08.02.07
Allir forsýningarmiðar búnir... sorrí. Vinningshafar fá email bráðlega. Rétt svar er að bókin var Tómas Jónsson metsölubók, enda hundurinn gríðarlega gáfaður (og bókin góð).

07.02.07
Forsýning / General prufa á Abbababb! er á laugardaginn kl. 16. Mér hefur tekist að kría út 20 miða til að gefa hér í gegnum síðuna. Hvert email fær 2 miða. Fyrstir koma fyrstir fá. Það fylgir þó sá böggull skammrifi að svara þarf einni spurningu og hún er: Hvaða bók er hundurinn sem Óli hundaóli fann í ruslinu að lesa á myndinni í geisladisksbæklingi upprunalegu Abbababb! plötunnar?

05.02.07

Fréttatilkynning frá leikhópnum Á senunni.

Abbababb!  Frumsýning 11. febrúar.  Miðasala hafin!

Það er komið að því!  Söngleikurinn Abbababb! eftir Dr. Gunna  verður frumsýndur í Hafnarfjarðarleikhúsinu sunnudaginn 11. febrúar kl. 17.00.  Næstu sýningar verða laugardaginn 17. febrúar kl. 14.00 og 17.00.  Nýr geisladiskur með tónlistinni úr sýningunni er einnig á leiðinni til landsins.
Leikarar í Abbababb! eru Atli Þór Albertsson, Álfrún Örnólfsdóttir, Jóhann G. Jóhannsson, Jóhanna Friðrika Sæmundsdóttir, Orri Huginn Ágústsson, Sigurjón Kjartansson og Sveinn Þórir Geirsson.  Tónlistarstjóri er Dr. Gunni.  Leikstjóri er María Reyndal.
Miðasala er hafin.  Hægt er að panta miða á senan@senan.is eða í miðasölu Hafnarfjarðarleikhússins í síma 555 2222.  Nánari upplýsingar um sýninguna og sýningartíma má finna á heimasíðunni, Abbababb.is

Leikhópurinn Á senunni og Hafnarfjarðarleikhúsið 
 

04.02.07
Hitti Bubba baksviðs þar sem hann beið eftir því að komast í viðtal. Ég hélt kannski að hann myndi kýla mig í gólfið fyrir lítilsháttar diss í Bakþanka um daginn. Nei nei, Bubbi var bara dúndurhress og ekkert að erfa lítilræði. Hann sagðist bara ætla að segja satt um það hvað honum findist um Eurovision (sem hann gerði). Bubbi sagðist vera voða hrifinn af Stóra hvell. Spurði hvort ég væri ekki að koma með nýja sólóplötu. Ég sagðist nú varla nenna því harki því Stóri hvellur hefði ekki selst rassgat. Bubbi blés á það og sagði að maður ætti nú ekkert að spá í það. Bara gera það sem maður vildi. Ekki hefði hann nokkurn tímann pælt í því hvort plata myndi seljast eða ekki. Sagðist svo vera að spá í að gera plötu með Mínusstrákunum og ætti ekki von á að hún seldi mikið. Þá kom Heiða stormandi og fékk "þemu" hjá Bubba fyrir næsta Næturvarðarþátt. Bubbi stakk upp á því að þemað væri "blóð" sem Heiða tók fagnandi. 
---
Þegar það var bara eftir að tilkynna eitt lag sem færi áfram og Ég og heilinn minn var enn úti í kuldanum var ég satt að segja orðinn drullustressaður. Ég fann fyrir greinilegum hjartsláttartruflunum. En það reddaðist, svo takk kærlega ef þú kaust. Frekar blóðugt samt að þurfa að borga 99 kall fyrir hvert skipti. Hver fær þennan pening eiginlega? Rauði krossinn kannski? Það væri sök sér. Enn eitt dæmi um íslenska okrið.
---
Eggert Jóhannesson var á svæðinu og tók þessar gullfallegu myndir:

Heiða og hópurinn. Það var grínast með að kalla bakraddahópinn "Gott og gyllt". Mín tillaga, "Gylturnar" fékk engan hljómgrunn. Heiða og Heiðuretturnar kannski? Nei. Bara Heiða.

Höfundar að loknu góðu dagsverki. Næsta verkefni: 17. febrúar.
---
Jæja, þótt ég sé kominn í 9-laga úrslit Eurovision (vá, fyrir 15 árum, hvað þá 25, hefði þessi setning hljómað eins og martraðarkennt geðveikisraus) er engin ástæða til annars en að sprengja hér inn einum brakandi hressum TOPP 5IMM, enda sunnudagur:

Of Montreal - Suffer for fashion: Besta plata ársins til þessa er Hissing Fauna, Are You the Destroyer með Of Montreal. Það er ekki kanadískt band heldur amerískt. Kom saman í indieháskólabænum Athens, Georgia og hefur Kevin Barnes í forsvari. Mér telst til að þetta sé áttunda plata bandsins og eins og ég segi þá er hún helvíti fín, með hverju góðu laginu á eftir öðru, og eiginlega bara einu sem er frekar leiðinlegt, en það er reyndar hátt í 12 mínútur. Hér er einfaldlega opnunarlagið sem sparkar í poppaðan pung og gefur tóninn.

Bee Gees - The Earnest of being George: Lag af annarri plötu Bee Gees, Horizontal (1968). Hér eru Bítlaáhrifin gríðarleg eins og heyra má. 

The Animals - Outcast: Biggi var að mixa nýju Abbababbs-plötuna og skelltu þessu á til að við heyrðum segulbands-gegnumsýringuna (e. tape-saturation) á söngvaranum Eric Burdon þegar hann gefur í. Nú eru notuð sérstök forrit til að herma eftir þessu sándi sem verður auðvitað aldrei eins því digital er ekki analog. Dýrin voru helvíti töff stöff og þetta er flott lag.

Wreckless Eric - Whole wide world: Hápunktur myndarinnar Stranger than fiction er þegar Will Farrell kaupir sér sægrænan Fender Stratókaster og spilar þetta lag fyrir kærustuna. Wreckless Eric var einn af skjólstæðingum Stiff Records (aðrir voru t.d. Elvis Costello og Ian Dury) og gerði margt gott stöff og gerir enn. Þetta, fyrsti síngullinn hans, er lang frægasta lagið og þess má geta að Nick Lowe er á bassa og Ian Dury á trommur á því. Almagnað lag sem margir hafa tekið, m.a. Monkees (á kombakkplötunni Pool it frá 1987) og Unun tók þetta meira að segja á böllum, fullum unglingum til ekki svo mikillar hrifingar.

Bloc Party - The Prayer: Blokkarpartí hefur dembt plötu#2 á lýðinn. Dálítið dekkri og þyngri skífa en síðast, en venst vel og rennur inn í undirmeðvitund. Hér er fyrsti singull sem kveikti á minni peru all snögglega.

