„Við þurfum að sinna rokkþyrstum kínverskum aðdáendum okkar og ætlum að spila á nokkrum risafestivölum," bætir Karlotta gítarleikari við. „Svo stefnum við bara að því að koma plötunni í sölu sem víðast og vera orðin heimsfræg fyrir næstu helgi."
Platan var tekin upp um páskana í Tankinum á Flateyri með Önundi Pálssyni. „Við lentum í svaka stormi á leiðinni heim og festumst í snjóskafli upp á Steingrímsfjarðarheiði. Okkur var bjargað af Björgunarsveitinni Dagrenningu á Hólmavík. Þess vegna eru þeir á þakkarlistanum."
„Við erum alltaf að lenda í svona," segir Eygló. „Í Bandaríkjunum lentum við í fellibylnum Ike. Og ekkert smá, það voru tré brotnandi allt í kringum okkur. Við flúðum og þurftum að gista í dópgreni í Kent, Ohio. Ógeðslega töff."
Vicky er mikið rokkband - „poppmetall" sagði netsíðan Pitchforkmedia í jákvæðum Airwaves-dómi nýlega. „Við erum ekki eins og eitthvert stelpuband og þyngri en fólk heldur," segir Eygló. „Uppáhaldsböndin okkar fimm eru Queen, Nada Surf, Smashing Pumpkins, Kiss og Pantera svo kannski er Vicky sambland af þessu öllu. En samt ekki."
En hvað með kreppuna?
„Æi," stynur trommarinn Orri. „Diskurinn var náttúrulega orðinn helmingi dýrari þegar hann kom til landsins en þegar við sendum hann út í framleiðslu. Þótt við seljum hvert einasta eintak komum við samt ekki út í plús. Það er skítadíll."
„Við hugsum aldrei neitt voðalega langt fram í tímann," segir Eygló. „Við ætlum samt að halda útgáfutónleika í nóvember. Kannski fáum við Laugardalshöllina frítt eins og Bubbi. Annars er það bara Café Amsterdam."
- drg/Fbl

Weapons - Up tight
Demódiskur með Weapons lá á borðinu upp í vinnu einn daginn þegar ég kom úr mat. Veit ekki hvort það sé búið að gefa þetta út eða hvort þetta sé bara demó. Bandið er tríó í Rvk, eftir því sem ég kemst næst, og er komið nokkuð til ára sinna. Man eftir þeim á Innipúkanum fyrir allavega 3 árum. Spila ágætis indierokk. Meira á Mæspeisi. 

Litlu grýlurnar - Kreppa
Nýjasta pönkbandið á Íslandi er skipað fjórum þrettán ára stelpum í Sjálandsskóla í Garðabæ. Þar kennir Ólafur Schram tónmenntir og lét áttunda bekk kynnast tónlistarstílum síðustu aldar með því meðal annars að semja, æfa og taka upp eitt lag. Krakkarnir stofnuðu bönd og bjuggu til rokk-, diskó- og kántrílög auk pönksins.
"Þetta var allt mjög flott hjá þeim, en pönkhljómsveitin hitti kannski naglann best á höfuðið. Pönkið er náttúrlega sá stíll sem minnstrar kunnáttu þarf til að flytja," segir Ólafur. Stelpurnar höfðu aldrei snert hljóðfæri áður, en tókst á fjórum vikum að skila frá sér mjög sannfærandi pönklagi. Það var meira að segja leikið á Rás 2 og þar gaf útvarpskonan Linda Blöndal sveitinni nafnið "Litlu grýlurnar".
"Okkur fannst það nafn bara svolítið flott," segir söngkonan Ásdís Rún, sem trommar líka. "En við erum samt ekkert búnar að pæla í því hvort við höldum áfram. Kannski. Við hlustuðum á Rokk í Reykjavík til að læra um pönkið og leist ágætlega á þessa músik. En yfirleitt höfum við þetta bara auðvelt og hlustum á FM957."
Í laginu, "Kreppa", er ekkert verið að skafa utan af því. Þar segir meðal annars: "Ríkið er ekki heilbrigt. Gamlir verða að fara. Nýir menn koma og bjarga Íslandi!" - "Já, þeir gömlu verða að fara," segir Ásdís. "Og aðrir verða að fá tækifæri til að taka við. Annars veit ég ekki mikið um þetta sjálf. Ég hef bara heyrt mikið talað um þetta." - drg / Fbl
KREPPA
Það er kreppa í heiminum
Allir borga skuldir, allir eru pirraðir.
Bankarnir farnir á hausinn.
KREPPA HÆTTU!!

Kreppa, kreppa x4
Engir peningar x4

Þó peningurinn sé horfinn,
Eigum við þó líf.
Fjölskyldu og hús, vini og systkyni.
Peningar eru ekki allt
Því það er annað sem er mikilvægara.

Kreppa, kreppa x4
Engir peningar x4

Ríkið er ekki heilbrigt
Gamlir verða að fara.
Nýjir menn koma og bjarga Íslandi.

Höfundar lags og texta: Ásdís Rún, Ingveldur Ella, Ásdís Halla og Guðlaug Dóra. (Hin lögin (líka skemmtileg!) úr þessum tímum má heyra hér.)

07.11.08
Krakkarnir í FB voru hressir. Þegar ég var búinn að þusa yfir þeim um neytendamál máttu þau spyrja. Það kom ein spurning: Hvað ertu gamall? (43). Næsta neytendagigg með Ungum jafnaðarmönnum er í MS í hádeginu í dag. 
---
Nýja Bondmyndin er ágæt. Steini Sleggja, sem sló í gegn í Íslandi í dag sem Bond-nörd, var mjög ánægður. Þarna á Galasýningunni var einhver kreppuBondbíll sem Björn Blöndal, ljósmyndari Séð og heyrt, lét mig pósa við eins og eitthvað fífl. Nokkrar tattúveraðar appelsínugular mjónur – svokallaðar Bondstúlkur – voru á svæðinu til að auka vægi almennrar velsældar og klassa, væntanlega, en bögguðust því miður ekkert í mér. Bollingar kampavínið var ógeðslega vont. Loksins komst ég í bíó með Birni Bjarnasyni. Hann skottaðist fram hjá mér án þess að taka eftir mér og ekki með lífverði eða neitt. Það hefði nú ekki verið slor að sitja við hliðina á honum og ræða um Bond eða eitthvað. Þetta var auðvitað háklassa. Slagaði upp í helstu snobbgilli góðærisins. Rauði turninn var í galaham og Logi Bergman og ég ræddum einhverra hluta vegna um Heimilissýninguna 1980 – Heimilið 80. Hann svindlaði sér inn, en ég hef örugglega borgað. Maður vafraði þarna um og hirti drasl. Ég man eftir veifu frá Trabant umboðinu og ógleymanleg er undirskriftarlesandi tölvan sem hefur ábyggilega verið mannhæðar há. Maður skrifaði nafnið sitt á snepil sem var stungið í tölvuna. Svo las tölvan í skriftina og skilaði frá sér gataspjaldi þar sem helstu karaktereinkenni manns voru tíunduð. Örugglega mjög nákvæmt og vísindalegt. 

---
Ræddi aðeins við Ragnar Bragason leikstjóra Dagvaktarinnar í rúllustiganum. Sagði honum náttúrlega að síðasti þáttur með Ólafi Ragnari í ferðasaununni hefði verið frábær. Hann sagði að það væri nú ekkert því næstu 4 þættir yrðu hver öðrum ennþá geðveikari. 
---

Singapore Sling - Martian Arts
Fjórða plata Singapore Sling er komin út og heitir Perversity, Desperation and Death, Öfuguggaháttur, örvænting og dauði. "Þetta eru þau þrjú atriði sem hressa mig alltaf við, sama hvað á bjátar," segir Henrik Björnsson, söngvari og gítarleikari hljómsveitarinnar. "Það er allt búið að vera svo svart, neikvætt og ömurlegt, en mér hefur aldrei liðið betur. Ég lifi á neikvæðri orku."
Ellefu lög eru á nýju plötunni, öll frumsamin. "Þessi plata er töluvert nýrri en hinar plöturnar okkar, en að öðru leiti finnst mér asnalegt að ég sé að tjá mig eitthvað um hana," segir Henrik.
Best er auðvitað að drífa sig á útgáfutónleikana, sem verða á Grand Rokk í kvöld og hefjast upp úr kl. 22. Ný bráðefnilega hljómsveit, Kid Twist, hitar upp og hljómsveitin Reykjavík! verður með gjörning. Það kostar þúsund kall inn. - drg/Fbl
---

Slugs - Lesbíur
Ástar- og hættupönksveitin Slugs sendir frá sér sína fyrstu breiðskífu og er hún samnefnd sveitinni.  Á plötunni eru tíu lög samin af miklum eldmóð og áfergju.  Slugs hafa starfað saman í rúm tvö ár og er markmið sveitarinnar að benda á hræsni íslenskrar tónlistar og þjóðlífsins í opinskáum textum og með brengluðum en hjartnæmum tónum. 
Slugs er metnaðarfull hljómsveit og hafa þeir afkastað miklu.  Metnaðurinn hefur mestur farið í það að líta fagmannlega út allstaðar nema á sviði þar sem sveitin veltir sér vanalega um sveittir geltir í illa vanræktu búi.  Tónlistin mætti vel vera runnin beint undan rifjum Butthole Surfers, Tappa Tíkarrass, The Meatmen, Boredoms, Olivia Tremor Control og jafnvel MGMT.
Slugs sem sendi frá sér sína fyrstu og samnefndu breiðskífu í október spilar í Smekkleysu Plötubúð kl. 15:00 á laugardaginn.  Þau munu spila lög af breiðskífunni í bland við fleira gott stuð. Framundan eru tónleikar hjá sveitinni er tónleikaferð um landið með Dr. Spock og Agent Fresco í lok nóvember og byrjun desember, meira um það síðar. (úr fréttatilkynningu). Hér er líka videó við Mthrfckr.

06.11.08
Íslensk stjórnmál eru ekkert svo ósvipuð bandarískum. Þar var óhugsandi að sama gamla draslið fengi að stjórna áfram. Fólk var komið með ógeð. Á Íslandi er Sjálfsstæðisflokkurinn repúblikanar, Davíð og Geir einskonar GWBush, Mogginn Fox. Í USA var allt komið í steik en það er bara miklu, miklu, meiri steik hér. Það eru allir orðnir hundleiðir á ógeðinu hér. Og það er bara tímaspursmál hvenær við losnum við hörmungina. Því fyrr því betra. Þetta er svo stórkostleg uppábakskita að jafnvel íslenska þrælahyskið við munum ekki fyrirgefa þetta eða gleyma þessu. Hver dagur sem þetta drasl heldur áfram að hanga gagnslaust og andlaust við stjórnvölin er móðgun við þjóðina. Bæ bæ drasl.
---
Eina vandamálið hér er að enginn Barack Obama er á svæðinu. Eins og er er bara gamalt dót sem engum langar svo æðislega í þótt það sé eflaust skárra en hörmungin.
---
Nú er ég með víðáttubrjálæði fyrir framan glænýja 20" tölvuskjáinn. Er vanur dvergvöxnum túbuskjá og er alveg lost. Þetta hlýtur að venjast.
---
Fyrsta neytendaheimsókn mín og ungra jafnaðarmanna í framhaldsskólana er í dag. FB í hádeginu. Svona er ég auglýstur: Höfundur Prumpulagsins kemur!
---

Baggalútur - Krútt
4ða plata Baggalúts, Nýjasta nýtt, er staðreynd. Hressileg partíplata stútfull af drullugóðu stöffi. Líklega besta só far. Bragi Valdimar sem semur flest lögin fær nú loks að syngja eitt lag og er svona líka fínn. Hann syngur einmitt Krúttið hérna og er einhversstaðar mitt á milli kontratenórs Guðmundar og bassatenórs Karls. Textinn er fyrirlitleg árás á krútt og fær eflaust tveggja metra umfjöllun í Lesbókinni. Bragi á auðvitað að syngja meira, ekkert að þessu! 

05.11.08
Til hamingju! Það er ekki lengur fáviti í Hvíta húsinu. Þetta fer bara upp héðan af! En hvað veit maður... kannski er Barack ógeðslega spilltur líka og ekkert nema ógeðslegir auðkýfingar sem hafa stutt hann og eiga núna hönk upp í bakið á honum. Á yfirborðinu er þetta þó allavega allt saman æðislegt.
---
Ég var að frétta að Jón Ásgeir væri búinn að kaupa Internetið á 1.7 milljarða sem hann fékk að láni hjá NLI svo hann á líka það sem þú lest hér. Nei, grín.
---
Tölvan mín var í viðgerð hjá Tölvuvirkni sem eru góðir karlar. Alveg eins og Speedy Gonzales núna, tölvan. Og ekkert okur hjá Tölvuvirkni, sanngjörn þjónusta. Eigandinn er búinn að mæta þrisvar í mótmælin, sagðann mér, og öskra Ráðamenn eru aumingjar. Hann er alveg brjálaður. Svoleiðis manni geturðu treyst til að okra ekki á þér. Talandi um okur þá er Okursíðaní geðveiku blússi þessi dægrin enda á þetta "stöndum saman"-hjal greinilega ekki við alls staðar. Og nú erða átak með Ungum jafnaðarmönnum. Þeir ætla að draga gamla manninn með sér í framhaldsskólana þar sem ég á að deila visku minni um neytendamál. Fyrsta gigg er FB í hádeginu í dag, og svo framvegis.
---
Fyrir atvinnulausa mæli ég með að þeir gangi í VG. Ég er svoleiðis búinn að fá emailana síðan ég gekk í flokkinn. Allskonar gigg sem manni stendur til boða að mæta á, stundum matur og allt í boði. Svo í staðinn fyrir að veltast um í sjálfsmeðaumkun og peningaáhyggjum í atvinnuleysinu er bara að skella sér í VG og éta súpu og hlusta á röfl um málefni. Vinum mínum sumum er brugðið að ég hafi stokkið í VG. Spyrja hvort ég sé á móti ESB og sé sammála klikkuðu rembuliði eins og Sóley Tómasd. Ég segi auðvitað að því fleiri konur í stjórnum landsins, því betra, og er alveg sammála þessu sem konurnar voru að segja í Kastljósi í gær. Lets feis it, karlmenn eru fávitar! Þið getið bara hlustað á Sumarstúlkublús með Unun eða lesið þennan Bakþanka. Varðandi ESB. Tja, það lítur út fyrir að það sé eina vitið og ég er viss um að VG sjái það ljós eins og aðrir innan tíðar. Annars ætla ég að ganga í Samfó líka. VG er bara ekki nóg. Fyrst þessir tveir flokkar geta ekki drullast til að sameinast eða í það minnsta lýsa afdráttarlaust yfir að þeir ætli að taka við ruglinu þá verð ég bara að sameina mig í þeim (eða eitthvað þannig). Ef NÆS-flokkurinn kemur fram er svo aldrei að vita nema ég gangi í hann líka. Það væri móðgun við allt ef XD fengi fleiri tækifæri til að rústa landinu og Framsókn og Frjálsl eru drasl. Svo Sam-vg-næs eftir innan við hálft ár er eina vitið. Og þegiðu svo.
---

Nú styttist í deadlæn í Jól hjá skókassa verkefninu. Við Dagbjartur erum búnir að mixa saman kassa og þurfum að koma honum á sinn stað á laugardaginn, sem er síðasti skiladagur. Það er ágæt tilfnning að finnast maður vera góður. Smá jesúkomplex í hófi er ókei. Og ef maður skoðar myndirnar af krökkunum í Úkraínu sem fá pakkana þá fer maður hálfvegis að grenja inn í sér. Kreppan er tími til að vera góður. Ég keypti Neyðarkall og allt. Nei uss, maður á ekki að monta sig af (takmarkaðri) góðmennsku sinni.

03.11.08
Steingrímur Joð var svo góður hjá Agli í gær að ég er búinn að skrá mig í VG. Hlýt að fá gíróseðil fljótlega. Nú er bara að gera þessa gömlu ormakrukku Sjálfsstæðisflokksins og samkjötkatlandi hækja að ábúandi velferðarríki a la Skandó. Annars nenni ég ekkert að hanga hérna lengur borgandi og borgandi og borgandi án þess að eignast nokkurn tímann neitt eða lækka skuldirnar. Jamm, ég er kominn út úr skápnum. Nú erða bara hardkor VG, ekkert velgjulegt jakkafata Samfó neitt, þó þeir verði ábyggilega teknir með í næstu ríkisstjórn. Eru skástir. Steingrímur er foringjalegasti formaðurinn. Stendur upp eftir hryllilegar bílveltur, skokkar landið á enda, kjaftar minni spámenn í spað. Ókei, hann mætti alveg slaka á með netlöggutal, andstöðu við bjór (nei, hann er hættur því) og eitthvað annað svona einum of mikið hafavitfyrir-öðrum stöff, og hann mætti kannski bæta enn meira af háði og húmor í vopnabúr sitt, en að öðru leiti er hann réttur maður á réttum stað og fær mitt atkvæði sem og flokkurinn. 
---
Gott að koma þessu svona frá sér. Nú er ekki tími fyrir pókerfeis, vingulshátt og afstöðuleysi. Nú er ekki tími til að tauta: Það er sama rassgatið undir þessu öllu. Nú er einmitt tíminn til að smætta sig niður í fókuspunkt og taka afstöðu. VG!
---
Æ nei. Ég var að skoða hverjir aðrir eru í flokknum. Var búinn að gleyma að sumir eru ansi trénaðir og ekki beint eitthvað sem ég kaupi. Tja, eru ekki allir flokkar fullir af vitleysingum hvort sem er? Læt það ekki bögga mig. Áfram VG!

02.11.08
Þegar á hólminn er komið nenni ég aldrei í þessi mótmæli. Ég veit ekki alveg hvað málið er, kannski langar mig bara til að eyða frídeginum með fjölskyldunni í annað en að glápa á Hörð og Sturlu og brjáluðu unglingana með svörtu fánana og gömlu verkalýðsforingjana og hlusta á reitt fólk. Ég er alveg reiður líka, sérstaklega þegar ég sé gagnslausa stjórnmálamenn byrja að ljúga enn einu sinni að okkur, eða sé milljarðamæringinn glotta og halda áfram í sínu rugli, en ég get fengið þeirri reiði útrás annars staðar en endilega á Austurvelli kl. 15 á laugardegi. Til dæmis með því að hamra hana á lyklaborð. Aldrei að vita samt nema maður drattist einn daginn á svæðið, enda stendur þetta líklega áfram um sinn. Svo mætti kannski hugsa þetta öðruvísi svo að "venjulegir plebbar" mæti líka á svæðið, ekki bara ðe usual suspects. "Venjulegt fólk" mætir þúsundum saman ef pulsa og prins býðst frítt, eða ný búð opnar, svo kannski ætti að fá spons á mótmælin, pulsu á línuna og tíundi hver fær eitthvað glingur? "Venjulegt fólk" er alveg reitt líka, en nennir þessu kannski ekki endilega svona, fær aumingjahroll út af heilsíðuauglýsingum frá Ástþóri eða Sturlu. Kannski erfitt að banna vitleysingjum að leggja þessu lið samt. 
---
Hef sett inn nokkra Um:kjallara sem ég skrifaði í DV 05-06. 
---
Netlíf er um netlíf.
---

Ég ætla að horfa á Jón Ársæl í kvöld enda eru tveir meistarar hjá honum, einskonar real life Eyjólfur og Magnús ("dáinn..."). Nánar.