03.02.07
Ég og Heiða og Heilinn minn í fríksjóinu Eurovision í kvöld.
900-2007 ER NÚMERIÐ! Plís!!!
---
Ný staða í fjölmiðlum: Mogginn er orðinn DV ("Milduðu dóminn"), DV er orðið Fbl og Fbl er orðið Mbl. Blaðið er samt bara Blaðið ennþá.
---
Dagbjartur er í sveitinni svo maður er bara svínging í bænum. Út af borða og bíó í gærkvöldi. Allsstaðar fullt út úr dyrum svo það var Askur á endanum. Topp pleis! Þjónninn kallaði mig "Herra minn". Sénsinn að maður væri kallaður Herra minn á McDonalds. Auðvitað betri hamborgarar á Aski líka. Bíómyndin var Stranger than Fiction í Álfabakka. Fyrir hlé var ólag á fókusnum svo Steini Sleggja þurfti að fara tvisvar fram að kvarta. Það er óþolandi að þurfa að eyða bíóferðinni í að böggast yfir fókusnum. Meira um þessa notalegu kvöldstund á veitingahúsagagnrýni og menningarafurðir.
---
Diskurinn "Dr. Gunni og vinir hans syngja og leika lögin úr söngleiknum ABBABABB!" er nú tilbúinn til framleiðslu. Næst kannski út fyrir frumsýningu sem er sunnudagurinn 11. febrúar kl. 17. Nánar á Abbababb.is - Þar má meira að segja heyra nýtt lag, sjálft lokalagið úr verkinu, ÁSTIN ER ROKK OG RÓL (hlustið á windows media fælinn, mun betra sánd á honum en á mp3inu). Þetta verða annars lögin á plötunni:

1. Abbababb!
2. Rauða hauskúpan
3. Óli hundaóli
4. Baba bú
5. Systa sjóræningi
6. Stóru strákarnir
7. Doddi draugur
8. Pála spákona
9. Meira diskó
10. Hr. Rokk og Fýlustrákarnir
11. Prumpufólkið
12. Látum Aron sprengja skólann
13. Ástarlag Steindórs
14. Frelsum Aron Neista
15. Litli Aron með eldspýturnar
16. Ástin er rokk og ról

8 gömul og 8 ný... samtals 16!

01.02.07
Hló upphátt í ræktinni þegar ég sá sýnt úr næstu grínmynd Eddie Murphy, Norbit. Þegar feita kerlingin flaug í gegnum grindverkið réð ég bara ekkert við mig. Þetta virðist vera lúnkin stuðmynd. Eddie er náttúrlega rosalega mistækur eins og þessir karlar allir, en magnaður þegar hann er bestur. Við strákarnir í Bless vorum í miklu Eddie stuði þegar við komum til San Fransisco 1990 og lágum upp á lesbískum túrmanager okkar, Jo. Leigðum Raw og eithvað Saturday Night Live stöff, minnir mig, og það kom auðvitað svipur á konugreyið þegar við hlógum að langt í frá pc-gríninu í Eddie. Henti okkur sem betur fer þó ekki út. Kannski næsti söngleikur verði um þennan Bless-túr? Það væri allavega nóg af drama og gríni.
---
Horfði með öðru á Ístón. Hápunktur kvöldsins tvímælalaust sleikja Gumma og Bóasar og Óli Gaukur sem var hress. Nú og auðvitað Felix.
---
Ég er búinn að vera á bleiku skýi síðustu daga eftir að ég heyrði afkomutölur bankana. Trilljón skrilljón er ekkert smá. Og svo nennir enginn að vera fangavörður af því byrjunarlausin eru 120 þúsund... Það er auðvitað einhvers staðar eitthvað að.
---
Nú er komið í ljós að Ég og heilinn minn verður næst síðasta lagið á dagskrá á laugardaginn. Í gær dundu yfir stífar dansæfingar. Gullgallinn á Heiðu er kominn í hús og hún gefur Suzi Quatro ekkert eftir í lostalúkkinu. Nú er bara að bíða með öndina í buxunum þar til þjóðin hefur sagt sitt álit.

29.01.07
Dömur mínar og herrar: Í fyrsta skipti í alheiminum:
Heiða - Ég og heilinn minn
 Ekkert flókið er við ástina
 boð sem flæða um taugaendana
 ég og heilinn minn
 eru orsökin

 Hamingjan er ekki á tilboði
 þú kaupir hana ekki á krítarkorti
 ég og heilinn minn
 búa til efnin

 og ég veit
 að þegar boðefnin fylla kúpuna
 þá mér finnst 
 eins og allt sé æði
 og alveg dásamlegt og heiðskýrt
 og það þarf ekki að vera neitt útskýrt 

 Hjartað það er bara stór vöðvi
 Hann dregst sundur, saman, dælir blóði
 ég og heilinn minn
 erum mótorinn

 Þeg'ég sé þig roðna kinnarnar
 það er blóð að fylla háræðarnar
 ég og heilinn minn
 sökudólgurinn

 og ég veit
 að þegar boðefnin fylla kúpuna
 þá mér finnst 
 eins og allt sé æði
 og alveg dásamlegt og heiðskýrt
 og það þarf ekki að vera neitt útskýrt 

 (geðveikt gítarsóló)

 og ég veit
 að þegar boðefnin fylla kúpuna
 þá mér finnst 
 eins og allt sé æði
 og alveg dásamlegt og heiðskýrt
 og það þarf ekki að vera neitt útskýrt

Lag: ég og Heiða / Texti: ég / Pródúser og allskonar: Þorvaldur Bjarni Þorvaldsson / Trommur: Óli Hólm / Fiðlur og blástur: Fullt af fólki úr Sinfóníunni / Gítar og bassi: ég / Bakraddir: Pétur Örn, Matti Papi, Einar í Dúndurfréttum, Heiða í Idol, Alma Rut í Idol.

28.01.07
Fyndið. Kveikti á útvarpinu áðan til að hlusta á Tvíhöfða. Hafði gaman að hlusta á Smásálina. Svo fór Arnþrúður Karlsdóttir að tala. Fattaði þá loksins að ég var að hlusta á útvarp Sögu.
---
Heimasíða ABBABABB! söngleiksins hefur verið opnuð í tilraunaútgáfu. Þar má m.a. heyra og dánlóda glænýrri útgáfu af Óla hundaóla. Alvöru hörku töff heimasíða mun svo koma von bráðar. Frumsýning er eins og áður segir 11. febrúar í Hafnarfjarðarleikhúsinu (við hliðina á Fjörukránni).
---
Eurovisionlögin í gær voru mun sterkari en á fyrsta kvöldinu. Maður man meira að segja viðlögin í nokkrum eftirá. Nú er ég kominn með í magann og verð með viðloðandi kvíðamagapínu fram á næsta laugardagskvöld. Líklega verð ég klósettinu allan tímann sem næsta forkeppni fer fram. Andskotann er maður búinn að koma sér út í.
---
Hlakka engu að síður mikið til að fólk heyri lagið, hina gífurlegu hamingjusprengju Ég og heilinn minn. Sykursætt og unaðslegt popplag með jóla-, motown- og bítlabragði. Poppaðasta lag sem ég hef gert til þessa. Það ætti að dúkka upp á þessari síðu í dag eða á morgun. 
---
Góður grasrótar Jón Ólafs í gær. Það mætti auðveldlega gera 2-3 svona þætti í viðbót. Og einn bara um pönk. Þar gæti Valli í Fræbbblunum setið fyrir svörum og Pönkhljómsveitin Fjölnir, Æla og Morðingjarnir spilað fyrir pönki. Því er hér með komið á framfæri. 