01.11.08
Mó mó mótmæla! Klukkan 14 Hlemmur --> Klukkan 15 Austurvöllur. Gó nöts. Samt ekki tótallí.
---
Ætlaði á nýju James Bond í fyrragær. Svaka boðssýning í Smárabíói sem ég var með miða á. Klæddi mig upp í teinóttu góðærisjakkafötin mín og tók Steina Sleggju með sem sömuleiðis var í sínu alfínasta pússi. Við tókum smá áðí fyrst á TGIFridays, sem er nú að verða full dýr fyrir minn smekk (síðast þegar ég vissi var Rubys ódýrarari). Smekkfullur af eðalmat reiddi ég fram gullbryddaða forsýningarmiðana í lúgunni. Þar varð stelpan eitthvað furðuleg, sletti í góm og ranghvolfdi augunum. Eh, þetta er ekki fyrr en eftir viku, sagði hún svo varfærnislega og horfði með meðaumkun í svip á fávitann. Vá, hvílíkt rugl! Maður búnað vera spókandi sig í Smáralind lítandi út eins og einhver greiningardeildarlúði fyrir ekki neitt. Lá því leiðin í pool í Lágmúla. Það var fínt.
---
Teinótt jakkaföt öll rifin og með nælum og barmmerkjum – er það framtíðin í krepputískunni? Hvað með Höfðatorg, hálfkaraða ferlíkið í Borgartúni, wall street Íslands? Hvað með Tónlistarhúsið á bryggjunni? Kemur 2 milljarða glerdraslið hans Óla El aldrei utan um þetta heldur korkur eða bárujárn? Munu öll þessi hálfbyggðu hús standa grotnandi um ókomna tíð, minnisvarðar um ofmat og þennslu, gapandi draugar góðærisins? Það eru alltaf sömu mistök gerð á Íslandi. Í góðærisvímu (byggðri á lánum eða álrugli) gleyma menn alltaf aðalatriðinu: Á ÍSLANDI BÚA BARA 320.000 MANNS (og fer fækkandi) OG VIÐ ERUM EKKERT SVO SPES ÞÓTT VIÐ SÉUM ÁGÆT!!! Nei nei, allir leggjast í maníu, halda að skerið í ballarhafinu sé miðpunktur alheimsins og ösla af stað út í fyrirsjáanlegt gjaldþrot. NFS, Sirkus, Höfðatorg, hvað þetta heitir allt saman... allt heila klabbið, sandkastalar og pappakassar utan um ekki neitt og allt á keyrslu kókaínfíkilsins. Rugl. Jæja, veit ekki. Kannski betra en að vera eins og Danir samt! Nei, eða já, eða kannski.
---
Rokkhalarnir í Rvk! hafa gert myndband við lagið Kate Bush þar sem draugablokk góðærisins í Höfðatorgi kemur við sögu. Ég veit ekki hvort þetta sé vísun í Empire State Warhols, en þetta er allavega nógu leiðinlegt til þess. Gott lag samt!
---
Smá kreppuskrípó: http://www.veigar.is/skripo/
---
Og nú, ókeypis auglýsing fyrir vini mína á Rúv:

Rúv mætti nú samt alveg hætta að vera alveg svona æst í auglýsingabransanum svo einhverjir aðrir nái að tóra í þessu fámenni og fátækt allri. Hvað svo sem segja má um yfirburðagæði Rásar 1 og Rásar 2, þá er það einfaldlega ekki fair hvernig Rúvið tuddast á dvergum í auglýsingaæsingi sínum. Batteríið fær 3000 millur á ári frá mér (og þér), sí svona, og þarf svo að vera með pottleiki og beinar plöggútsendingar frá Skrúfa 2009 on top of þatt. Þetta er náttúrlega algjört rugl. Maður á að fá frí fyrir auglýsingaviðbjóði, sérstaklega þar sem maður er nefskattlagður og fær engu ráðið um það. Heyrirðu það Þorgerður Katrín!
---

Sprengjuhöllin - Deus, Bóas og/eða kjarninn
Sprengjuhallar eru ekkert að tvínóna við þetta, ekki frekar en Bítlarnir, og hamra járnið og koma barasta strax með plötu #2, Bestu kveðjur, ári eftir Tímana okkar. Svona á þetta að vera, ekkert helv hangs. Hér er eitt af lögunum 15, eitt af mörgum sem húkka biggtæm. Ég get ekki betur heyrt en að platan sé "stútfull af eyrnakonfekti" og að "hver poppsnilldin reki aðra" og að strákunum "fari hratt fram í laga- og textagerð". Hér er fréttatilkynning frá höfuðstöðvunum:

Kæru landsmenn!

Tónleikar vegna útgáfu breiðskífunnar "Bestu kveðjur" með Sprengjuhöllinni verða haldnir í Íslensku óperunni þriðjudaginn 11. nóvember. Miðasala hefst í dag, 31. október á midi.is, en miðar verða einnig seldir frá kl. 10 á tónleikadag í símasölu Óperunnar og frá kl. 14 í húsakynnum hennar við Ingólfsstræti. Miðaverð er 1500 krónur. "Bestu kveðjur" verður til sölu á tónleikum á sérstöku tilboðsverði.
Tónleikarnir verða í veglegri kantinum. Sprengjuhöllin mun leika lög af nýútgefinni plötu sinni í bland við eldra efni. Strákarnir verða í sparifötum og eru þegar farnir að bóna hljóðfærin. Kálfasprikl og einlægnisgrín verður þó ekki langt undan. Sérstakir gestir sjá um upphitun. Kynnir kvöldsins verður Árni Vilhjálmsson söngvari í hljómsveitinni FM Belfast. Þverfaglegt teymi heimspekinga og stærðfræðinga hefur setið sveitt í hópavinnu undanfarið og komist að þeirri niðurstöðu að ekki sé möguleg skemmtilegri leið til að verja Reykvísku þriðjudagskvöldi í nóvember heldur en að kaupa sig inn á þessa tónleika.

Nánari fréttir
Breiðskífan "Bestu kveðjur" kemur út föstudaginn 7. nóvember. Plötunni er ætlað það frábæra hlutskipti að fylgja á eftir hinum vinsæla frumburði sveitarinnar, "Tímarnir okkar", sem sló í gegn síðasta haust, og er hún vel til þess fallin enda beinlínis stútfull af því sem Sprengjuhöllin gerir best: mannlegum tilfinningaskala pökkuðum niður í þriggja mínútna popp-útgáfu. Á plötunni, sem tekin var upp undir stjórn hins virta Valgeirs Sigurðssonar, eru fimmtán lög og með henni fylgir 50 blaðsíðna bæklingur. Mikið hefur verið vandað til verka við útgáfu plötunnar og ef vel er lagt í hlustir má heyra kraumið í hjarta, lungum og sál hljómsveitarmeðlima á lögunum. "Við erum með allt okkar undir," segja Sprengjudrengirnir og ólíkt útrásarvíkingunum þá eru þeir ekki með lygaramerki.
Forhlustun á "Bestu kveðjur" fer fram á tónlistarsíðunni www.tonlist.is miðvikudaginn 5. nóvember og fimmtudaginn 6. nóvember. Þá geta áhugasamir hlustað endurgjaldslaust á plötuna áður en hún kemur í búðir. 
Á útgáfudegi mun Sprengjuhöllin leika lög af "Bestu kveðjum" í beinni útsendingu í Popplandi á Rás 2 milli 15 og 16. Að kvöldi sama dags verður hljómsveitin svo einnig send út beint í skemmtiþætti Loga Bergmanns á Stöð 2.
Fyrsta lag plötunnar, "Byrjum upp á nýtt (Bestu kveðjur)" er þegar komið í spilun á útvarpsstöðvum landsins og hafa móttökurnar verið frábærar. Lagið er hvatningaróður sem blæs með sér óð um bjartari tíma. Eitthvað sem við þurfum öll verulega á að halda nú um stundir.
Í tilefni af útgáfu "Bestu kveðja" hefur Sprengjuhöllin ákveðið að gefa út póstkort í sex mismunandi útgáfum og dreifa endurgjaldslaust til fólks. Póstkortin eru tilvalin sem jóla- eða afmæliskort eða sem tilgangslausir safngripir. Þeim fylgir a.m.k. hlýr hugur frá meðlimum Sprengjuhallarinnar sem vilja landsmönnum allt hið besta á þessu sérstaka hausti.
Sprengjuhöllin mun koma fram ásamt hljómsveitinni Hjaltalín á Tónleikahúsi Fjarðarbyggðar á Eskifirði 14. nóvember og á Hótel Valaskjálf Egilsstöðum 15. nóvember.
Fleira var það ekki. Bestu kveðjur, Sprengjuhöllin