27.01.07
Topp 5imm, en ekki hvað?

The Fall - Over! Over!: 26. stúdíóplata Fallara hefur nú litið dagsins ljós, Reformation Post TLC. Karlskrattinn er kominn með kana í bandið eftir að hinir undirgefnu bretar sem komu með honum hingað 2004 fengu loksins nóg. Þar á meðal er þessi skeggjaði bassaleikari sem ku vera fyrsti maðurinn sem leyfist að vera með skegg í bandinu. Við fyrstu hlustun er nýja platan ekki alveg jafn góð og síðustu tvær, en kannski kemur það. Hér er allavega opnunarlagið sem er stuð. Mark E virðist hafa þróað nýja tegund af söngrödd, sem er einskonar gróft rónaröfl og má m.a. heyra í þessu lagi. 

Bee Gees - Holiday: Fyrir nokkrum árum, segjum svona 15, var alveg bannað að hafa gaman að Beach Boys. Fátt þótti hallærislegra. Svo varð það smátt og smátt í lagi og nú er enginn maður með mönnum nema hafa hlustað á Pet Sounds og geta varpað fram gáfulegum staðreyndum um snilld Brians Wilson. Bee Gees þykja enn ekki nógu kúl til að um bandið sé fjallað á vitrænan hátt, en það mun breytast á næstu árum, enda eru fyrstu 4 plötur bandsins í Englandi mikil snilld. Þetta er sixtís Bee Gees áður en þeir endurfæddust í diskóinu. Við erum að tala um plöturnar 1st, Horizontal, Idea og þá síðustu góðu, Odessa, sem er tvöföld og yfirleitt talin besta BGs platan fyrir utan diskóið. Odessa reyndi svo á samstarf bræðranna að Robin gekk út og gerði sólóplötu, en Maurice og Barry héldu áfram og gerðu næstu plötu, Gúrkukastala (e. Cucumber castle), bara tveir. Tónlist BGs á þessum tíma er oft sækadelísk og dálítið dimm og melódramatísk. Hellingur af stöffi naut vinsælda, mögnuð lög eins og I started a joke og Massachucettes, en fullt er í gleymsku, eins og t.d. þetta gullfallega lag af 1st (1967).

Pop Levi - Flirting: Hann lítur út eins og eitthvað frík og hljómar eins og T-Rex og Eberg saman í einni sæng. Spilar á bassa með Ladytron og er frá Liverpool. Er búinn að gefa út fyrstu sólóplötuna, The Return To Form Black Magick Party, sem er helv góð. Skemmtilegt popp með óvæntum hálstökum. 

The Guess who - Of a dripping pin: Kanadískir meistarar frá Winnipeg. Örugglega einhver af íslenskum ættum. Ágætis lag hér af Canned Wheat (1968).

Kaiser Chiefs - Ruby: Síðasta plata var skemmtileg. Hér er nýtt lag af nýju plötunni, Yours truely, Angry Mob. Lofar góðu.

26.01.07
Allskonar læfupptökur í kassavís hér.
---
Á ágætri heimasíðu Benedikts Bjarnasonar rakst ég á slóðir á ýmsa heimildarþætti frá PBS. Maður tékkar kannski á því.
---
Til að það sé nú alveg á hreinu þá rúla líka þessar hljóðfærabúðir á Íslandi: Tónastöðin, Tónabúðin, Rín og Hljóðfærahúsið!
---
Ábyrgir neytendur geta stuðst við þennan lista. Eða bara yppt öxlum og klórað sér í hausnum með kortinu. Minni líka á Atlantsolíu. Dælulykillinn er málið.

25.01.07
Nýja hljómsveitin mín heitir Rokkarnir og mun hún spila á leiksýningunni Abbababb! Í Rokkunum eru auk mín Birgir Baldursson og Elvar Geir Sævarsson. Forsöngvari Rokkanna er Hr. Rokk, svo hljómsveitin heitir eiginlega Hr. Rokk og Rokkarnir. Frumsýningin á Abbababb! er 11. febrúar í Hafnarfjarðarleikhúsinu. Æfingar hafa staðið yfir síðan í desember en í gær mættu Rokkarnir loksins á svæðið með sitt hafurtask til að stilla saman strengi við leikarana. Hafnarfjarðarleikhúsið hefur að auki fjárfest í rándýru þráðlausu míkrafónasöngkerfi. Það er því engin ástæða til að ætla annað en að leiksýningin verði hreinlega rosalega æðisleg. 
---
Ég spila á bassa með Rokkunum og hef fjárfest í úrvalsgræjum. Tanglewood Hofnerbassa stælingu í Gítarnum (fékk hann á 39.900 kr - Gítarinn rúlar!) og Line 6 Lowdown Studio 110 bassamagnara (36.100 kr í Tónastöðinni). Þetta hljómar saman eins og tóm gleði, spikfeitt sánd sem minnir einna helst á bassasándið í sixtísverkum Serge Gainsbourg. Hér er falleg samansett mynd af bassakosti mínum:

Miðar á Abbababb! fara í almenna sölu bráðlega en líklega munu nokkrir heppnir lesendur geta unnið sér inn miða á svokallaða generalprufu laugardaginn 10. feb. í gegnum þessa síðu. Nánar síðar.
---
Lokafrágangur á Eurovisionlagi mínu (og Heiðu) ÉG OG HEILINN MINN stendur nú yfir í Kópavogi. Lokafrestur til að skila laginu inn til löggiltra Eurovisionumsjónarmanna er á hádegi á morgun. Ég er búinn að hlusta á lagið uþb tíuþúsund sinnum í bílnum mínum og er ekki kominn með leið á því ennþá. Ég iða í skinninu að koma þessu fyrir almenningshljóðhimnur en lagið er víst lag númer tvö á þriðja og síðasta undanúrslitakvöldinu. Glansgalli á Heiðu er í framleiðslu í Keflavík og stórskotalið bakraddasöngvara étur nú ekkert nema mentol og telauf til að undirbúa sig fyrir átökin.
---
Árvökull lesandi sendi bréf v/ Bakþanka í dag. Vill meina að Óli partíkarl sé ekkert klár eins og ég hélt fram heldur sé þetta allt eitthvað geðveikt Framsóknarplott, rússneska mafían stæl. Hvernig hefur maður efni á partíi fyrir 100 millur? Ónefndi lesandinn skrifar:
Þetta er nú ekki svo flókið......viðskiptaráðherra íslands nennti ekki lengur
að vinna sem ráðherra 2002...kominn voru inn á borð til hans verkefni um
einkavæðingu bankanna.
Hann hóar í félaga sína,,tekur lán og kaupir búbbann.
Síðan þegar þeir fá ekki Lansann, taka þeir VÍS úr einkavæðingarferli hans og
selja sér á 6.8 milljarða 50% í því félagi sem þeir selja svo á 32 milljarða
sem er munur uppá 24 þúsund millur.
Síðan kaupa þeir icelandair....stóran hlut í straum Burðaráss, fl group
o.fl.....á innan við 5 árum hafa þessir menn eignast um 200 þúsund milljónir
hið minnsta....sem eru 200.000.000.000 krónur......sumir segja þegar allt er
talið sé talan nær 300 þúsund millum...
Þögnin um þessi mál er æpandi - en við förum á hvolf yfir 5 millunum hans árna
johnsen og áfengi á kostnaðarverði hjá hæstaréttardómurum o.fl....
Ísland er æði!