30.10.08
Hér má heimta að fá að kjósa. Kjósa hvað? Allt annað en þetta!!! Til dæmis NÆS!
---
Ég hef lesið Nýja Ísland eftir Guðmund Magnússon. Þetta er ágæt bók þótt þetta "Nýja Ísland" í titlinum sé reyndar ekki það "Nýja Ísland" sem nú stendur til að reisa úr rústunum heldur "Sturlaða Ísland" sem nú er dautt. Bókin rekur þróun íslensks samfélags frá því jafnaðarsamfélagi sem hér var við líði fyrir örfáum áratugum í mannætumisskiptingarsamfélag Sjálfsstæðisflokks DO&co og hækja þeirra sem féll með brauki og bramli á dögunum. Augljósar táknmyndir þessarar þróunar eru Kristján Eldjárn, hinn siðfágaði down-to-earth alþýðumaður sem allir litu upp til, yfir í ÓRG, sem best er að segja sem minnst um. Mörg kennileiti á þessari ógæfuferð eru nefnd sem gaman er að minnast og Guðmundur er þokkalega ósáttur við þróunina. Hann hefði kannski mátt vera ennþá meira afgerandi á móti þessu og mun harðari og óvægnari – sérstaklega þar sem sú rétta skoðun "vann" og ruglið "tapaði". Ég var að spá í að hafa þetta "rétta" þarna í síðustu setningu innan gæsalappa, en þess þarf ekki. Þriggja stjörnu bók. 
---
Hörður og Kolfinna hafa eðlilega hætt að rífast og ganga nú saman niður Laugarveginn með öllum hinum. Nú á að mæta kl. 14 á Hlemm á laugardaginn og þramma niðreftir. Þar hefst svo fundur kl. 15. Ég spái að það mæti 500 skv. löggunni. Það gengur annars illa að hafa mótmælin of lítið eða of mikið skilgreind til að allir séu sáttir og svo má alltaf finna eitthvað nýtt að þessu, eins og til dæmis að lúkkið á plaggatinu sé alltof mikið kommanasista eitthvað. Orri í Sigur Rós og Snorri Ásmunds eru einmitt þekktir kommanasistar svo þetta umkvörtunarefni er greinilega réttmætt og gott að hafa svona á kantinum til að þvæla málin með og auka á þusið. 
---
Ég, auðkýfingur er nýjasti Bakþankinn. Skást finnst mér línan: "Ég hefði eiginlega þurft að láta græða á mig aukatyppi til að njóta gæðanna til fulls". Konur skilja þetta kannski ekki, en karlmenn ættu að gera það. Þessar línur: "Græðgi er góð" og "Græðgin er eimreiðin sem dregur líf okkar til bjartrar framtíðar" eru úr raunverulegum pistlum sem birtust í miðjum veikindunum. Ég fékk þær úr bókinni Nýja Ísland. Fyrri línan, "Græðgi er góð" er úr samnefndum pistli Björgvins Guðmundssonar, seinni úr pistli Geirs Ágústssonar, "Græðgi er vanmetin". Báðir birtust í Fbl árið 2005. Ef ykkur kitlar í fleiri fáránlegheit í þessum dúr má benda á Andríki þar sem sonur Davíðs Oddssonar og fleiri jöfrar fara á kostum í auðmýkt sinni gagnvart lífinu og elskulegheitum út í mannkynið.
---
Frændur okkar í Færeyjum koma hlaupandi með fullt af monní fyrir okkur ræflana sem drukku yfir sig. Ég hef aldrei komið til Færeyja en þarf að drífa í því. Þegar ég flýg heim með Icelandairvél fæ ég iðulega yfir mig svona samnorrænan fíling sem ég lofa sjálfum mér að rækta en geri svo aldrei neitt í. Besta band í Færeyjum með passlegan titil, takk fyrir:

200 - Tað stóra bankaránið
200 er rokkbólkur. Sang guit Niels Arge Galán, Bass Mikael Blak, Drums Uni Árting. Af ein fløga Viva La Republica frá 2005. (200)
---
Ég er líka mjög spenntur fyrir Grænlandi og bar einu sinni þá framtíðarsýn í brjósti að verða fullur á Hótel Nuuk á gamlárskvöldi og ná mér í grænlenska eiginkonu í kjölfar gríðarlegs fyllirís. Þetta var vitanlega löngu áður en núverandi hjúskaparstaða kom upp. En hvað með Grænlendinga? Eiga þeir ekki aur handa stóra fulla bróðir? Við erum öll svaka sorrí að tala ekki meira við ykkur svona dags daglega, en nú erum við svaka dán og át og þætti vænt um smá klink fyrir einum öl. Plís... Ég ætla allavega að vera reddí með eitt grænlenskt lag á kantinum...

Sume - Eqqasuuteqarneq
Sume (Hvar) ku vera fyrsta rokkband Grænlands og þetta lag er af fyrsta LPinu frá 1973. Sú plata mun hafa slegið öll sölumet miðað við allar hugsanlegar höfðatölur þegar 20% þjóðarinnar keyptu eintak. Ulo music plötufyrirtækið gaf þetta út. Ég man líka eftir rappbandinu Nuuk Posse sem var nokkuð gott. Atlantic studio er með allskonar grænlenskt á mæspeis. 
---
Ég get nú alveg verið með svona "bréf frá lesendum" eins og Egill...

Kardimommubær
-          ) fundurinn í Iðnó var magnaður: Bjarni Harðarson að reyna að hemja Sævar Ciesielski, haha, þetta var bara Kardemommubærinn endurvakinn, líka út af því hvernig Iðnó er innréttað. ótrúlega fyndið. stendur til að halda fleiri svona fundi, - þetta er amk skref í átt til (Kardemommubæjar)lýðræðis, þó að fjölmiðlar hafi gert það sem þeir gátu til að hundsa fundinn (5. frétt á RÚV, ekkert í Fbl, klausa í Mbl).
Það þarf að fara að vakta ísl. Fjölmiðla, - orðnir hættulega fáir.
-          ) hvert áfallið dynur yfir þjóðina. Ljónsynjan er farin: Leoncie er ekki lengur íslensk. Þarf Sigurjón Kjartansson áfallahjálp?
---
Pólitík í útlöndum er líka leiðinleg
Samtök og Flokkar eru ekki málið. Ég er þreytt á Flokkum og ekki núna fyrst í "Kreppunni" og "Kreppulausnarúrræðaoglausnaumræðujarminu". 
Nokkur síðustu ár í Kosningum til ráðs og stjórnar kaus ég til þess að sá sem ég hafði minnst álit á fengi lægra hlutfall með sér vegna þess að það var ekki hægt að skila auðu. 
Svo þarf ég líka að koma öðru að: Erlendir fjölmiðlar og almenningur í útlöndum hefur ekki misst álit á Íslandi og Íslendingum. Það er fréttaflutningurinn á Íslandi sem vekur þessa hugmynd. 
Evrópa snýst ekki um Ísland. Úps... sorrý að vera boðberi slæmra frétta.  Ísland er ennþá talið vera frábært land til að heimsækja. Almenningur nennir ekki að vera pólitískur, Pólitík í útlöndum er líka leiðinleg og vonlaust dæmi til að leysa úr.
En fyrst þú (Dr. Gunni) hefur núna næstum fengið pólitíska stöðu, gætirðu ekki fengið pólitíkusina til að samþykkja að fyrst að Systemið hrundi, að það sé tímabært að gefa fólkinu valdið til að velja: "Enginn af ofantöldum hefur traust mitt" á næsta Kjörseðli. Þú hefur nuddognauð-valdið.
Ég er mamma og hef reynt að stjórna upplýsingaflæði til barnanna, en það virkar ekki... þær virðast vera að tala við fólk út um allan bæ. 
Krakkarnir í dag eru ekkert minna uppreisnarfull en verstu RokkPönkarar. Finnst þér ekki vera uppreisn gagnvart okkur mömmum og pöbbum í dag að vera talin Krúttforeldrar?
Amk, Ég ætla ekki að hætta að kjósa, er það ekki eina leiðin til að hafa áhrif á ákvörðunartöku... ?!!! 
---
Losnum við skítapakkið
Er sammála þvi að enginn nennir gamla Íslandi aftur. Held þó að þessir skíthælar sem hafa nýverið beðið herfilegasta skipbrot seinni tíma muni reyna að halda í valdastólana og kjötkatlana af öllu afli. Sjáðu t.d að DO er ekki búinn að segja af sér þrátt fyrir að hafa kúkað ekki bara upp á bak heldur upp á háls. Allt talið um að nú sé ekki tímabært að leita að sökudólgum heldur þurfi að standa saman þýðir: "Við ætlum að reyna að tefja málið endalaust þangað til þið gleymið hvað við erum mikið skítapakk, þið hafið alltaf gert það svo ætlum við í rólegheitum að setjast í feit embætti þar sem ekki er hægt að hagga við okkur, þiggja 2föld laun og halda áfram að stjórna öllu eins og venjulega"
Því miður get ég ekki séð að samfó sé neitt skárri
Almenningur þarf að mótmæla með allsherjarverkföllum og látum til að eitthvað gerist og það mun varla gerast það eru allir svo smeykir um lánin og húsin og bílana og visakortin og allt ruglið að engin mun gera neitt.
Jæja nóg af svartsýnisrausi ég vona að  við losnum við skítapakkið.
ps. Ég er nú þegar farinn af landi brott, ákvað í vor að koma mér og sé sko ekki eftir því
---
Fighter instinct
So, are you guys making it through the disaster up there? 
Every time I hear something about Iceland I actually think back to that book the "History of Iceland", and I think about how this will be another chapter of how things went really bad really quickly, but eh we made it through it.  I have complete faith you guys will do it, from your past it seems to run in your blood, besides you live on a volcanic Island that is cold, just living there shows some signs of a fighter instinct.
---
Sannleikurinn kemur fyrst fram þegar klíkurnar eru alveg fallnar
Ég er nú löngu hættur að þykjast vita neitt... en samfó virðist vera alveg sama krimmadæmið og sjálftökuflokkurinn og framsóttin.  Flestir atvinnu stjórnmálamenn eru amk. sekir um glæfralega stjórnsýslu og landráð af gáleysi.  Flestir í XD og Framsóknar klíkunum eru sekir um mun meira, og samfylkingin er samsek, m.a. fyrir að henda frá sér öllum prinsippum til að koma krumlunum betur ofan í kjötkatlana.  (Ég var t.d. persónulega vitni að kjötkatlakappinu hjá Helga Hjörvari þegar hann var í borgarstjórn.)
Þannig að þar er "nýji æðislegi flokkurinn" með Einari Má, þér, kannski Gumma pabba Bjarkar, o.s.frv. Ertu ekki til?  Það verður einhver að taka við... (og að fá fleiri konur væri fínt, en ekki konur eins og bankastýrur sem fá gefins 200 millur eða flokkastýrur giftar bankalygamörðum með 19 millur á mánuði í laun).
Það væri fínt að fá VG inn líka: Steingrímur og Ögmundur virðast minna sekir en aðrir.  Þeir er helst sekir um að þegja: það er greinilegt að þeir eru ekki að segja allt sem þeir vita.  (Það er augljóst að fullt af fólki er að þegja núna, í biðstöðu eftir hvort gömlu klíkurnar munu lifa--og við munum aðeins heyra sannleikann þegar klíkurnar eru alveg fallnar.)
Ég er líka sjálfur hrifinn af sterkum Noregstengslum, eins og VG hafa verið að ýta undir.  Það er augljóst að við getum ekki lifað með Íslenskann gjaldmiðill, seðlabanka, FME, o.s.frv.  En hinsvegar höfum við *alls enga* samningastöðu við ESB!!  Að fara í ESB núna mun vera hræðilegt til lengri tíma litið: við fáum engu að ráða núna, af því við komum grátandi, og engu í framtíðinni, af því við erum svo lítil.
Ef það er hægt að dobbla Norsarana til að sjá aumur á okkur, þá gætum við sett upp nokkuð ek. hagsmunabandalag, og samið um inngöngu í ESB sameiginlega einhverntíma síðar.  Þá yrði samningsstaðan allt önnur, enda værum við vonandi komnir yfir dýpsta dalinn, og værum að semja sameiginlega um stórt hlutfall af öllum náttúruauðlindum á norðurslóðum.  Í millitíðinni værum við með norska krónu, norskt FME og Seðló, og gætum samið við Norðmenn um að sjá um sendiráðin fyrir okkur (slútta þeirri vitleysu).
Eins og ég sagði... ég veit ákkurat ekkert.  En mér líst ekki a Samfó: það er virðist vera ávísun á sama klíkuskapinn, nema með allt sjálfræði í Brussel.
Sjáumst á Hlemmi kl. 2 á laugardag?