Ég verð að viðurkenna að ég nenni bara ekki að setja mig inn í þessi mál eða ergja mig á þeim. Fáfræði er svo sannarlega alsæla.

24.01.07
Hvaða bítlaplata/lag er best? Hvernig er Love. BMExpress spyr nokkra valinkunna.

21.01.07
Topp 5 tónlistarmenn sem ég væri til í að láta spila í fimmtugsafmælinu mínu 2015:
1. Paul McCartney (varla minna en milljarður með bandi svo ég yrði að láta mér nægja að splæsa 70 millum til góðgerðarmála.)
2. Ringo Starr (kæmi líklega fyrir 50 millur (band innifalið) 
3. The Who (bandið kæmi varla fyrir minna en 80 millur)
4. Billy Joel (líklega tilkippilegur fyrir svona 15 millur, gæti verið einn við píanóið.)
5. Mark E Smith og félagar í The Fall (kostnaður sirka 500.000 kall, allt bandið)
Ég er þegar byrjaður að skipuleggja...
---
"Myndbandið" hætti að dánlódast svo ég fékk ekki nema 2 mínútna bút áður en allt gufaði upp. En það er svo sem meira en nóg. Lítur ekki út fyrir mikið aksjón enda er BDSM klám það allra leiðinlegasta sem maður sér. Grímukall með lille ven í hnút eins og smjörsýrð skata á bekk og hið huggulega fórnarlamb með tækjasýningu. Og svo eiga 40.000-50.000 manns að hafa dánlódað þessu?! Ég ætla rétt að vona að það hafi verið einhver aksjón í restina á þessu.
---
Innlegg mitt í sögu Eurovision verður flutt á síðasta kvöldinu, 3. feb. Lagið heitir Ég og heilinn minn og er svaka fínt popplag sem Heiða syngur glæsilega. Horfði á lögin í gær og eins og kerlingin sagði þá hafa fæst orð minnsta ábyrgð. Það var þó nokkuð illa til fundið hjá Finni áður söngvara Eikar að vera með þetta lúkk. Guðmundar í Byrgis-lúkkið er ekki alveg að gera sig núna, myndi ég halda.
---
Komst að því í gær að myndbandaleigurnar hafa hækkað spólur upp í 650 kall. Ég held því að þetta hafi verið í síðasta skipti sem ég leigi mynd. VODið er málið, allavega ef Síminn fer ekki að hækka mikið líka. Ef VODið heldur áfram að sækja í sig veðrið og eykur úrvalið verða videóleigur eftir nokkur ár jafn úrelt fyrirbæri og bjórlíki.

20.01.07
Rosa klassi yfir því að fá Elton John í fimmtugsafmælið sitt. Sérstaklega ef maður heldur veisluna í frystigeymslu. Djísús, á þessum "ríka liðið að halda partí"-fréttum aldrei að ljúka? Varla annað í Fréttablaðinu, sérstaklega keyrði um þverbak í síðasta Sirkus þar sem ríkir plebbar á balli og "sjáðu hvað þau eru rík"-myndagreinar flæddu yfir bakka sína. Mikið var nú skemmtilegra þegar ríkt fólk fór bara á Sinfóníutónleika og hékk þess á milli bakvið þykka stórhýsa með Kjarvalsverkunum sínum á Arnarnesinu. Er ekki hægt að fá Kolkrabbann aftur og feitu karlana. Nokkuð fyndið að það er alltaf Bubbi Morthens sem fer fremstur í ríkukallapartíinum. Já það er svo sannarlega ekkert 1981 lengur. 
---
Það er náttúrlega fleira öfugsnúið en að Bubbi sé fremstur í ríkukallapartíunum, t.d. það að þeir ríku eru ekki feitir lengur heldur fitt en almúginn er orðinn feitur og veltist um í hveitispikinu glápandi á amerískar fituhlussur að megra sig eða beinar útsendingar frá lýtaaðgerðum. Söngur afmælisbarnisins á því ekki við rök að styðjast í dag: 
Þar standa bankarnir í röðum: Lands-Búnaðar-Útvegs, 
og fyrir utan stendur horaður almúginn. 
En fyrir innan sitja feitir peninganna verðir 
og passa að vondi kallinn komi ekki og taki þá.
---
Topp 5imm og ekkert væl:

Laddi - Nútímastúlkan hún Nanna: 6-tugur í dag er hinn mikli meistari Laddi. Lagahöfundahlið meistarans hefur nokkuð fallið í skuggann af grínhliðinni, en það er staðreynd að Laddi hefur samið haug af frábærum lögum. Gibba Gibb, Austurstræti, Flikk Flakk, Ég vil fá meira pönk, svo aðeins 4 séu nefnd. Honum þykir vænst um Eirík Fjalar skv. viðtölum og ég er sammála, Eiríkur Fjalar er frábær gaur. Þegar Eiríkur kom fyrst fram á sjónarsviðið (í áramótaskaupi, er ég nokkuð viss um), var hann bíómyndanörd en síðar átti Laddi eftir að gera Eirík að meira bjána og vitleysingi. Hér held ég að sé komið eitt fyrsta lag Eiríks á plötu, magnað lag sem kemur öllum í gott skap. Laddi rúls! (myndin er tekin af síðu Sessýjar).

Punishment of Luxury - Engine of Excess: Lúxurefsingin var frá Birmingham og kom fram í grímum og spilaði nokkuð framúrstefnt nýbylgjupönk með útúrdúrum. Minnir mig einhvern veginn helst á Jane's Addiction. En jæja, hér er smáskífulag sem ég átti á sínum tíma og fannst ekkert svo æðislegt en kann nú betur að meta í spéspegli tímans og nostalgíunnar. Mun vera frá 1979. 

Pylon - Volume: Frá Athens, Georgia, en bara ekki næstum eins fræg og B-52's og R.E.M. sem komu þaðan líka. Af plötunni Gyrate frá 1980, mínímalískt og nett fönkað.

The Passions - I'm In Love With A German Film Star: Þema dagsins er nýbylgjurokk frá því um 1980 með hljómsveitum sem byrja á P. Hér er enska nýbylgjubandið The Passions með sitt frægasta lag. Kuldarokk hefði þetta án efa verið kallað í íslenskum dagblöðum þess tíma.

Peter Ivers - In heaven (Lady in the radiator song): Sérsamið lag fyrir Eraserhead myndina hans David Lynch (vá hvað mig hlakkar til næstu bíósýru frá honum). Peter var samt lítið ágengt í rokkinu (enda of skrækur) og hann var að lokum barinn til dauða í íbúð sinni árið 1983. Morðið er enn óupplýst.

17.01.07
Barack Obama. Það væri nú munur að forseti BNA væri ekki fáviti. Líst mun betur á Obama en á Hillary. Eitthvað of snobbað í gangi þar. Hún gæti verið í Samfylkingunni.
---
Frjálslyndiflokkurinn. Frjálslyndiflokkurinn. Hverjum er ekki sama um það stuðgengi?
---
Ég ætla ekki að segja eitt orð um Guðmund í Byrginu. Ekki vill maður fá á mig kæru.
---
Stórfrétt í heimi gossins. Nýtt bragð í bænum. 

14.01.07
Heiladauðir Japanar í fréttaþættinum Kompási í kvöld. Er þetta hugsanlega toppurinn á spennandi og áhugaverðu sjónvarpsefni?

13.01.07
Áfram með móðurserðandi smjörið: Topp 5imm.

Air - Left bank: Frönsku séntilmennin varpa fram nýrri plötu í febrúar sem heitir Pocket symphony. Þar er lágfreyðandi lágstemmd lágmarkstónlist við algjöru líði. Ég var nokkuð fúll yfir þessari plötu til að byrja með, en þar sem Air hafa sýnt af sér hvílíka snilld gaf ég séns. Og voila! Platan vinnur svona líka ljómandi á og ég er á góðri leið með að fýla hana í taumlausan botn. Lögin renna reyndar dáldið saman í unaðsheild og skítt með það. Hér er sýnishorn.

Gruff Rhys -Gyrru gyrru gyrru: Gaurinn úr Super Furry Animals er kominn með sólóplötu númer tvö, Candylion. Ég fílaði hina plötuna hans vel og þessi er enginn eftirbátur. Þetta er Íslandsvinur sannarlega. Kom hér '95 þegar SFA hélt eftirminnilega vonda tónleika og var svo eitthvað að sprikla á Ísafirði með syni Muga. Hér er lag sem minnir, mig að minnsta kosti, á lagið Coconut með Harry Nilsson.

Harry Nilsson - Gotta get up: Jæja, best að smella Harry þá á fóninn fyrst Gruff minnir svona á hann. Hér er meistarinn af plötunni Nilsson Schmilsson (1971). Harry var bytta sem hékk með Lennon en afkastaði haug og er topp stöff.

The Shins - Turn on me: Endurunnið "Then he kissed me" af nýjustu plötu Shinsara, Wincing the night away, sem er að koma út þótt niðurhalarar heimsins hafi haft þetta í tölvunni sinni frá því á steinöld (í fyrra). Gæða gáfumannapopp hefði þetta verið kallað árið 1987 í myndbandaþætti Skúla og Snorra.

Ascii.disko - Black metal: Eitt brettasmjör að lokum. Ascii.disco er einhver þýskur náungi sem framleiðir svona taktfast fávitastöff sem gengur 100% í svitaframleiðslu. Aðeins gáfaðri frændi Scooters, ef þú vilt. Lag af nýjustu plötu meistarans, Alias, sem kom út í fyrra.
---
Vert er að minna á góð íslensk mp3blogg fyrst ég er ekki með línkasafn hér til hliðar eins og almennilegt fólk: Bobby Breiðholt er alltaf með puttann á kafi í rassi púlsins og varpar m.a. fram nokkrum lögum af nýrri plötu !!! (sem ég skil reyndar ekki hvað á að vera svona æðislegt við, ekki frekar en ég skil aðdáun margra á hinum hrútleiðinlega LCD Soundsystem), Zúri er m.a. með topp 50 albúm yfir 2006 með flæðandi hauga af tóndæmum, og Egill hefur þú heyrt þetta stangar m.a. úr tönnunum með súpergrúppunni Góð, vond og drottningin.
---
Nú hefur verið dregið í riðla í forkeppni Eurovision og mun mitt ylhýra lag flytjast 3. feb (síðasta kvöldið af þrem). Upptökur standa nú yfir með heimsfrægum pródúser. Vonandi tekur Morrissey þátt svo það verði nú ekki alveg 100% hallærislegt að vera með í þessu. Nei, uss. Hitt pródéktið, söngleikurinn Abbababb!, skríður nú hægt en örugglega saman í Hafnarfjarðarleikhúsinu. Enn er stefnt á að frumsýna 4. feb og samhliða plötuupptökur ganga vel.

11.01.07
...Þessi snjór er nú ekkert nema bögg.
---
Af nýríku plebbunum verður ekki skafið. Duran Duran fyrir 35 millur? Það má náttúrlega gera slatta fyrir þann pening eins og Baggalútur hefur bent á. Svo er annað hvort að verða reiður eins og Egill, smá öfundsjúkur kannski, eða bara jákvæður og vona að maður komist í partíið á endanum, eða raunsær og vita sem er að þessu fólki þótt ríkt sé líður illa inn við beinið og sannleikurinn mun renna upp fyrir því súnn enöff. Eða bara yppa öxlum eins og meirihlutinn sem heldur að orð eins og "misskipting" sé bara eitthvað kommarugl. Allavega glætan að maður versli eitthvað við Kbthing á næstunni. Tja, nema ég fái boðsmiða í næsta partí.
---
Samt spurning hvort einhver hafi haft það á orði í frönsku byltingunni að helvítis múgurinn væri bara öfundsjúkur.

07.01.07
Ef einhverjum langar til að skrifa djúsí unglingabók væri kannski ekki úr vegi að leggjast í rannsóknarvinnu og lesa færslurnar á blabla.is. Eins og einhver nenni því.
---
Eitt af því merkilegasta sem Internetið færði okkur eru myndir af fullu kvenfólki í sleik. Nú hefur þetta verið tekið skrefinu lengra því boðið er upp á vegleg verðlaun fyrir bestu sleikmyndina. Ef einhver veit um eitthvað heimskulegra á netinu í dag má hann láta mig vita.
---
Með sömu þróun í "frjálslyndisátt" má búast við að árið 2012 standi Mix og Völu buff fyrir samkeppni þar sem flottasta tilli í píku-myndin vinnur ferð til Kaupmannahafnar og kassa af Völubuffi.
--- 
Sá Little Miss Sunshine. Fíllgúdd upp á 3 stjörnur af 4. Las Napóleon skjölin (óraunverulega spenna upp á 3 af 4) og er að lesa Svartir englar e. Ævar Örn Jósepsson (só far só gúdd). Þegar maður byrjar að lesa reifara er hætta á að maður nenni ekki að lesa annað. Manni finnst ekkert fútt í spennulausar bækur án líka. Nei ég segi svona. Ég byrjaði allavega á Vetrarferðinni e. Ólaf Gunnarsson en nennti henni ekki e. 20 bls eða svo. Enginn dauður og bara eitthvað hjakk.

06.01.07
Fyrsti Topp Fimm 2007 er hér, vaðandi af sindrandi úrvalsefni. Húrra:

City Boy - 5-7-0-5: Hljómsveitin City Boy var frá Birmingham og strákarnir fengu samning aðallega út af því að þeir þóttu sánda svipað og 10CC og ELO. Þetta er eini smellurinn þeirra frá 1978. Ekki verra en hvað annað að byrja topp5-árið á löngu gleymdum iðnaðarrokksmelli. Smá upphitun fyrir tónleika Toto kannski? 