Jú er það ekki gefið mál? Svo er að sjá hvort NÆS komist á koppinn. Ég er að sjálfssögðu alveg til. Ef enginn annar ætlar að gera eitthvað verður maður bara að gera það sjálfur. Þannig var það í pönkinu og DIY-mottóið á alveg vel við ennþá. "Það er ekki spurning hvað maður getur heldur hvað maður gerir!"

29.10.08
Síðasti séns til að skila inn skókassa fullum af dóti fyrir munaðarlaus börn í Úkraínu er 8. nóvember. Ég veit ekki um þig, en við hér eigum fullt af dóti sem við getum gefið, meira en nóg og alltof mikið. Ég held að nánast allir Íslendingar eigi alltof mikið af öllu og það er bara andleg hreinsun að koma því nothæfasta í hendurnar á öðrum sem langar meira í það. Kannski verður samt aðalvandamálið að finna skókassa, en kannski má þetta vera annars konar kassi í svipaðri stærð? Skókassaverkefnið er með heimasíðu!
---
Enn eitt gleðiskeytið úr seðlabankanum - 18 prósent stýrivextir. Veiiii! Hjálp! Æ, ég veit það ekki. Á maður að byrja að sækja fundi hjá Samfylkingunni eða VG (eða sameinuðu framboði þessara flokka sem mér fyndist ábyrgðarfyllsta múvið hjá þessu liði. En það er nú ekki eins og þetta fólk sé að hugsa um ábyrgð eða geti hugsað út fyrir rammann). Hvern þremilinn á maður eiginlega að gera? Hvar finnur maður sér skjól? Hvar er réttast að beyta sér til að stýra eigin framtíð út úr morknu andleysi íslensks klíkuskapar? Það er ljóst að það þarf að taka til. Henda út tröllum og draugum. Koma valdasjúkum fábjánum frá, þeim sömu og ætla nú að taka til í rústum eigin mistaka og senda mér og þér reikninginn. Margir vilja meina að Evrópusambandið sé eina leiðin til að sú tiltekt fari fram af einhverju viti. Þá loks losni ævagömul valdakrumla af landinu. Það hljómar eins og það gæti verið málið, en engin almennileg umræða á einföldu alþýðumáli hefur farið fram um kostina og gallina við ES. Ef þetta á að ræðast verða allir bara ægilega reiðir og byrja að öskra.
---
Hörður Torfa og Kolfinna, fyrrum félagar í Nýir tímar hópnum sem ég var í fyrir áeggjan Bigga í GusGus, eru farin að rífast. Hörður vill enga póltík og byrjar að mótmæla kl. 15, Kolfinna vill pabba sinn með og byrja kl. 16. Ég er viss um að Davíð Oddsson og vinir hans hlæja eins og kitlaðar hýenur yfir þessu rugli, enda er þetta auðvitað bráðfyndið og alíslenskt kaos. Skynsamlegasta aðgerðin virðist vera borgarafundurinn í Iðnó. Þar var trúverðugt lið. Ég væri til dæmis alveg til í fylkja mér á bakvið Einar Má Guðmundsson ef hann byði sig fram til forseta eins og Ármann hefur stungið upp á. Já og þess vegna ef honum dytti í hug að verða pólitíkus. Nú geta allir boðið sig fram í stjórnmál, sama hversu ólíklegir þeir líta út fyrir að vera. Ef einhver byrjar að þusa, huh, hvað þykist þú geta í þessu djobbi, verður einfalt að svara: Já einmitt, eins og það sé eitthvað hægt að klúðra þessu eitthvað meira en hinir rosalega "hæfu" Sjálfsstæðismenn eru nú þegar búnir að gera. 
---
RÉTTRÉTTRÉTT!!! "Venjulegt" fólk hefur ekki verið sett í efsta sæti á forgangslista ráðamanna síðustu árin, heldur slegtið. Burt með þessar afætur og meindýr! Venjulega fólkið öskrar á byltingu!
---

Ruddinn - I need a vacation
Ruddinn þarf frí. Heiða syngur það með honum. Þurfum við ekki öll frí? Tja, kannski ekki ég, var að koma út fríi. Þetta er nýtt lag með Ruddanum og síður en svo eitthvað ruddalegt. 

28.10.08
Hér sagði ég frá þeirri skoðun minni að ekkert muni breytast á Íslandi. Sjálfsstæðisflokkurinn fær alltaf 30% atkvæða. Jafnvel þótt uppvíst yrði um mannát í Valhöll. Nýjasta skoðunarkönnunin, í miðju þessu tótal klúðurs alls þess sem XD stendur fyrir, er einmitt þannig. 30% eftir sem áður. Og þar á undan allt ruglið í Borginni. Skiptir engu. Alltaf 30%. Hvar er vegabréfið mitt?
---
Var á Akureyri þar sem vetur er genginn í garð með gríðarlegum þunga. Það var allt á kafi og gríðarleg viðbrigði að koma þarna. Á móti kom að ég hugsaði ekki einu sinni um kreppu. Fjölskyldan lagðist í ælupest svo þetta var hálf endasleppt en við náðum bestu bitunum náttúrlega: Jólagarðurinn, 2x Brynju, Greifinn, Frúin í Hamborg. Ég gerði ágæt kaup á vinýl í Frúnni, en þar er eins og vitað er besta vinýlúrval norðan Esju. Ég náði í ágætt eintak af London calling og Black market clash 10" með Clash og fyrstu LP Devo með enska slífinu. Auk þess I am the Walrus með Bítlum á rispaðri umslagslausri 7" og þetta hér, sem ég keypi eingöngu vegna hins nöturlega titilsins:

Roy Wood - Music To Commit Suicide By

Roy þessi er mikill skeggapi og fór fyrir bæði The Move og ELO í byrjun. Þá er hann þekktur fyrir að hafa samið ömurlegasta jólalag allra tíma, sem jafnvel er enn ömurlegra á íslensku, með sveitinni Wizzard. A-hlið singlunnar úr Frúnni er algjört Bítsbojsföndur, enda segir á leibelmiða: "With sepcial thanks to Brian Wilson and Neil Sedake for their influence":

Roy Wood - Forever

24.10.08
ÁBYRGÐ, VALD OG ÞJÓÐ
MÁLÞING Í HÁSKÓLABÍÓI LAUGARDAGINN 25.OKTÓBER 2008 kl. 12-14

Íslenskt samfélag kraumar þessa dagana. Reiði og angist vegast á við endurmat og bjartsýni, lýst er eftir nýrri framtíðarsýn. Allir þurfa að leggja sitt af mörkum. Fræðimenn háskólasamfélagsins þurfa að líta í eigin barm en ekki síður bjóða fram krafta sína til að greina ástandið og leita nýrra leiða. ReykjavíkurAkademían hefur kallað til þings nokkra málshefjendur í því skyni, sem munu flytja stutt og snörp erindi.
Ýmsar spurningar brenna á fólki: Hvar er ábyrgðin, hvað felst í henni? Hver er ábyrgð valdhafa, viðskiptamannanna? Hver er ábyrgð fjölmiðla? Er hægt að tala um ábyrgð þjóðar? Var spilað á þjóðernistilfinningu Íslendinga  þegar útrásin var mærð?
Hvar er valdið, hvernig verður það til og hvernig er því haldið við, hvar eru mörk hins pólitíska valds, valds embættismanna, valds fjármálamanna? Virkar lýðræðið? Hver er hlutur ríkjandi orðræðu í viðhaldi valdsins?  Hvað varð um gagnrýna hugsun í útrásinni? Hvaða hlutverki gegna menntamenn í gagnrýninni orðræðu?  Hvernig koma þessir hlutir þjóðinni við?