Rättö ja Lehtisalo - Ihanan syyllinen pallokala: Finnarnir Jussi Lehtisalo og Mika Rättö eru bassa- og gítarleikarar hljómsveitarinnar Circle, sem hefur dælt út dúndurplötum á síðustu 15 árum eða svo. Dúett sinn kalla þeir Rättö ja Lehtisalo og spila öllu vægari tónlist en Circle, en engu að síður súper áhugaverða. Þriðja stóra platan þeirra heitir því grípandi nafni Ed Benttonin Briljantti Stabilismi Tai Taivaallinen Kylpysaippua og er góð eins og hinar tvær. Hún kom út í fyrra (2006) og ætti að vera til á öllum heimilum. Ef ég hefði heyrt hana fyrr hefði hún komið sterk inn á topp 5 listann yfir bestu plötur ársins. Hér er skringilega poppað lag af henni.

Spank Rock - Backyard Betty: Önnur plata sem ég heyrði of seint til að taka með í 2006-pakkann er Yoyoyoyoyo með Spank Rock, hiphopdúett frá Brandaríkjunum, skipaður Spankrokk frá Baltimore (sést hér á mynd með annarri hetju Baltimore, John Waters) og Alex Epton sem ólst upp í Oklahoma. Platan er árennileg mjög og til þess fallinn að auka vægi hipphopps í hlustunarmynstrinu.

Deerhoof - Believe E.S.P.: Áttunda plata San Francisco flippliðsins í Deerhoof er handan við hornið (og heitir Friend Opportunity). Makknað stöff, myndi ég halda. Kannski aðeins poppaðra en áður og því jafnvel betra. Hér er þriðja lag plötunnar sem krossar skemmtilega og hljómar eins og Tom Zé í sleik við Ennio Morricone. Skratti frískandi.

Gruppo Sportivo - Girls never know: Hollenskt grínrokk sem var holað niður með pönkinu þegar þetta var að koma út í kringum 1978. Maður tók eftir þessu á sínum tíma en þótti aldrei nógu spennandi til að tékka á. Ágætt stöff engu að síður. Þetta lag rýmar við örlí Stuðmenn og 10CC ef þú veist hvað ég á við. Mun vera af fyrsta LPinu, Ten Mistakes frá 1977.

04.01.07
Sé það á Veitingahúsasíðunni minni að ég hef ekkert etið úti síðan í sumar. Þetta er náttúrlega ekki alveg rétt því ég hefi etið á nokkrum stöðum sem hafa þegar fengið dóm og svo át ég slatta á ferð minni með Bigga til Englands en sá ekki ástæðu til að rýna í það. Nú bregður hins vegar svo við að ég fór á nýtt pleis í dag og hef skrifað eftirfarandi:

Sjávarkjallarinn, Rvk XXXX
Eitthvert rándýrasta átpleisið í bænum (skilst mér) og gæðin eftir því. Það er gáfulegra að spælsa þessu á sig í hádeginu því þá er ódýrara. Við skelltum okkur á 3ja rétta hádegistilboð á 2700 kall. Tampúrakrabbi í forrétt (stórkostlegt), ég fékk mér eggjanúðlur með sjittsveppum og tígrisrækjum (3 stk - mætti vera fleiri), en Lufsan fékk sér lúðu (of þurr). Mitt var helv gott og það var vel útilátið. Eftirrétturinn fór alveg með geðveikina, geðveikt súkkulaðimúss með ís. Hverrar krónu virði og merkilega vel útilátin máltíð. Ég var alveg á blístri enda var borið í mann snittubrauð og sósa og ídýfukorn. Svaka fínt.
---
Voðalegt er að heyra af þessum strákkálhausum sem lúskruðu á tveim í Garðarstræti og skildu eftir meðvitundarlausa í blóði sínu. Hvað er að þessu liði? Mér dettur ekki í hug að koma ábyrgðinni á þjóðfélagið eða "ofbeldismyndir". Og hvað er hægt að gera við svona lið? Skera af þeim annan handlegginn? Kroppa úr þeim annað augað? Maður verður pirraður og reiður að heyra af svona fáránlegu ofbeldi og eins með þessa ræfla endalaust keyrandi hér um á trilljón hættandi lífi fólks í hættu. Alltaf er þetta sami hópurinn, ungir karlar, og maður sér fyrir sér þessu heimskulega bjána með ömurlegan smekk og slefuna í munnvikinu. Fávitaskapur er helsta mein samtíðarinnar.
---
Tvær ókunnugar miðaldra konur hafa stöðvað mig á götu í dag til að þakka fyrir Bakþankana í Fbl. í dag. Þetta er met. Venjulega þegar þokkalega hefur tekist upp með Bakþankana stoppar mig ein miðaldra kona en nú voru þær sem sagt tvær. Þetta hljóta því að vera bestu Bakþankarnir til þessa. Það má lesa þá hér.
---
Enn og aftur er Tónlistarþáttur Dr. Gunna á vonarvöl. Enn einu sinni er útvarpsstöð sem ég er að vinna hjá lögð niður. Þetta er auðvitað ekkert annað en fyndið. Ég er þó auðvitað í gífurlegu stuði til að vera áfram með svona tónlistarþátt, svo það sé á hreinu ef ske kynni að áhrifamikill snillingur á sviði útvarpsmennsku sé að lesa þetta. En ég var búinn að búa til næsta þátt heima hjá mér og hann er hér að neðan. Ég ætlaði að spila 30 bestu erlendu lögin í fyrra. Sem voru eftirfarandi:

Bestu erlendu lögin 2006!!!
30 Shogun kunitoki - Montezuma
29 Lordi - Hard rock hallelujah 
28 Sonic Chicken 4 - Sonic night
27 Fujiya & Miyagi - Collarbone
26 Welcome - All set
25 Tv on the radio - Province
24 Band of horses - The funeral
23 Bonde do role - Melo do tabaco (A-trak remix) 
22 The Panda Band - Ghosts have the best time
21 Oh No Ono - Keeping warm in cold country
20 The Thermals - A pillar of salt 
19 The Long blondes - Weekend without makeup
18 Morrissey - You have killed me
17 Mastodon - The wolf is loose
16 Jarvis Cocker - Cunts are still running the world
15 The Raconteurs - Broken boy soldier
14 The Stills - Destroyer
13 Mew - The Zookeeper's boy
12 I'm from Barcelona - We're from Barcelona 
11 CSS - Alala
10 Phoenix - Long distance call
09 Graham Coxon - You and I 
08 Dukes of Windsor - The Others
07 Prototypes - Gentleman 
06 Metric - Monster hospital
05 Yeah yeah yeahs - Gold lion
04 Gnarls Barkley - Crazy
03 Lily Allen - Smile
02 Peter Bjorn and John - Writer's Block
01 Belle & Sebastian - The Blues are still blue

Hlusta á fyrri partinn! / Hlusta á seinni partinn!

03.01.07
Það tottar ekkert að vera Íslendingur og það má auðvitað ekki kvarta, en samt: Við vinnum mest allra í Evrópu og dýrasti Big Mac í heimi (liggur við) er hér. Svo dýr að hann er beinlínis kennslubókardæmi. En ég sagði ekki neitt. Uss...

02.01.07
Gleðilegt ár og takk fyrir þau gömlu! Nú er 2007, eða árið 007. Dáldið töff. Og svakalega mikið sci-fi eitthvað. 2007! Það er nú bara einhver geðveiki. Hvað er maður eiginlega orðinn gamall? Níutíu?
---
Skaupið = Fínt. Samt ekki það besta. Ætli það sé ekki þetta með Árna Johnsen í Innlit útlit.
2006 = Fínt.
Helstu áramótaheiti:
* Lesa meira, fara oftar í bíó - jafnvel leikhús, fara út að borða 4. hvers mánaðar, halda áfram að reyna að vera góður.
* Ná þeirri kjörþyngd sem minnibók Blóðbankans gefur upp.
* Blogga daglega þótt ég hafi ekkert að segja. Er auðvitað þegar búinn að falla á því enda er annar í dag.
---
Gaf blóð í 18. skipti í dag. Þegnskapur. Allir eiga að gefa blóð ef þeir geta. Sá Strákarnir okkar í gær þegar ég kom heim af fertugsafmæli Felixar. Svakalega léleg mynd. Mun verri en Maður eins og ég, sem var mun verri en snilldarverkið Íslenski draumurinn. Það er vonandi að Róbert Douglas nái sér á strik.
---
Veislan var annars stórkostlega vel heppnuð þótt mér hafi nú Jón Baldvin ekkert hafa haft sérlega gaman að Prumpulaginu.
---
Það var hálf ógeðslegt að horfa upp á Saddam hengdann. Sá þetta í tölvunni hans Bigga þar sem við erum nú sveittir við að taka upp skorið í Abbababb sem kemur án efa út á plötu bráðlega. Algjör fokking villimennska og fáránlegt að Ísland sem óbeint þátttakandi í þessari drullu allri. Því miður er ekkert helvíti til að taka á móti þeim sem þangað ættu að enda. Bara sagan sem dæmir.
---
Menn eru eitthvað að segja að það sé búið að loka XFM (enn einu sinni). Það er allavega enginn búinn að minnast á það við mig, en ég tek eftir því að það hafa ekki verið neinar kynningar í dag, bara pleilistinn. Svaka umrót annars í fjölmiðlaheiminum. Það er aldrei friður og fátt sem lafir lengur en nokkur misseri. 

31.12.06
Síðasti dagur ársins er dáldið spes. Búinn að versla vindla og rakettur. Nú er vonandi að Skaupið totti ekki. Topp lið í þessu. Það er ekki bara Jútjúb. Mér var bent á tvennt:

Gomma af myndum hér (t.d. heimildarmyndin Dark Days og viðtöl við John Lennon og  Keith Richards (tekið af Hunter S. Thompson)

Zombie zombie zombie - haugur af zombie-myndum og allt um fyrirbærið.

29.12.06
Hef auðvitað étið á mig gat, eða tvö, um jólin, en ströng líkamsrækt bjargar því sem bjargað verður. Fékk Fylgið okkur e. Hugleik (ofursnilld) og Úti að aka - Á reykspúandi Kadilakk yfir Ameríku (helv góð - Ólafur Gunnarsson er í svo miklu stuði að ég endurnýjaði kynnin og fékk lánaða Vetrarferðina í bókasafninu. Maður þarf nú einhvern tímann að prófa að keyra svona kagga. Það er ljóst.)
---
Ég get nú alveg verið með völvuspá eins og hvaða rugludallur sem er á blöðunum. Völvuspá 2007:

* Janúar: Fons kaupir ráðandi hlut í Spons. 
* Febrúar: DV breytist í DB. Davíð dettur íða og hækkar vexti upp í 70%. Paris Hilton sýnir á sér píkuna. Heróínsjúklingarnir Pete og Kate Moss gera eitthvað merkilegt.
* Mars: Klámmyndin Phorno Dogs sýnir fram á að góðan árangur af starfi Byrgisins. Paris Hilton sýnir á sér píkuna. FL-group breytir nafninu í Loftleiðir group-group. Heróínsjúklingarnir Pete og Kate Moss gera eitthvað merkilegt.
* Apríl: Britney Spears sýnir á sér píkuna. Heróínsjúklingarnir Pete og Kate Moss gera eitthvað merkilegt. Kaupþing breytir nafninu aftur í KB banka.
* Maí: Framsókn fær 4.3% atkvæða og forsætisráðherrastólinn. Árna Johnsen flokkurinn X-Á fær 3% og menntamálaráðuneytið. Paris Hilton sýnir á sér píkuna.
* Júní: Spons kaupir 60% í Fons. Bjarni Ármannsson fær sér einkaþotu. Í svörtum fötum eru með fyrsta kombakkið.
Júlí: Paris Hilton sýnir á sér píkuna. Britney Spears líka. Heróínsjúklingarnir Pete og Kate Moss gera eitthvað merkilegt. Loftleiðir group-group breyta nafninu í FL & Fons group.
* Ágúst: ..æi ég nenni þessu ekki.
---

24.12.06

Gleðileg jól!
---
Og einn topp 5imm í tilefni dagsins:

El Vez - Feliz Navidad: Mexíkóski Elvisinn með jólalag sem trompar jólastuðið. Byrjar sem PIL en endar sem Katla María.

ELO - Livin' thing: Eins og Baggalútur hefur verið iðinn við að sýna fram á er hægt að breyta hvaða lagi sem er í jólalag (nánast). Bara bæta við jólalegum texta og nokkrum hreindýrabjöllum og hei prestó. Hér er snilldarlag með ELO sem beinlínis hrópar á jólalagabreytingu. Í staðinn fyrir "It's a livin' thing" mætti e.t.v. syngja "Litli jólasveinn" o.s.frv.

Hybrid Kids - Happy xmas (was is over): Af jóóólaflippplötunni Claws sem Hybrid Kids (Morgan Fischer) sendi frá sér um 1980. Magnað lag Johns Lennon tekið í smá flippi og ekki minnkar jólastuðið við það.

Petter & The Pix - Nevermind: Tröllhærði bassaleikarinn úr Hjálmum með sólóplötu korteri fyrir jól en á vonandi eftir að fá meiri athygli á 2007. Ljómandi gott popp hjá honum, smá Jamaríkvæ og ég veit ekki hvað. Easily tricked heitir platan og er svaka fín. Mæspeis.

Field Music - Got to get the nerve: Þrír strákar frá Sunderland sem er spáð afrekum 2007. Þá ku ný plata líta dagsins ljós. Á mæspeissíðunni má sjá að áhrifavaldarnir eru safaríkir: The Left Banke, Serge Gainsbourg, My Bloody Valentine, Stravinsky, Stax & Motown, Thelonious Monk, Roxy Music, Talking Heads, The Neptunes and Peter Gabriel. Þetta lag er af fyrstu plötunni sem kom út 2005. 
---
Samkvæmt Orra Harðarsyni reykti Ringo Starr Chesterfield af miklu afli á velmektarárum Bítlanna.Ringo lét alltaf teipa sígarettupakka á snerilinn. Það varð að vera hálfur pakki og það af Chesterfield. Ekkert annað kom til greina! Einhverju sinni voru ekki til Chesterfield í hljóðverinu. Hann neitaði að nota annað og sendi mann út í sjoppu, segir Orri.