Frummælendur:
Árni Daníel Júlíusson: Ábyrgð menntamanna og gagnrýnin  hugsun
Eiríkur Bergmann Einarsson: Bóndi, sjómaður eða bankagjaldkeri - hvernig mótast sjálfsmynd og ímynd Íslendinga?
Guðni Th. Jóhannesson: Saga hrunsins
Hallfríður Þórarinsdóttir : Valdið og þrástef þjóðernishyggjunnar
Haukur Már Helgason: Vandinn er kapítalismi
Jón Ólafsson: Ábyrgð í alþjóðasamskiptum: Er ímyndin farin þar - líka?
Lilja Mósesdóttir: Viðskiptafræði á tímum útrásar
Sigríður Þorgeirsdóttir: Ábyrgð á fortíð og framtíð
Silja Bára Ómarsdóttir: Stóri sannleikurinn – hugmyndafræði sem vald
Þórólfur Matthíasson: Að bjarga Austfjörðum og drekkja Íslandi
Fundarstjóri er Viðar Hreinsson
Allir velkomnir
---
Aftur er það Austurvöllur, á morgun, og klukkan 16. Nú er krafan ekki sú einfalda "Burt með Davíð" heldur "Rjúfum þögn ráðamanna". Gomma af liði tekur þátt í þessu eins og lesa má um hér. Á Akureyri er líka mótmælt við Ráðhústorgið kl. 16. Einnig er aksjón á Seyðisfirði. Það koma örugglega 500 að sögn löggunar. Ég mæti – nei í alvöru! Ég dauðskammast mín fyrir að koma ekki síðast. Við höfum engu að tapa nema yfirdrættinum!
---
Það er hiti í mannskapnum, enda Nýtt Ísland að rísa. Blankheitin leyfa ekki annað. Það er Nýir tímar sem ku standa fyrir gigginu á morgun. Svo ætlar fólk að halda borgarafund í Iðnó á mánudagskvöldið. Einar Már Guðmundsson, Vilhjálmur Bjarnason og fleiri og fólk á að mæta og spyrja og spekúlera. Gæti orðið upphafið að einhverju. Ellen og KK og Pétur bróðir þeirra ætla að halda þjóðfund helgina 8-9 nóv en hafa ekki fundið stað ennþá. Og svo erða Bubbi, Stuðmenn og aðrir popparar sem gera gigg í Laugardalshöll 15. nóv. Altso, fullt að fokkings gera, en dáldið hver í sínu horni. Svaka deigla. Best væri ef allar ár myndu renna í sama haf.
---
Haukur Már gerir Dagblaðið Nei í kreppunni. Átta tölublöð þegar komin út. Sjá hér.
---
Hér verður fylgst með því hvað stjórnvöld ætla að gera fyrir ofur-skuldsett íslensk heimili. Miklu hefur verið lofað, ekkert efnt ennþá. Gott framtak. Og hér er Nískupúkinn ef þú skyldir ekki vita af honum.
---
Baggalúts Nýja Ísland er hér.
---
Á Mannamáls síðu Sigmundar Ernis eru bæði ræður Einars Kárasonar og Mikaels Torfasonar úr þættinum. Og sitthvað fleira á leiðinni...
---
Tveir spurningaþættir eru starfandi í sjónvarpi í dag. Singing Bee er eins og að vera á árshátíð með fólki sem maður þekkir ekki neitt og Útsvar er svona og svona. Það sem mér finnst skrýtnast við Útsvar er að sama fólk og í fyrra er í flestum liðunum að keppa aftur. Eins og alltaf væru sömu böndin í Popppunkti. En á þessu eru undantekningar eins og lesa má um í Fbl í dag. Hinn landflótta Bjarni Ármannsson keppir ekki í ár fyrir Akranes en í stað hans er kominn súperkomminn Albaníu-Valdi. Tímana tákn?!
---
Og meira úr Fbl í dag:
Enn meira krúttkjaftæði e. mig
Þjóðfélagið er "óvart" að hruni komið vegna dauða frjálshyggjunnar. Harðæri blasir við, svokallaður lurkur. Enn meira aðkallandi spurning undanfarna daga heldur en - hvað eigum við að gera? - hefur verið spurningin: Er krúttið dautt?
Þar sem krúttin hafa aldrei verið til, að minnsta kosti ekki í hugum þeirra sem krúttstimpilinn bera, eru þau auðvitað ekki dauð. Það sem aldrei hefur verið til getur varla verið dautt, eða hvað?
Af mannvonsku hefur verið sparkað í þá í rifnu lopapeysunum, sem söngluðu Sæljón sæljón, spiluðu á sílafón og vöktu fjölmörgum gleði og mannlega samkennd, ekki síst útlendingum. Af hverju voruði ekki meira pönk? æpir lýðurinn. Ætliði að fara að pönka núna? Kommon, meira pönk!
Eins og pönkið sé eitthvað að fara að koma aftur.
Í þessum hræringum öllum hlýtur auðvitað einhverjum að detta eitthvað nýtt í hug til að tjá sig um. Neyðin kennir naktri konu að spinna og rokkara sem hefur aðallega sungið um tittlinginn á sér til þess að leggja eitthvað til málanna í "Nýja Íslandi". Það er óhugsandi annað en að textagerð næstu missera verði meira "djúsí" en til þessa.
Reyndar á saklaus og "innihaldslaus" skemmtun kannski alveg eins vel við í kreppu og í góðæri, hvort sem hún kallast "krútt" eða eitthvað annað. Biggi í Maus var að kvarta yfir því í Mogganum að böndin á Airwaves hafi ekki verið nógu róttæk á sviði, að enginn hafi tjáð sig nema Gus Gus, sem æpti "Burt með Davíð!" Vinur minn sem stundaði hátíðina stíft er alveg ósammála Bigga. Hann var bara feginn að fólk var ekki að tala um ástandið uppi á sviði líka. Það var alveg nóg að allt annað væri lagt undir þetta, fannst honum.
Svo kannski breytist ekki neitt. Þeir sem hafa "sagt eitthvað" halda því áfram, en hinir sem telja sig "skemmtikrafta" og hafa ekki tekið beina afstöðu halda því bara áfram. Kannski verður poppið á "Nýja Íslandi" bara alveg eins og í því gamla.
---
Kristinn Pálsson segir í gestabók að "krútt" sé það sem er kallað "twee" á ensku og nefnir nokkur erlend bönd til sögunnar. Öll þessi ensku "twee" bönd eiga lítið sameiginlegt með íslensku "krútt" böndunum, en því meira sameiginlegt með böndunum Bag of Joys, Texas Jesús, Rúnk og
Dýrðin, eins og Magnús Axelsson bendir á í gestabók. Þessi bönd eru því hin raunverulegu íslensku "krútt" bönd. Gerður Kristný var því á villigötum þegar hún fann orðið upp í Mannlífi forðum. Sigur Rós, Amiina, múm o.s.frv. eiga því skilið annað samheiti, eitthvað alvarlegra – svona ef það á á annað borð að klína einum stimpli á þessa listamenn. Hvað er barnalegt en samt alvarlegt (öfugt við barnalegt og léttleikandi eins og hin réttu íslensku krúttbönd)? Einhverjar hugmyndir? Nýtt orð plís (í gestabók) og allir sáttir. Við fáum kannski aldrei að vita hvað nýja tónlistarhúsið á bryggjuna mun heita, en við getum þó allavega nefnt krúttin upp á nýtt.

23.10.08
Þegar búið er að telja öll atkvæði í alþingiskosningum þessarar síðu sem hófust kl. 7 í gær og stóðu í sólarhring er þetta niðurstaðan:

Stjórnarmyndunarviðræður Samfó og Næs (Nýja æðislega stjórnmálaflokksins) eru þegar hafnar. Fyrsta mál á dagskrá er að hætta þessu rugli og fara strax að betla evru og Eb. Sá gríðarlegi fjöldi sem skilaði auðu hefur hátt og vill fá eitthvað fyrir sinn snúð. Því hefur verið ákveðið að fækka þingmönnum í 40 og hafa auða stóla. Einnig verður gerð sú málamiðlun að dóms- og kirkjumálaráðherra verði gamall símsvari sem þylur upp símanúmer lögreglu og landshelgisgæslu. Í Valhöll faðmast menn og gráta vegna afhroðsins en eftir vindla og cognak í Frímúrararhöllinni fallast menn á að líklega ættu þeir þetta skilið. Flokkur mannsins, Framsókn og Frjálslynir hafa hætt störfum með skömm. VG eru fúlir, en taka gleði sína á ný þegar þeir fatta að þeir verða einir í stjórnarandstöðu. Ómar Ragnarsson og Íslandshreifingin er drullufúl að ekki skuli hafa verið boðið upp á þann möguleika í þessari könnun og ég get tekið undir það. Hvernig gat ég gleymt þeim? Ég kaus auðvitað Ómar síðast og allt. Því er augljóst að Ómar og kó fer mjög framarlega í flokki Næs. Ómar Ragnasson er meira að segja orðinn umhverfisráðherra.
---
Sigmar grillaði Geir greyið í gær yfir hægum eldi og stóð sig vel. Maður var hálf stressaður yfir því að Geir færi að grenja, en það slapp. Niðurstaðan er samt engin, DO situr sem fastast, enginn ber ábyrgð nema helst "við sjálf, skríllinn í landinu" og "vondir útlendingar". Geisp.
---

Wanker of the 1st Degree - Alright
Fyrstu gráðu rúnkarinn Jósef Karl Gunnarsson hefur gert nýja fimm laga EP og gefur hana ókeypis HÉÉÉRRRRRRNNNNAAAA. Hér er sullað með mínímalískt raf og einföld skilaboð, eins og í þessu lagi sem segir að "allt verði allt í lagi ef við stöndum saman". Auðvitað verður allt allt í lagi ef við stöndum saman, en samt, um hvað eigum við að standa saman? Að hafa nú ekki hátt á meðan Geir reddar okkur á réttan kjöl? Eða standa saman og harka af okkur okrið með enn meiri vinnu en flýja ekki land? Eða standa saman og gera þetta blessaða land almennilegt en ekki eitthvað tilraunaglas fyrir Hannes Hólmstein.

Nýdönsk - Lykillinn
Nýdönsk voru alltaf dýpri en samtímaböndin í "skífu/steinars"-deildinni. Þegar ég sá þá fyrst, 1988 líklega, voru þeir að spila I'm a Believer í Bíókjallaranum og mér fannst það satt að segja mjög gott mál, óvænt og æðislegt. Þarna voru einhverjir gaurar á þessum tíma sem þekktu Monkees, maður átti ekkert von á því.
En auðvitað var bullandi rígur og maður í bullandi vörn og töffaraskap. SHDraumur og Ný dönsk og Guðmundur Haraldsson skáld hituðum upp fyrir Stuðmenn á Hard Rokk og ég man ekki eftir að hafa eytt einu orðu á þessa gaura. Fyrir utan Tunglið á þessum tíma voru Skriðjöklarnir einna kumpánlegastir við mann. Einu sinni man ég eftir að vera að tala við Jakob jökul þegar Björn Jörundur kemur askvaðandi og spyr afhverju hann sé að tala við þetta helvítis fífl (í vitlausu liði). En þetta var nú þá og þá er ekki nú! 
Fyrstu 2 plöturnar þeirra fóru fram hjá mér en strax með ep-inu Kirsuber og svo sérstaklega með Deluxe fannst mér þeir mjög gott poppband sem þó var að gera ferska hluti. Svo já, Ný dönsk eru góðir. Eins og fólk veit er Turninn nýjasta platan þeirra, sú fyrsta með Daníeli síðan Hunang 1993, minnir mig. Þeir hafa sjálfir sagt að þetta sé "svona fjórða besta platan okkar" og undir það má taka. Lykillinn er fínn rokkari eftir afturgengna söngvarann.

+ Plögg: Hljómsveitin Nýdönsk býður landsmönnum á útgáfutónleika sína í Nasa n.k. laugardagskvöld, 25. október. Tónleikarnir hefjast klukkan 22:00 og þurfa áhugasamir að vippa sér í Skífubúðirnar í Kringlunni eða Laugavegi til að nálgast boðsmiða á tónleikana.

Miðarnir eru í formi grímu sem gerð hefur verið eftir manninum sem prýðir umslag nýja plötu sveitarinnar sem ber nafnið Turninn.

Þá hefur hljómsveitin , sem verður 21 árs á árinu, hefur einnig opnað heimasíðu á slóðinni www.nydonsk.is

22.10.08
Fyrst enginn annar ætlar að gera skoðunarkönnun um stöðu flokkana geri ég það bara:
(KOSNINGU LOKIÐ - SJÁ NIÐURSTÖÐU AÐ OFAN)
---
Sumir halda líklega að ég sé pottþéttur gaur með öll mín fjármál á þurru af því ég hef látið neytendamál mig varða. Svo er ekki. Ég er óreiðukall með skuldahala á bakinu. Með yfirdrátt og lán til að borga af eldri yfirdrætti, vísaskuld, húsnæðislán (sem betur fer ekki myntkörfu) og bílarekstrarleigulán (myntkörfu og ég fæ ekkert að krukku í henni) og svo allt hitt. Ég get því vel samsvarað mér í því að þetta sé "allt mér að kenna" líka. Stundum hefur maður velst um á koddanum í áhyggjum út af þessu, en ekki lengur. Nú erða bara harkan sex, gríðarlegt endurmat og sparnaður og vonandi kemur maður sínu sæmilega á þurrt í vorbyrjun (ef það verður einhverja vinnu að fá, það er að segja). En afhverju er ég að tala um þetta? Af því að þær tölur sem nú heyrast um skuldasúpuna sem okkur verður gert að éta eru svo yfirgengilega háar að allar persónulegar skuldir eru eins og maur í alheimi í samanburði. Við erum svo fökkt að andlega veikir einstaklingar gætu hreinlega sturlast af tilhugsuninni. Og hverjir eru eiginlega að veltast um á koddanum núna yfir þessari geðveiki? Kannski þeir sem sögðust "sofa rólega" þegar þeim var bent á að það væri eitthvað að. Sofandahátturinn og sóknin eftir Öryggisráðinu í aðdraganda þessara óskapa verður lengi í minnum hafður. Hvílíkir hálfvitar.
---
Músikkin svoleiðis hrannast upp enda útgáfutíð. Í gær setti ég inn flúnkunýtt lag með Reykjavík! en nú er röðin komin að Akureyri! með viðeigandi söng:

Akureyri! - Það er allt að fara til fjandans
Emailið: Við erum hljómsveitin Akureyri! og við erum að fara að gefa út plötuna VARÚÐ - KREPPA  í næsta mánuði. Okkur langaði til þess að gefa þér lagið "það er allt að fara til fjandans"  í kreppugjöf. Hafðu það sem allra best og endilega komdu norður við tækifæri!
Kær kveðja
Akureyri!

21.10.08
Kompás góður í gær. Allt byrjaði ruglið með Decode samkvæmt þættinum. Það góða við föðurlandssvikarana/útrásarvíkingana er að þeir heita allir svo sérstökum nöfnum. Því er auðvelt að gúggla þá eða finna í Tímarit.is. Mogginn 1998:

Mogginn er krökkur af lofgreinum um þetta lið allt, þótt maður geti bara leitað fram til ársins 2001. Auðvitað. Þetta eru allt góðir og gengnir Sjálfsstæðismenn komnir til að græða græða græða... og setja landið á hausinn á endanum. Fokk þatt. Þeir eru farnir til Tortola. 
---
Um þetta lið er bara eitt orð: Föðurlandssvikarar. Nema þeir sjái af sér, drullist heim með það sem þeir enn eiga eftir af eignum og leggi í rústabjörgunina. Skammist sín svo og lofa að verða aldrei jafn klikkaðir aftur. Og standi við það.
---
"Ég renndi yfir pistlana mína í kjölfarið og fannst ég helst til mikill nöldurseggur. Ég meina, að skamma Dorrit? Hvað næst, Mjallhvíti og dvergana sjö? Hún hefur engin áhrif þessi sómakona og ekkert gert af sér nema einna helst að hafa vondan smekk á karlmönnum," segir Árni Snævarr sem er hættur að blogga vegna leiðinda í fávitaliði út í bæ. Hinn ágæti Baldur McQueen gafst líka upp því það var ekki búið að gera blóðugu byltingu nógu snemma fyrir hans smekk. "Einn bloggari getur samt hæglega lagt sitt lóð á vogarskálina til þess að gera samfélagið bærilegra. Blogg er nefnilega baul. Lítið mark er takandi á einu bauli en ef margir baula þá heyra það allir," skrifar Teitur Atlason sem hvetur Baldur til að snúa aftur. Það geri ég líka og Árni ætti líka að taka upp þráðinn á ný. Muuu. 
---
"Þetta er lífróður fyrir lýðveldið. Upp úr þessum rústum verður að koma betra, sterkara Ísland sem er ekki klafabundið í sama klíkuskapinn, fákeppnina og spillinguna og það gamla. Eða við þurfum að minnsta kosti að úthrópa gömlu krimmana sem og þá nýju sem reyna að taka við af þeim. Annars erum við öll aumingjar," segir í bréfi sem ég fékk. Rétt, svo rétt.
---
Nokkuð athyglisverð var umræða Godds og Vals í gær í Kastljósi um meintan dauða krúttsins. Goddur benti á nægjusemi svokallaðra krútta og það er svo sem rétt að margt af þessu fólki gaf skít í góðærið, klæddi sig eins og það væri 1930 og hlustaði á Gufuna. En hvenær SAGÐI eitthvað af þessu fólki eitthvað sem var djúp og meingingarþrungin ádeila á ríkjandi vitleysu? Til dæmis í textum sínum? Innihaldslega var flest af þessu svo inní sig að minnti á feimna bók eftir Gyrði Elíasson, bara pling plong á lopapeysu og ekkert kjöt á beinunum. Og svo Elsa María skylji nú örugglega um hverja ég er að tala og þurfi ekki að þráspyrja mig eins og Val sem hefði nú alveg getað ælt þessu út úr sér hefði hann þorað þá er ég að tala um Sigur Rós, múm, Kiru Kiru o.s.frv. Ekki um Björk og Ghostigital til dæmis, sem er lið af annarri kynslóð og þorði að opna á sér kjaftinn, eða kunni það öllu heldur. En bíðum bíðum, þetta er alls ekkert diss. Eins og Goddur benti á er nú tíminn til að koma með gusurnar. Enn og aftur leyfi ég mér að vonast eftir stórfenglegum tímum í "listum". "Listin" mun loksins blómstra þegar Björgólfur og Dorritt eru hætt að hanga á vinnustofunum.
---