22.12.06
Aldarafmæli snillingsins Hergé er á næsta ári. Margt verður gert að því stórtilefni.
---
Karton af Chesterfield, tvímælalaust jólagjöfin í ár:

21.12.06
Oft er sagt að fólk með allt niðrum sig vegna sukks og svínarís sé mun betur komið með trúarbullið úr Krossi eða Byrgi í heilanum en fíknina. Líklega rétt þótt bæði sé nógu slæmt – það drepur þá engan á meðan í Jesúnafni en ætti það til í dópæði. Eins og alþjóð veit er nú allt vitlaust eftir Kompásið um Gumma stuð í Byrginu. Ég nenni ekki að hafa skoðun á því máli, en það er ljóst að aðeins tvennt virðist líklegt: Að Gummi sé siðlaus sækópat og þrælsekur af öllu eða þetta sé allt geðveikt samsæri, eins og hann vill meina og að loka þurfi Stuð 2 í kjölfarið vegna vitleysunnar. Zeranico hefur skemmtilega lausn á þessari dilemmu sem er svona: Er ekki málið að Guðmundur Jónsson sýni alþjóð á sér getnaðarliminn svo hægt sé að bera hann saman við myndskilaboðin sem sýnd voru í kompás um daginn? 
---
Hnakkus gagnrýnir kvikmyndina Iron Master og Lille Ven.
---
Árið að verða búið og allir að gera bestu-plötur-ársins-lista. Hér eru sigurvegarar nokkurra:

Bob Dylan - Modern Times (Rolling Stone)
Bob Dylan – Modern Times (Uncut)
Arctic Monkeys – Whatever People Say I Am, That’s What I’m Not (NME)
Arctic Monkeys – Whetever People Say I Am, That’s What I’m Not (Q)
The Raconteurs - Broken boy soldiers (Mojo)
The Knife - Silent Shout (Pitchforkmedia)
TV on the Radio - Return to Cookie Mountain (Spin)

Annars er heill haugur af listum hér... (og jafnvel enn fleiri hér...)

Sjálfur hef ég verið beðinn um að búa til lista yfir bestu plötur ársins erlendar/íslenskar og var niðurstaðan þessi:

1. Eberg - Voff voff
2. Pönkbandið Fjölnir - Sonur neyslusamfélagsins var hér
3. Reykjavík! - Glacial landscapes, religion, oppression and alcohol
4. Pétur Ben - Wine for my weakness
5. Benni Hemm Hemm - Kajak

1. Belle & Sebastian - The Life Pursuit
2. Lily Allen - Alright still
3. Peter Bjorn and John - Writer's Block
4. Mastodon - Blood mountain
5. CSS - Cansei de ser sexy

Sé þetta borið saman við sömu niðurstöður fyrir árið í fyrra, er ég ekki frá því að þetta ár hafi verið mun slappara músiklega en 2005:

1 Trabant - Emotional
2 Sigur Rós - Takk
3 Emilíana Torrini - The Fisherman's woman
4 Ég - Plata ársins
5 Benni Hemm Hemm - Benni Hemm Hemm

1 System of a Down - Mezmerize / Hypnotize
2 Art Brut - Bang bang rock n roll!
3 The White Stripes - Get behind me Satan
4 Kaiser Chiefs - Employment
5 Paul McCartney - Chaos and creation in the back yard

Þar fyrir utan verður það sífellt augljósara, amk í mínu hlustunarmynsturstilfelli, að tími albúmsins er liðinn. Staðreyndin er þessi: Ég er hættur að hlusta á albúm! Ég hlusta bara á lög og eiginlega glætan að ég nenni að hlusta á 10-15 lög með sama listamanninum í röð. Tími sjöffulsins er runninn upp. Og því eru listarnir mínir um bestu lög ársins mun viturlegri en albúmlistarnir. Íslenski listinn er hér að neðan og var leikinn í síðasta Tónlistarþætti. Erlendi listinn verður ekki birtur fyrr en 7. jan, en þá fyrr um daginn verða 30 bestu erlendu lög ársins 2006 spiluð í þættinum mínum á XFM. 

20.12.06
Dagblöð eru úreld. Ég fattaði þetta í dag þegar ég sá forsíðu Moggans af strandaða skipinu. Í fyrsta lagi hef ég engan áhuga á þessu strandi, en gott og vel, segjum að ég hefði rosalegan áhuga. Í gær hefði ég því hlustað á fréttir af strandinu í útvarpi og lesið um það á mbl, ruv.is og visir. Síðan hefði ég glápt á fréttirnar af því á Stöð 2 og Rúv. Jafnvel 10 fréttir líka. En fjandinn hafiði, ég þyrfti að vera sérlega mikil áhugamaður um skipsströnd til að nenna að lesa mér til um þetta enn einu sinni daginn eftir. Dagblöð eru þó ekki alveg úreld því kynslóðin sem tórir er ekki vön öðru. En eftir 30 ár..? Jafnvel úrelt og gegnsósa geirfugl.
---
Pönkbandið Fjölnir, sem án efa á eina alskemmtilegustu plötu ársins, vill koma því á framfæri að platan fæst í 12 tónum og Smekkleysubúðinni.
---
Eberg er með Sober in June í jólaútgáfu hérna.
---
Kristinn Pálsson sér um hinn metnaðarfulla þátt Uppruni tegundanna á Rás 2. Hérnamá hlusta á gamla þætti.

17.12.06
Tónlistarþáttur Dr. Gunna kynnir: Bestu íslensku lögin 2006!!!

30 Koja - BBJ
29 Helmus und Dalli - Freaky design
28 Evil madness - A sudden moment of private demonic psychodrama
27 Ókind - Ó ég
26 Mammút - Flottræfill
25 Mongoose - How do you
24 Þór Eldon / Dagur Sigurðarson - Dauðaskammtur
23 Jakóbínarína - His lyrics are dangerous
22 Hafdis Huld - Tomoko
21 Ham - Sviksemi
20 Hjálmar - Vagga vagga
19 FM Belfast - Lotus
18 Bloodgroup - Try on
17 Skúli Sverrisson (& Ólöf Arnalds) - Geislar hennar
16 Dýrðin - Popp og co
15 Retro Stefson - Medallion
14 Gavin Portland - A cool way to hold hands
13 Gylfi Ægisson - Í stuði
12 Fræ - Freðinn fáviti
11 Motion Boys - Waiting to happen
10 Morðingjarnir - Í götunni minni
09 Skakkamanage - None smoker
08 Ghostigital - Not clean
07 Æla - Magnarinn
06 Trabant - The one (Filthy dukes remix)
05 Benni Hemm Hemm - Sól á heyhóla
04 Pétur Ben - Something radical
03 Reykjavík! - Advanced dungeons & dragons
02 Pönkbandið Fjölnir - Skilum auðu!
01 Eberg - Love your bum

Hlustaðu á þáttinn hér: Fyrri hluti (mp3, 48 MB) / Seinni hluti (mp3, 59 MB)