Reykjavík! - Campo Viejo, 2004
Það er ekki laust við að maður sé búinn að fá alveg þokkalega nóg af þessum hrunadansi öllum. Þetta er eins og að vera innan í fokking Sturlungasögu endalaust, eða hangandi utan í Al Pacino í Scarface eða með Hitler í bönkernum eða eitthvað. Það er ekki laust við að manni langi til að vera bara gaur í eðlilegu samfélagi þar sem allt leikur í lyndi, frekar en að sveiflast í þessu umróti traustleysis og sí-yfirvofandi UPPGJÖRS. Kristján Þór Júlíusson hvatti mig til að flytja til Akureyrar því þar væri svo rólegt, miklu líkara hinum Norðurlöndunum heldur en Rvk sem er alltaf eins og amfetamínfíkill að leita að næsta skammti. Æ nei það er nú bara rugl. Rvk er alveg ísí líka, allavega kl. 6 á morgnanna. Hins vegar er hljómsveitin Reykjavík! búin að gefa út plötu númer 2, THE BLOOD. Eða, búin að gefa út sandpappírs-foreintök, "alvöru" útgáfan er á leiðinni. Ég er að renna þessu yfir í fyrsta skipti akkúrat núna. Þetta er gríðargott blóðugt rokkflykki. Ég er að æla-söngur ofan á massaþéttar rokkflækjur, kryddaðar hávaðagusum og tætingsköflum. Gefur fyrri plötunni ekkert eftir. Hér er eitt rosagott sem grípur fastast í fyrstu umferð.

20.10.08
Helga Vala birtir fallega mynd af Jóhannesi og Jóni. Hér er ein góð af Jóni úr Mogganum 1990:

Það er svo sem ekkert skrítið að Ísland sé farið á hausinn. Þessir útrásarvíkingar voru aldrei neitt annað en gráðugir og smekklausir 50cent áhlustandi versló-hnakkar. Djöfull hlakka ég til heimildamyndanna, skáldsagnanna, bókanna og bíómyndanna um þetta lið.
---
Það er bara eins og ég sé þegar orðinn atvinnulaus. Er nefnilega heima í dag með veika dóttur. Hún er þó ekki þannig veik að ég geti ekki farið með hana út úr húsi. Hvar er hægt að vera inni í skítaveðrinu þar sem er upphitað og eitthvað hægt að gera? Ég meina fyrir utan Kringu/smáratorg? Nú auðvitað listasöfnin. Fórum í Hafnarhúsið og spókuðum okkur um. Að vanda bara við og svo fólk með fatlað fólk í hjólastólum að dást að glerlistaverkinu "Ég er bara skítur" eftir einhverja nokkuð sniðuga stelpu. Hvað verður um allt þetta lið þegar teinótti kóngurinn er hættur að reka listina? Þarf þetta lið að fara að vinna eða gera eitthvað af viti sem einhver nennir að pæla í? Meira pönk í listarúnkið takk. Og þá meina ég pönk í víðasta skilingi þess orðs.
---
Af hverju fórum við á hausinn? Af því landinu er stjórnað af fávitum, segir einhver útlendingur hér.
---
Þótt maður verði skítblankur og fái ekki Café Au Lait árum saman eru samt gríðarlega spennandi tímar framundan. Ég held flestir hafi verið orðnir hundleiðir á góðærinu. Það er ekkert gaman að liggja endalaust útbelgdur og frauðkenndur. Nú er strákarnir í Sálinni hans Jóns míns meira að segja raknaðir til lífsins og senda nú frá sér glænýtt lag með meiningar. Kannski engar stórkostlegar meiningar, en alla vega eitthvað annað en Mér líður svo vel og bla bla. Smá sálfræðiútekt á gráðugum verðbréfagutta. Nú er bara vonandi að fleiri taki upp þráðinn og fari að syngja um eitthvað sem skiptir máli. Stórfenglegir tímar blasa við í listunum. Pönkið í Englandi kom t.d. upp úr breskri efnahagslægð. Með góðfúslegu leyfi allra hlutaðeigandi kemur nýja Sálarlagið hér:

Sálin hans Jóns míns - Það er satt
(Lag. Guðmundur Jónsson, texti Friðrik Sturluson)

Himnaljós vekur dag á ný,
dáin nótt geymir þokuský,
þú ert eins og hver önnur sál,
átt þér leyndarmál, felur vandamál.

Augnablik inn í spegilinn
spanar upp svarti Roverinn,
gemsinn opinn er
eins og vera ber.

Þú talar ekki um það.
Þú talar ekki um það.

Það er satt, það er rétt,
lítið getur þú að því gert.
Það er satt, það er rétt.
Ég sé þig kannski síðar,
ég sé þig innan tíðar.

Þú vilt allt, lifa lífinu,
lifa frjáls, finna hamingju,
en það er, eins og verða vill,
engin rósabraut, stundum erfið þraut.

Seint um kvöld kveikt á tölvuskjá,
mynd af mér kannski þar má sjá,
allt er fínt hjá þér
eins og vera ber.

Þú talar ekki um það.
Þú talar ekki um það.

Það er satt, það er rétt,
lítið getur þú að því gert,
það er samt furðulegt,
þinna drauma fangi þú ert.

Það er satt, það er rétt,
lítið getur þú að því gert.
Það er satt, ekki rétt?
Ég sé þig kannski síðar,
ég sé þig innan tíðar,
við sjáumst skömmu síðar.

Myndbandið er hér. Lagið verður á safnplötunni Hér er draumurinn sem er væntanlegur.
---
Helgi Hauksson er viss um að það hafi verið miklu fleiri en 500 á Austurvelli á laugardaginn. Og hann hefur myndir til að sanna það. Örugglega 1000-1500, 3000 segir erlenda pressan. Hinn blómstrandi Hnakkus segir flest sem segja þarf um mótmælin. Mögum finnst það einelti að ráðast svona á Davíð. Hörður Torfa bar það af sér í fréttum og sagði að hann væri bara tappi í stífluðum vaski sem þyrfti að losa burt fyrst. Síðan færi drullan að renna úr vaskinum.
---
Egill spurði í Silfrinu hvort ég gæti hugsað mér að taka þátt í stjórnmálastarfi. Ég sagði í fljótfærni að nei, það væri svo leiðinlegt. Manni hrís hugur við að þurfa að eyða frítíma sínum í kjaftavaðal með einhverju liði út í bæ. Komast að samkomulagi og málamiðlun eftir margra klukkutíma fundarsetu sem maður hefði getað eytt í 1000 aðra skemmtilegri hluti. Þetta er ótrúlega óspennandi dæmi, þetta stjórnmálaþras. Og svo líka fyrir hvaða flokk? Það er ágætis fólk í öllum flokkum og algjörir hálfvitar líka. Sjálfstæðis og Framsóknarflokkur eru samt sjálfkrafa úr leik. Ástandið í dag er  þeim að kenna, aðallega Sjöllunum með sína frjálshyggjugeðveiki en líka helstu hækju hans, Framsóknarliðinu og totaotandi spillingarhyskinu þar. Er einhver nýr flokkur með æðislegu liði að fara að spretta upp? Veit ekki. Held ekki. Vitleysingafjöld í þannig flokki yrði örugglega hrollvekjandi. Þá eru eftir Samfó og VG. Það er kannski skásti kosturinn, en hvor? Jakkafatasmjörlið í Samfó er heldur fráhrindandi og brjálað netlögguafturhald í VG líka. Best væri ef þessir tveir flokkar myndu nú hætta að spá í smáatriðin, líta á stóru myndina og sameinast í einn geðveikt öflugan flokk sem myndi rústa næstu kosningum með algjörum yfirburðum. Kannski nennti maður á fund hjá Samvg. Æ varla samt, en eins og ég sagði, ég gæti mætt með gítarinn. Ef ekkert þeim mun æðislegara kæmi upp myndi maður að minnsta kosti kjósa þann flokk. Og þar hafiði það. Fokking afstaða in ðe hás. Ég styð Samvg.
---

Retro Stefson - Ísland í dag
Hinir mjög svo góðu Retro Stefson hafa loks gefið út plötu (Montana). Eða Kimi gefur hana út, meina ég. Mjög fín plata, fjölbreytt og skemmtileg. Gríðarlega efnilegt lið. Unnsteinn sem er aðal er ekki nema 18 ára. Á plötunni er sungið á ýmsum tungumálum, íslensku líka. Hér er eitt af mörgum frábærum lögum á þessari plötu. Þú út í búð, náttla.

18.10.08
Rúnar, umboðsmaður Megasar, er með bás í Kolaportinu og selur bækur. Hann var svo gríðarlega vinsamlegur að gefa mér Bókina um Abba, sem Setberg gaf út 1977. Ég er ekki byrjaður að lesa hana en í bókinni eru margar fallegar myndir af þessum sænsku stórsnillingum. Þar á meðal eru tvær afar vandaðar myndir af rassinum á Agnethu:

Ú la la!

Va va ví va!

ABBA - Watch Out
ABBA eiga auðvitað það mörg æðisleg lög að það myndi æra óstöðugun að byrja að telja þau öll upp. Þetta lag hefur mér alltaf þótt skemmtilegt því það er svo ó-abbalegt. Enda hef ég notað það sem trikk-vísbendingaspurningu í Popppunkti. Gítarriffið í byrjun gæti verið úr Ham-lagi, það er svo töff. Lagið kom út á stóru plötunni Waterloo 1974.